2
1 Dariyusi Kuorí díí bɩŋsɛ bɛllɛ nyúú mí, caŋsɛ balpɛ mɛ́, tápʋlɛ mɛrɛ́ rɩ́ oro kal, Nyuutɩna Wɩɩsɛ báá pí liŋó pɔ́ʋ́ wɩ́laabʋllɔ Aaze a bʋlɛ́: 2 «Mʋ́ bɔsɛ Salsɩɛl bio Zorobabɛlɛ há ká Zida dɩtɩ́llɛ gʋvɛrnɛrɛ, ʋ rɩ́ Yehoyadakɛ bio Zozuwe há ká vʋk'ɔɔsɔ nɔhɔ̃́, arí nɩkáánɛ ná há bɩ́rɛ́ ko 3 a bʋlɛ́ :«Ɩ́ nɩbɩrkoolé nyáŋ sɩɛrʋ orí rí ná Wɩcʋ́ɔ́lɛjɩzenó né fa há wéró ɛ́, tésíé mí? Ɩ́ zaa sɩɛ́ há bélú, ʋ nɩhɩ̃́ ɛrɛ́ rɛ́? Ʋ to oŋyɔ́ɔ́ nɛ́ ɩ́ sɩ́ɛ́ mɛ́ ? 4 Ŋ é Nyuutɩna Wɩɩsɛ nɛ́ bʋ́lɛ́: « Mʋ́l né mí, dúórí naasɛ Zorobabɛlɛ, dúóri naasɛ Yoyadakɛ bio Zozuwe há ká vʋk'ɔɔsɔ nɔhɔ̃́, tɔ́ɔ́ né nɩɛ wuu, ɩ́ dúóríwa naasɛ. Ɩ́ isi púl jaa ná tʋtʋmɛ. Ŋ mɩ́nɩ́ɩ́wa har. Ŋ é Nyuutɩna Wɩɩsɛ há ká dóé wuu tɩ́na nɛ́ sɛ́. 5 Ɩ́ há lɛ́ Ezipiti mí, ŋ tá nʋɔ́ rɛ́ pɛ́ɩ́wa. Ŋ sabɩɩna mɩ́nɩ́wa sɩ́sɩɛ́nnʋ́wa, ɛ́ wɩ́ɛ́ ɩ́ sɩ́ héwíŋ fá. 6 Tɛ́ŋ mʋ́ɔ́ mɛ́, ʋ waá dáánɛ, ŋ báá sɩ́ a rɩ́ bána rɩ́ tíé zíkli, rɩ́ mʋʋ rɩ́ tíkaasɩ́ má zíkli. Ŋ é Nyuutɩna Wɩɩsɛ há ká dóé wuu tɩ́na nɛ́ bʋ́lɛ́. 7 Ŋ sɩ́ vúkmi duowa ná náŋa nɩɛ. Ɓa kuóɓɩɛ oŋkana sɩ́ ko rɛ, ká rɩ́ŋ a rɩ́ píŋ mɩŋ jaá né sɩɛrʋ (rɩ́ jaá né a wérí). Ŋ é Nyuutɩna Wɩɩsɛ há ká dóé wuu tɩna nɛ́ bʋ́lɛ́. 8 Ŋ nɛ́ tɛ́ dúníé salmɛ rɩ́ warɛ wuu. Nyuutɩna Wɩɩsɛ há ká dóé wuu tɩ́na nɛ́ bʋ́lɛ́. 9 Wɩcʋ́ɔ́lɛ́jɩzeno ɓɩfɛlɔ né Píŋ (wér) sɩ́ kɩ́llɛ dʋ́ŋdʋ̃́ʋ̃́ ɓɩnɔ. Ŋ sɩ́ a rɩ́ɩ́wa ka tɛŋfɩ́ɛ́l dɩhɩ̃́ né tɩɩ. Nyuutɩna Wɩɩsɛ há ká dóé wuu tɩ́na nɛ́ bʋ́lɛ́.Wɩɩsɛ nɩɛ zʋ́ busunnu
10 Driyusi kuorí díí bɩŋsɛ bɛllɛ nyúú mí, caŋsɛ nɛ́mɛ́ mɛ́, tápulɛ mɛrɛ́ rɩ́ baná kal, Nyuutɩna Wɩɩsɛ ná há ká dóé wuu tɩ́na bʋ́lʋ́ wɩ́laabʋlɔ Aaze rɩ́ a bʋlɛ́ : 11 «Bɔsɛ vʋk'ɔɔsa rɩ́wɔ́ lísɛ wɩ́ɩ́ né sɩ́ɛ́ páŋ. 12 Bɔ́sɩ́wɔ́ bʋlɛ́: Rɩ nɛ́ŋ pí vʋk namɩɛ hóú gɛrɔ mɛ́, ká kánʋ́ gɛrɔ ná mʋ́ tɩkɛ dɩpɛ́ŋ mɛ́, ɛ́ rá má tunɔnɔ mɛ́, ɛ́ rá má dɩvɛ́ŋ mɛ́, ɛ́ rá má nʋʋ mɛ́, ɛ́ rá má ɓɩdííli oro wuu mí, ɛ́ onni báá ká Wɩɩsɛ tɩ́llɛ nɛ́? Ɛ́ nɛ́ vʋk'ɔɔsa ná lɩ́sɛ́ nʋɔ pá Aaze a bʋlɛ́ «Aɩ́». 13 Ɛ́ nɛ́ Aaze baa pi wɩ́ɩ́ nɔ́ŋɔ bɔ́sɩ́wɔ́, a bʋlɛ́: «Ká rɩ nɛ́ŋ rɩ́ tɩ́kɛ́ sʋʋ mɛ́, a zʋʋ busunnu, ká mʋ́ tɩkɛ ɓɩdííli mí, (ɛ́ onni nɔ́ŋɔ mɛ́) ɓɩdíílli ná ma zʋ́ busunnu rí ? Vʋk'ɔɔsa ná sɛ́ : «Óó, ʋ zʋ́ busunnu rí» 14 Ɛ́ nɛ́ Aaze bʋl pɔ́wɔ́ bʋlɛ́: Nyuutɩna Wɩɩsɛ ná há ká dóé wuu tɩ́na sɛ́: « Tɔ́ɔ́ né nɩɛ wuu sɩ́ɛ́ nɩhɩ̃́ ɛ́ nɛ́, ɓa nɛ́ŋsa tʋtʋmɛ́ má ká ɛ́ nɛ́. Ɓa nɛŋsa tʋtʋmɛ́, arɩ́ omo ná wuu ɓa há píé ɔsɛ vʋk aá páŋ, wuu zʋ busunnu ɛ́ nɛ́ .» 15 Ɩ́ sɩɛ́ pɔ́ nyɛmɛ́ ká kɩ́ɛ́lɛ wɩ́ɛ́, a kaá mʋ́ wuu. Rɩ ɓa ha wɩ́ŋ Jɩzenó né bɩrsɔɛ púlé, rɩ́wɔ́ pi wárɛ́ sakɛ wárɛ́ nɔ́ŋɔ daha, 16 wɩ́ɛ́ fa cɛ́ ɛrɛ́wa rɛ́? Rɩ nɛrɔ fa zʋ́ɔ rʋ́ʋ́ a mɩ́ɛ́ gbaŋsɛ (gárá) mɛrɛ́ ʋ vʋr mɛ́, ʋʋ́ zʋʋ ná gbaŋsɛ fí ní. Rɩ nɛrɔ nɩ́ mʋ́ɛ́ rʋ́ʋ́ a dɩvɛ́ŋ litiri mɛɛ́sɛllɛ rɩ́ fí, vizene mí, ʋʋ́ ná dɩvɛ́ŋ litiri mɛrɛ dʋŋɔ nɛ́. 17 Ŋ zɔ́kɩ́ɩ́wa nɛ́ŋsa tʋtʋmɛ́ wuu, a a fɩɩlɔ ka onni, mɩ́wiiló zʋ mɩ́ɛ́, ká duódówʋ́ɔ́ a ɓa wuu zɔkɛ. Ká a rɩ́ ɛ́ wuu, ɩ́ wɩ bɩ́rɛ́ aá kóŋ rɩ́, Nyuuttɩna Wɩɩsɛ nɛ́ bʋ́lɛ́. 18 Ɩ́ sɩɛ́ púl zaa mɛ́, ká kɩ́ɛ́lɛ wɩ́ɛ́ a kaá mʋ́ wuu; ɩ́ púl caŋsɛ nɛ́mɛ́ mɛ́, ʋ tápulɛ mɛrɛ rɩ́ baná kal ná mɛ́, ɓa há púlé a bil Nyuutɩna Wɩɩsɛ jɩzeno mʋ́l, káá kɩ́ɛ́lɛ wɩ́ɛ́. 19 Mɩ́ɛ́ ha mɩnɩ́wa vʋ́ʋ́ra mɛ́ rɛ́? Viinyi tuuni, pirtuuni, girenaadɛ tuuni, olivi tuuni, má wɩ nɔ́nɛ́. A sɩɛ́ kaa púl zaa mɛ́, ŋ sɩ́ a rɩ́ɩ́wa nɛ́sɛ zʋ ɓɩɛ.
Wɩɩsɛ lɩ́sɛ Zorobabɛlɛ a tá nʋɔ pɔ́ʋ́
20 Cana tápʋlɛ mɛrɛ́ rɩ́ baná kal tɩɩ, Nyuutɩna Wɩɩsɛ báá bʋ́l Aaze rɩ́ a bʋlɛ́: 21 «Bʋl Zorobabɛlɛ há ká Zida tɔ́ɔ́ gʋvɛrnɛrɛ rɩ́ bʋlɛ́: rɩ́ŋ é doé wuu tɩ́na Wɩɩsɛ sɩ́ ka bána rɩ́ tíé wuu zíkli. 22 Ŋ sɩ́ yiki (ílli kuóre ɓa kuóɓaŋsa nyúú) kuóre yo, ɓa kuóɓaŋsa daha, ká zɔkɛ tíé nyúú kuorí wuu dóé. Ŋ sɩ́ yiki lal tórkowa rɩ́wɔ́ mɩ́mɩlma (dɩráɓawa) yo; zákzɩ́nnɔ wuu rɩ́rʋ́ zaka sɩ́ ɓálʋ́ maábinɔ́ŋɔ tókowí mʋ́l. 23 Amá ɛ́ kal, ɩ é Zorobabɛlɛ, Salsɩɛlɛ bio, ŋ tʋtʋnnɔ, ŋ sɩ́ píí mákɩ́ŋ nɛ́cikó nénípɩr. Beewɩ́ɛ́ ɩ nɛ́ ŋ lɩ́sɛ. Ŋ é dóé wuu Nyuutɩna Wɩɩsɛ nɛ́ bʋ́lɛ́.