Hatɩ́ŋnɩ́cáánɛ rɩ́ nɩɛ bɔ́llɛ
13
1 Ŋ sɩ́ kóíwa rɩ́ naasɩ́ botoro nyúú mí.
Rɩ wɩ́ɩ́ wuu kéŋ zɩmɛ́, nɩɛ bɛllɛ botoro, sɩ́ a dáŋsɩ́ɛ́wa, ká ráá zɩŋ ɛ́ wɩ́ɩ́.
2 Nɩɛ ná há a wɩ́bɔmɔ fól wuu, arɩ́ nɩɛ ná náŋa wuu rɩ́ nɛ́, ŋ bʋ́bʋl.
Ŋ há kó ráŋ bʋllɛ mɛ́, a pi wɩ́ɩ́ ná cáánɩ́wɔ́, ŋ zaa tówó laka má, ká ɛ́ wɩ́ɩ́ tɩɩ nɛ́ ha, ŋ pi aá bʋ́lwɔ́ rɩ́.
Rɩŋ nɛ́ kúé é, nɛ́ŋ waá káánɛ, ɩ́ wuu rɩ́ nɛ́ rɩ́ŋ bʋl.
3 Ɩ́ɩ́ ja ɓánɛ́ nɛ́, ká rɩ́ɩ́wa saŋ rɩ Kirisi tɩ́ŋɩ́ŋ mɛ́, aá bʋl wɩ́ɛ́.
Kirisi sɩɛ́ to nɩpʋɔlá.
Ʋʋ́ tʋ́mɩ́wa sɩ́sɩ́ɛ́nnʋ́wa rɩ́ dóé.
4 Taŋá, ɓa ɓásʋ́ dagɛsɛ́* daha, ʋ há wɩ dóé kené wɩ́ɛ́, amá Wɩɩsɛ dóé mí, ʋ zaa wómmó.
Á rɩ́ Kirisi há ká óŋ balá, á ká pʋ́ɔ́llɛ́ ɛ́ nɛ́; amá Wɩɩsɛ dóé ná mɛ́, á sɩ́ a nɩwómmé, aá tʋŋ rɩ́ɩ́wa ná.
5 Ɩ́ bɩɩnɛ wérí ná, a kɩ́ɛ́lɩ́wa tɩɩ mɛ́ ná, ɩ́ mɩŋ yardá sɩɛrʋ rɛ́?
Ɩ́ ɩ́ɔ̃́ rɩ́ Zeezi Kirisi mɩ́nɩ́wa sɩɛrʋ, ɛ́ rá?
Rɩ ɛ́ rá é, ɩ́ to yardá nɩ́ɛ́.
6 Amá ŋ yɩɛla nɛ́ ká, rɩ́ɩ́wa ná wɩ́ɛ́, a zɩŋ ráá ká Zeezi nɩtʋmɛ́ nɛ́.
7 Á sʋ́l Wɩɩsɛ aá ja rɩ́ɩ́wa sɩ́ wɩ́ɩ́ áá zɔkɛ.
Ɛ́ sɩɛ́ tórá nɛrɩ́ nɛ́ á jɩ́ja ráá makɛ pɛ́ɩ́wa; amá áá já rɩ́ɩ́wa wólli wɩ́ɛ́ ná há ká yɛ́rɛ́ nɛ́, aá a, ká rʋʋ hé ráá a nɩyɔ́ɔ́wa má, ráá a.
8 Á wɩ taŋá mɛ́ wuó kɛ́rɛ, á mɩŋ taŋá har nɛ́.
9 Raá nɛ́ wɩ dóé kené, ká rɩ́ɩ́wa é ka dóé má, áá jʋ́ɔ́sʋ́ rɛ́, ɛ́ wɩ́ɛ́.
Á sɩɛ́ há sʋ́l Wɩɩsɛ aá jɔ́ʋ́ ná nɛ́ ká, rɩ́ɩ́wa bɛ, wɩ́ɛ́ wuu mí.
10 Wɩ́ɩ́ ná wɩ́ɛ́ ŋ há mɩŋ dɩbólí ká pʋ́ŋsɛ kɛnɔ aá pɛ́ɩ́wa nɛ́ ká:
Ŋ waá ja rɩ́ŋ ko ka tíŋ ná Wɩɩsɛ há páŋ, aá háksɩ́wa mɛ́.
Wɩɩsɛ há pí ɛ́ tíŋ páŋ, ʋ wɩ sɛ́ rɩ́ŋ kaa zɔ́kɩ́wa, ʋ sɛ́ rɩ́ŋ pii sáŋɩ́wa mɛ́, rɩ́ɩ́wa yardá súúri ní.
11 Ŋ maábináŋa, ŋ wɩ́ɛ́ ná dɩgúlli ní nyɛ.
Ɩ́ ké wérí, satɔrɔ́ sɩɛrʋ; ɩ́ bɛ, Wɩɩsɛ wɩ́ɛ́ sɩɛrʋ; ɩ́ dúóri náŋa naasɛ; ɩ́ tʋŋ nʋɔ mɛ́, a lo rí tɛŋfɩ́ɛ́l mɩ́nɩ́wa pɛ́kɛ.
Wɩɩsɛ há ká cólle rɩ́ tɛŋfɩ́ɛ́l Wɩɩsɛ, sɩ́ mɩŋ arɩ́rɩ́wa.
12 Ɩ́ bɔ́llɛ náŋá wérí a tɩŋ náŋá baŋa vɔsɛ́ mɛ́.
Wɩɩsɛ nɩɛ wuú bɔ́llɩ́wa.
13 Rɩ́ Nyuutɩna Zeezi Kirisi hé bárka pɛ́ɩ́wa, rɩ́ Wɩɩsɛ cólle mɩŋ arɩ́rɩ́wa, rɩ́ Sabɩɩna a rɩ́ɩ́wa tʋŋ nʋɔ mɛ́!