2
1 Ŋ é sɩ́ cɩ́nɩ́ŋ dɩcɩ́nɛ a pɔ́, ŋ sɩ́ cɛ́ dahá anɛ pɩ́pɔ́ɔ́rɔ há mɩŋ zeŋ daha aá bel, rɩ́ŋ ná Wɩɩsɛ há sɩ́ bʋ́lʋ́ ná páŋ, ká ná wɩ́ɩ́ ná ŋ má há sɛ́ pii bʋlpɔ́ʋ́
Wɩɩsɛ wɩ́laabʋllɔ síŋtírípɔ́rɔ́
2 Nyuutɩna Wɩɩsɛ bʋ́lɩ́ŋ rɩ́ a bʋlɛ:«Pʋ́ŋsɛ wɩ́ɩ́ ná ŋ há sɩ́ makpɛ́ɩ́ rɩ́ ná, a hé pʋ́ŋsɛ daboré daha, a makɛ rɩ́ nɩɛ wóllíwó aá karmɛ mɔlɛ́.
3 Ɛ́ wɩ́náálɛ koe tɛ́ŋ ha wɩ péré. Amá rʋʋ tɛ́ŋ nɛ péré, ɓa sɩ́ nóú. Rʋ koe níí dáanɛ́ má, ɩ é ha nyɛmmɛ ká dɩ́dɛllɛ, ʋ sɩ́ ko ʋ tɛŋ mɛ́, ʋ to wɩ́girí.
4 Nyʋktɩɩnɔ wɩ taŋá ja, amá nɩtaŋá sɩ́ tɩ́ŋʋ́ yardá mɛ́ a ná waana.
5 Dɩvɛŋ yéŋŋi nɩɛ rɛ́: Nyʋktɩnɔ wɩ cɩ́m wuó ké, ʋʋ́ kánʋ́ liŋó jɛ́llɛ anɛ lɛlɛ tɔ́ɔ́ nɛ́. Ʋ waá vɔkɛ anɛ sʋʋ há wɩ nɩɛ díé aá vɔkɛ nɛ́. Ʋ pɔ́sɛ́ duó wuu nɩɛ hé náŋá mɛ́ ʋ laka, a pɔsɛ jamaŋwa wuu nɩɛ pɔ́ʋ́ tɩɩ.
6 Ʋ wɩ́ɛ́ sɩ́ bɩrmɛ mʋ́mʋrɩ́ ɛ́ nɩɛ wuu sɩ́ɛ́ mɛ́, ɓa sɩ́ bɩrɛ aá mɔ́mʋ́, a sʋ́ɔ́lɛ sɩ́ŋsʋ́ɔ́la aá pɔ́ʋ́.
Ɓa sɩ́ bʋlɛ́: «Wɩɩla pú nɛrɔ ná há já kuóɓɩɛ, a paa nyáŋ náŋá mɛ́ ká ra wʋ́ɔ́ tɛ. Ʋ ɛ́ sɩɛ́ waá dáánɛ, ká rʋ́ʋ́ dí kɩma a paa cɩ́ɩ́nʋ́ tɩɩ.
7 Ɩ há dí nɩɛ ná kɩma, sɩ́ isi kóí mí naasɩ́ balá, a cɩ́nɩ́ɩ́ mɛ́, ɩ sɩ́ ɔ́wɔ́ namɩɛ.
8 Ɩ há súkí duowa ná nɩɛ hé, a lɔ́wɔ́ ɓɩɛ, ɓa nɩkáánɛ ná má sɩ́ ko pɛ́ɩ́ ɓɩɛ; bee wɩɛ́ ɩ bɩ́sɛ nibííne cɛ́l, a tʋŋ bɩbarɩ́ tɔ́ɔ́ sɩɛrʋ, arɩ́ dóé ná ɩ́ há díé tɔ́ɔ́ rɩ́rʋ́ sɩɛrʋ nibííne wuu nyúú.
9 Wɩɩla pú nɛrɔ ná há tɩ́ŋ gɩ́ŋgɩ́rmɛ mɛ́ a ja ɓɩɛ ko sɔ́ʋ́ jaa, a makɛ rʋ́ʋ́ jaa mɩŋ nyúúrí anɛ diíwidɛlɔ, rɩ́ wɩɩla sʋ́ʋ́ pérú.
10 Ɩ jaa hɩɩ̃sɛ nɛ́ sɩ́ɛ́ ɛ́ ɩ jaa pɛ́ɩ́ tɩɩ: Dukana ná nɩɛ ɩ há ɓʋʋsɛ́, ɩ tʋ́ŋ ɛ́ a cɩ́nɩ́ tɩɩ hiẽso mí ní.
11 Dɔ́wʋɔ́ ná há sɔ́ zeŋ sɩ́ cáási, rɩ́ jaa dole laa saŋ.
12 Wɩɩla pú nɛrɔ ná há sɔ́ʋ́ tɔɔ́ cɛ́l sɩɛrʋ, nɛrɔ ná há ɓʋ́ nɩɛ a sɔ́ʋ́ dɩtɩllɛ.
13 Wɩ́ɛ́ nyáŋ wuu sɩ́ɛ́ wɛ Nyuutɩna Wɩɩsɛ, lalyoore wɩɩsɛ nɛ́ lɩɛ́ rɛ́ɛ́? Nɩɛ bɔ́lwɔ́ tɩɩ a tʋŋ ná ɓɩɛ, níŋ ko piidí, duowa nɩɛ bɔ́lwɔ́ tɩɩ yɔ́ɔ́.
14 Nɩɛ sɩ́ zɩŋ Nyuutɩna Wɩɩsɛ píŋ ná há sɩ́ ko tɔ́ tíé wuu mí, anɛ nyii há tɔ́ mʋʋ mɛ́ ɛ́.
15 Wɩɩla pú nɛrɔ ná há pí sɩ́ŋ pɔ́ʋ́ nɔ́ŋɔ rʋ́ʋ́ nyɔ; a pi bɛrɔ́ hé rʋ́ʋ́ nyɔ buki, a cɩ́rkʋ́ tɩɩ tá ká nɩɛ bíbélú tɛŋbí.
16 Hɩ̃ɩ̃sɛ nɛ́ sɩ́ɛ́ vɔ́kɩ́, píŋ rá. Ɩ má tɩɩ sɩ́ nyɔɔvɔkɛ a (a lɩ́sɩ́ pɛŋ tá) cɩ́rkɩ́ tɩɩ tá! Nyuutɩna sɩ́ ka nédu púú cɔwɩ́ɩ́lɔ́ pɛɩ́ rɩ́ɩ́ nyɔ, ká rɩ́ hɩ̃ɩ̃sɛ bɩrtɔ́ɩ́ píŋ mí.
17 Bɩbarɩ́ ná ɩ há píé tʋŋ Libaŋ mɛ́, sɩ́ bɩrkóí tɩɩ mɛ́ a ko líŋí. Pʋsɛ ná ɩ́ há bɛ́ŋsɛ́ wɩ́ɛ́, pʋsɛ sɩ́ isi hé héwíŋ ɩ́ mɛ́, Nibííne cɛ́l ná há bɩ́sɛ́ wɩ́ɛ, bɩbarɩ́ ná há tʋ́ŋ tɔ́ɔ́ sɩɛrʋ, arɩ́ dóé ná há díé tɔ́ɔ́ rɩ́rʋ́ sɩɛrʋ nibííne wuu mí wɩ́ɛ́
18 Veno nyʋɔrɛ́ mɩŋ nɛ́, a mɔ rɩ́ cɩ́cɔ́ɔ́rɔ́ cɔ́ʋ́ ɛ́ ra ma rʋ́ʋ́ cʋ́ɔ́rʋ́? Ɓa wuu ká nyɛwɩ́ɛ́ nɛ́ ɓa pi aá karmɛ nɩɛ; a mɔ rɩ́ nɛrɔ ná há bɩ́rmɩ́wɔ́, púú yarda héwó mí, kaá bɩrmɛ venni ná há wɩ wɩ́ɛ́ bʋl.
19 Wɩɩla pú nɛrɔ ná há sɩ́ bʋl daa rɩ́ bʋlɛ́: «Isi daahá! Ká bʋl dɔ́wɩ́ rɩ́ bʋlɛ́: "isi dóŋ mí!" Ɓa wo nɩɛ aá karmɛ rɛ́ɛ́? Rɩɩ ɓa pá salmɛ rɩ́ wárɛ tɔ́wɔ́ mɛ́ má, hiẽsó mʋɔ́ má tówó mí.
20 Amá Nyuutɩna Wɩɩsɛ é mɩ́nʋ́ Wɩcʋ́ɔ́lɛ́jɩzeno há wɛ busunnu kené sɩɛrʋ nɛ́. Rɩ́ tíé nyúú nɩbííne wuu sikili ʋ sɩ́ɛ!