4
1 Ɩ́ má yósi nyúútɩ́náwa, ɩ́ tʋŋ taŋá arɩ́ ɛ́ ná há cɛ́rɛ́, a cáásɩ́wa yósi, ká zɩŋ rɩ́ɩ́wa má kéŋ Nyuutɩna, bána nyúú.
Hatɩ́ŋnɩ́cáánɛ
2 Ɩ́ hé dóé a pɔ́ wérí, aá cʋɔlɛ Wɩɩsɛ arɩ́ taŋá, aá bɔ́llʋ́ tɛ́ŋ wuu mí.
3 Ɩ́ sʋl Wɩɩsɛ aá párá má, rɩ́ Wɩɩsɛ wúrú wɩ́bʋlɛ ná ŋmɛ́nɔ párá, rɩ́ Kirisi wɩ́ɩ́ ná fa há ká wɩ́féŋsí, ráá máŋsʋ́ pá nɩɛ.
Ɛ́ wɩ́féŋsi bʋlɛ́ wɩ́ɛ́ nɛ́ tɛ, ɓa kánɩ́ŋ tɔ́ bɩnajaa mɛ́ nyɛ.
4 Ɩ́ sɩɛ́ sʋl Wɩɩsɛ páŋ, rɩ́ŋ wólli bʋl ɛ́ wɩ́ɩ́ pʋmmɩ́ a pá nɩɛ, anɛ ɛ́ há mɔhɛ̃́ rɩ́ŋ bʋl.
5 Ɩ́ lo rɩ́ɩ́wa wɩ́'állɛ pi ŋmɛ́nɔ, nɩɛ ná há wɩ Zeezi Kirisi lɛ́ɛ́ dí sɩɛrʋ, ká rɩ́ɩ́wa ja wɩ́zɩmɛ, rɩ gbél wuu kúó pɛ́, rɩ́ɩ́wa tɩŋ ráŋ mɛ́, a sáŋwɔ́ mɛ́, ká sɩ́ sɛ́ŋɓɛlɩ́ á.
6 Tɛ́ŋ wuu mí, ɩ́ lo rɩ́ɩ́wa wɩ́bʋlɛ́ a ɓɩŋmɔ́má, anɛ yɛsɛ há mɩŋ ráŋ, rɩ́ zilé má mɩŋ, a makɛ rɩ́ɩ́wa zɩŋ ɛ́ ná há mɔhɛ̃́ rɩ́ɩ́wa lɩ́sɛ nʋʋsɛ, a pá nɛrɔ wuu.
Hatɩ́ŋnɩ́cʋɔla
7 Ŋ maábinɔ́ŋɔ káŋ nɩcólli Tisiiki, há ká Nyuutɩna tʋtʋnnʋtaŋá, ŋ rɩ́rʋ́ wuu tʋ́tʋŋ Nyuutɩna tʋtʋmɛ́, ʋ sɩ́ máŋsɩ́ŋ wɩ́ɛ́ wuu pɛ́ɩ́wa.
8 Ŋ dé taalɛ rɛ́, a tʋ́mʋ́ ɩ́ rɩ́, a makɛ rɩ́ɩ́wa zɩ́ŋrá kéne mʋɔsɔ, ká rʋ́ʋ́ pɛ́ dúóríwa naasɛ má.
9 Ʋ rɩ́ Oneziimi ní ŋ tʋŋ.
Ʋ má kárá maábinɔ́ŋ tɩɩ rɛ́, a árá nɩcólli má, a ɛ́ɩ́wa nɔ́ŋ.
Ɓa sɩ́ máŋsɛ wɩ́ɛ́ ná wuu há mɩŋ rɛɛ́, a pɛ́ɩ́wa.
10 Arɩsɩtarkɛ bɔ́llɩ́wa; ŋ rɩ́rʋ́ wuu ní mɩŋ bɩnajaa mɛ́.
Barnabasɛ nátoló bio Markɛ* máá bɔ́llɩ́wa.
Ʋ wɩ́ɛ́ nɛ́ ŋ la sɩ́ɛ́ máŋsɛ pɛ́ɩ́wa ɛ́, a bʋlɛ́ rʋʋ nɛ́ kúé rʋ́ʋ́ néíwa, ɩ́ caklɔ́ʋ́.
11 Zeezi ná ɓa háá yɩ́rɛ Zisitisi, ʋ máá bɔ́llɩ́wa.
Nɩɛ nyáŋ botoro yɩra ŋ há dɩ́ɩ́sɛ́, ɓa dʋŋɔ nɛ́ ká Zuwifiwa, ŋ rɩ́wɔ́ tʋ́tʋŋ Wɩɩsɛ kuótɔ́ɔ́ ná tʋtʋmɛ́; ɓa dúóríŋ naasɛ wérí.
12 Ɩpafɩrasɛ há lɩ́ɩ́wa tɔ́ɔ́, ʋ máá bɔ́llɩ́wa.
Ʋ má ká Kirisi Zeezi tʋtʋ́nnʋ́ rɛ́; ʋ sʋ́l Wɩɩsɛ aá pɛ́ɩ́wa arɩ́ taŋá, tɛ́ŋ wuu mí, a makɛ rɩ́ɩ́wa ka wérí, a wa, a a nɩbɩɩlɛ́ Wɩɩsɛ wɩ́ɛ́ sɩɛrʋ, aá tʋŋ Wɩɩsɛ cólle wɩ́ɛ́ wuu mí.
13 Ŋ wo sɩɛ́da tɛ aá pɛ́ɩ́wa ʋ yɩr mɛ́, ɛ́ ná ʋ háá dí wɩɩla kɩ́ŋkáŋ ɩ́ wɩ́ɛ́, arɩ́ nɩɛ ná há mɩŋ Lawodise rí Erapolisi mí.
14 Dɔ́ktahɔ̃́ Liki, á nɩcólli, ʋ má rɩ́ Dɛmaasɛ bɔ́llɩ́wa.
15 Ɩ́ bɔ́llɩ́rá maábináŋa ná há mɩŋ Lawodise mí, a bɔ́llɛ Nɛŋfa má rɩ́ wɩcʋɔla púl* ná há mɩ́nʋ́ jaa mɛ́.
16 Rɩɩ́wa nɛ́ kármɛ́ kɛnɔ né tenni, ɩ́ pii pá wɩcʋɔla púl ná há mɩŋ Lawodise mí, rɩ́wɔ́ má karmɛ, ká rɩ́ɩ́wa má la kɛnɔ ná ŋ há pá Lawodise nɩɛ, a má karmɛ.
17 Ɩ́ bʋl pá Arsiipi, rʋ́ʋ́ hé dóé, a tʋŋ tʋtʋmɩ́ ná Nyuutɩna há píé hóú nɛ́sɛ mɛ́, arɩ́ taŋá.
18 Rɛɛ́ né, ŋ Pool tɩɩ nɛ́sɛ nɛ́, ŋ kaa pʋ́ŋsɛ aá cʋ́ɔ́lɩ́wa.
Ɩ́ sɩ́ sʋ́llʋ́ rɩ ɓa tɔ́ŋ bɩnajaa mɛ́.
Rɩ́ Wɩɩsɛ héíwa nyunni bárka!(2.18) Dúníé sabɩŋsɛ (Kɔlɔsɛ 2.18) Dúníé sabɩŋsɛ ká Sɩtaanɛ sabɩŋsɛ nɛ́.
Sɩtaanɛ nɛ́ ká dúníé kuóro.
Sabɩŋsɛ ná wuu há ká Sɩtaanɛ sabɩŋsɛ nɛ́ mɩŋ dúníé mí.
Dúníé sabɩŋsɛ ká bɔ́ŋbɔ́ŋ sabɩŋsɛ nɛ́.