Zakari kɛnɔ
Zakari kɛnɔ Laadí ná
Ɓa wo Zakari kɛnɔ né pi aá yɩrɛ yɩ́ɛ́la kɛnɔ.
Wɩɩsɛ wɩ́laabʋllɔ́ Zakari rɩ́ Wɩɩsɛ wɩ́laabʋllɔ́ Aaze nɛ́ cɛrɛ a la Wɩɩsɛ nʋɔ wɩ́ɛ́ bʋl. Kɛnɔ né kéŋ dɩhɛ̃́ bɛllɛ nɛ́. Ɛ́ dɩhɛ̃́ wɩ́ɛ́ ká bammáwa, ɓa tɛ́ŋ pʋ́ŋsɛ́ má bammáwa.
Dʋŋdʋʋ̃́ dɩhɩ̃́, sápiitiri 1 a kaá 8, wɩ́náálɛ́ cori ní Nyuutɩna Wɩɩsɛ makɛ a pá Zakari ráŋ. Malka máŋsɛ ɛ́ wɩ́náálɛ́ mʋ́ʋ́la a pá Zakari. Wɩɩsɛ sɩ́ ko lɔ́ʋ́ nɩɛ a tá. Nyuutɩna Wɩɩsɛ píŋ baa sɩ́ nyɩɩsɛ Zerizalɛmɛ mɛ́. Gʋvɛrnɛɛrɛ Zorobabɛl rɩ́ vʋk'ɔɔsɔ́ Yesuwa sɩ́ dí sɩ́ɛ́, rɩ Wɩɩsɛ jaa ná bɩrsɔ́.
Kɛnɔ bʋllɛ dɩhɩ̃́, sápiitiri 9 a kaá14, sárɩ́ya ná Wɩɩsɛ há sɩ́ dí a cɩ Ɩzɩrayɛl kénninaŋá mɛ́ wɩ́ɛ́ nɛ́ róŋ, a súúri kuólaataarɔ́ ná, há kéŋ múúrɩ́ŋtɩɩ, ká a bɩbar, wɩ́ɛ́ nɛ́ ráŋ. Ʋ há sɩ́ ná wɩɩla ɛ́ (12. 9-14), ká la ballɩ́ pá Wɩɩsɛ nɩɛ, wɩ́ɛ́ mɩŋ ráŋ. Rɩ Zerizalɛmɛ dɩŋdɔma có rɩ́wɔ́ káŋ má, Wɩɩsɛ sɩ́ dí dóé ɓa mɛ́:
Nyuutɩna sɩ́ dí kuorí tíé wuu nyúú.
Ɛ́ kal, Nyuutɩna dʋŋɔ nɛ́ sɩ́ a Wɩɩsɛ,
ká rʋʋ yɩr má ɔ́ʋ́ dʋŋɔ. (Zakari 14.9)
Kɛnɔ sɩɛrʋ wɩ́ɛ́:
Wɩ́múúlinaalɛ́ rɩ́ liŋsi Nyuutɩna Wɩɩsɛ há makɛ́ a pá Zakari 1-8
Nyuutɩna Wɩɩsɛ cɩ Ɩzɩrayɛl kennináŋa mɛ́ 9. 1-8
Nyuutɩna Wɩɩsɛ hóú nɩɛ nɛ́rɛ́ rɩ́ tɛŋfɩ́ɛ́l sɩɛrʋ 9. 9 a kaá mʋ́ sápiítir 14