Abakuki wɩsʋlɔ́
3
1 Wɩɩsɛ wɩ́laabʋllɔ Abakuki sʋ́l Wɩɩsɛ arɩ́ hiine 2 Ʋ sɛ́ :«Nyuutɩna Wɩɩsɛ, ŋ nɩ́ɩ́ wɩ́ɛ́ ná ɩ há bʋ́lɛ́, ɛ́ nɛ́ héwíŋ kánɩ́ŋ. Nyuutɩna Wɩɩsɛ, a rɩ́ wɩ́'állɛ nyɩɩsɛ bɩŋsɛ nyáŋ sɩɛrʋ! Bɩŋsɛ nyaŋ sɩɛrʋ, a rɩ́wɔ́ zɩ́mɩ́ wɩ́'állɛ! Amá ɩ cɔwɩɩlɔ́ sɩɛrʋ, líísí susufɔ́ wɩ́ɛ́ . 3 Wɩɩsɛ lɛ Temaŋ nɛ́ aá ko, Sapʋmmɔ tɩ́na lɛ́ Paraŋ paalɔ nɛ́ aá ko. Dɩfɩɛlɩ́. Ʋ kuorí tɔ́ bána wuu mí, ká ʋ mɛ́ bɩɩ sú tíé nyúú wuu>> 4 Ʋ pʋmmɔ́ tʋ́lʋ́ anɛ wɔhɔ; wɩcuolówa bɛllɛ lɩ́lʋ́ tɩɩ nɛ́sɛ mɛ́: ʋ dóé ná há féŋsé ní ɛ́. 5 Pʋɔlɩ́taarɩ́/daarɩ nɩ́ɩ́ válʋ́ sɩ́ɛ́, ká tɛŋlʋmɛ púú naasɛ hóú nabulle mí. 6 Ʋ ísó cɛ́ ká maŋsɛ tíé wuu, ʋʋ́ bel ní ká duó wuu nɩɛ cɩ́cel. Pallɛ waágiriwa céŋŋó, dúŋduóbɩnɛ́wa yɛ́rkɛ, ɓa kɔ́ʋ́ é ŋmɛ́ŋbɩnɛ́wa rɛ́! 7 Ŋ ná Kusaŋ tɔ́ɔ́ nɩɛ táŋtɛwa rɩ ɓa wuu cɔ́nnɔ́, Madɩaŋ tɔ́ɔ́ nɩɛ dɩzʋɔ́ (jɩɩsɛ) zíkli. 8 Nyuutɩna Wɩɩsɛ, fuonni nyúú ní ɩɩ́ dí cɔwɩɩlɔ́ ? Ɩ cɔ́ɛ́ ísí mʋnaasɛ nyúú ní, ɩ cɔ́ɛ́ ísí mʋʋ rɩ́ nɛ́, ɩ zɩ́nɩ́ záksɛ, a mɩ́nɩ́ ballɩ́ lalyóórítorkowa sɩɛrʋ ? 9 Ɩ zɩ́nɩ́ tuó, ɩ ŋmɩ́ɛ́sɛ wɩ́bʋlɛ nɩ́ kɛ́ɩ́ hɛmɛ. Dɩfɩɛlɩ́. Ɩ (yɛ́l tíe ká mʋnaasɛ nyii pɩ́pal) ɔ́ɔ́ nyipalɛ́ yɛ́l tíe ká mʋ́. 10 Pallɛ néí a vɩ́váklɛ, nyikana pusi aá daarɛ, ká cúŋcúŋbʋɔ a ɓa nʋ́ʋ́ liŋó, ʋ tɛ́rʋ́ nɛ́ŋsa bána rɩ́. 11 Wɩɩsɛ rɩ́ cana cɩ́ŋwɔ́ dɩmɩnɛ́, ɩ hɛmɛ ná háá filé pʋmmɔ sɩɛrʋ, ɩ tókowí há pɩ́llɛ́ aá cuoli sɩɛrʋ. 12 Ɩ kéŋ cɔwɩɩlɔ́ vaa cɛl dúníé wuu, a gɛrɛ duó wuu nɩɛ rɩ́rɩ́ cɔwɩɩlɔ́. 13 Ɩ lɩ́ɔ́ cɛ́ rɩ́ yoo lɛ́ɩ́ nɩɛ, rɩ́ɩ́ lɛ́ɩ́ nɩlɩ́sɛ tá, ɩ yíkí sɔhɔtɩɩnɔ jaa yo, a jɛ́rʋ́ wuu tuwiyakɛ mʋ́biló mí! Dɩfɩɛlɩ́ 14 Ɓa tɩɩ hɛmɛ nɛ́ ɩ pii yósɩ́wó kuóre nyunni lúnni, ká ɓa fa jɩɩrɛ aá ko anɛ duópo rɩ́wɔ́ kanɩ́ŋ cɔnnɛ, ká jɩ́jʋɔsɛ ɓa fa háá já rɩ́wɔ́ lʋɔrɛ dí nɩpʋɔla. 15 Ɩ cákɛ ŋmɛ́nɔ pɛ́ɩ́ záksɛ mʋʋ sɩɛrʋ, ɓa zʋ nyikana háá wʋ́llɛ sɩɛrʋ lɛ.Nɩbíino héwíŋ rɩ́ Wɩɩsɛ laadí wɩ́ɛ́
16 Ŋ nɩ́ɔ̃́, a cɩ́cel. Ŋ nɛ́ ɛ́ kʋɔllɛ, ŋ nʋkɛnnɛ ɓɩ́ɓá náŋá mɛ́, ŋ heŋgbele wuu cɩ́cáŋsɛ, ŋ cɛ́ káŋ naasɛ vɩ́váklɛ. A cɛ́ aá dɛllɛ tápʋl ná, á háá lɩ́ɩ́ cɛ́ nɩɛ ná há cɛ́rá mɛ́. 17 Pirtuu báá wɛ fɩɩlá fɛ, víínyi tuuni báá waá nɔŋ, ɓa sɩ́ ja oliivi nɔnɔ gúl ɓa tuuni nyúú; baksɛ oŋparɛ́ bá wáá ɔsɛ rɩ́wɔ́ ná ɓɩɛ dí. Piẽŋse rɩ́ bʋnnɛ sɩ́ yʋ́ksɛ petuni sɩɛrʋ, rɩ́ nɛsɛ má nyɩɩkɛ nɔtuni sɩɛrʋ. 18 Amá ŋ é sɩ́ jɩ́jʋɔsɛ Nyuutina Wɩɩsɛ wɩ́ɛ́, ŋ sɩ́ ka satɔrɔ́ Wɩɩsɛ ná há láŋ aá tá mɛ́. 19 Nyuutɩna Wɩɩsɛ nɛ́ káŋ Nyuutɩna, ʋ nɛ́ káŋ dóé. Ʋ nɛ́ ɛ́ɛ́ ŋ naasɛ lʋŋ fɛ́ɛ́ mɛ́ anɛ ɓɛɛ́wa, a a ŋ wólli zɛ́ aá va pallɛ nyuunni. Gɔ́kɛ́ nɔhɔ̃́ nɛ́, a rɩ́rɩ́ŋ cemo.