Danɩɛl
Laadí ná
Danɩɛl kɛnɔ́ né pʋ́ŋsɛ tɛ́ŋ ná mɛ́ Ɩzɩrayɛl nɩɛ há mɩ́ŋ wɩhála mɛ́ nɛ́. Ɛ́ tɛ́ŋ mɛ́, Wɩɩsɛ jamáŋ fa ná bɛ́ŋsɛ́ wérí, a mʋ́ tɩ́ɩ́nɩ́wɔ́ yardá mɛ́. A tɩ́ŋ ɛ́ wɩ́ɛ́, ɓa náŋa cɩ́ rɩ́wɔ́ vɛ́wɔ́ yardá tá. Ɛ́ nɛ́ tɛ ɓa pʋ́ŋsɛ Danɩɛl kɛnɔ́ né rʋ́ʋ́ duóri laadííre naasɛ rɩ́wɔ́ a tékétéké rɩ́ Wɩɩsɛ, ká cɩ́wɔ́ dɩŋdɔmɔ há ká Sɩtaanɛ mɛ́ a makɛ rʋ́ʋ́ gúl.
Danɩɛl kɛnɔ́ né ká cɔrɛ bɛllɛ nɛ́:
Dʋ́ŋdʋ́ʋ̃́ cɔ́ɔ́, a pɔ́ʋ́ sápítire 1 a kaá mʋ́ʋ́ sápítire 6 ká Danɩɛl rɩ́rʋ́ naŋnɔ́ŋsɛ ná botoro labaarɛ nɛ́. Ɛ́ heŋbiwafɛlɛ baná mɩ́ŋ nɩɛ ná kuóro Nebikanezaare há kɛ́sɛ kaa mʋ́ Babɩlɔ́ɔ́nɛ sɩɛrʋ.
Sápítɩre 2 a kaá mʋ́ 4 máŋsɛ Danɩɛl há lɩ́sɛ kuóro duósewa mʋ́ʋ́la nɛ́, a sɩɛ́ tɩ́ŋ ɛ́ mɛ́ kuóro píŋsíwó, a héwó tʋtʋ́ŋpiŋe sɩɛrʋ.
Sápítire 3 a kaá mʋ́ sápítire 6 máŋsɛ ɛ́ ná ɓa há céŋ wɩ́duoru ká wɩ́wɔ́ yardá vɛ́ɛ́ tá; ɛ́ nɛ́ tɛ ɓa bʋ́lwɔ́ yardá wɩ́ɛ́ ɛ́. Dʋ́ŋdʋ́ʋ̃́ cɔ́ɔ́ ná bʋ́l Ziwifiwa há dí dóé ɓa yardá díŋewa nyúú.
Bʋllɛ cɔ́ɔ́ ká Wɩɩsɛ há mákʋ́ wɩ́náálɛ ná baná há máŋsɛ cíé wɩ́ɛ́ a pá Danɩɛl nɛ́.