41
1 Ʋ kenɩ́ŋ zʋ́ wɩ́cʋɔlɩjɩzeno ná sɩɛrʋ. Ʋ maŋsɛ nafarsɛ ná: Ɓa jɛ́l ká mɛɛtɩrɛ balgo cɔɔ wuu; ʋ jɛ́l nɛ́ ɛ.2 Ʋ dánnʋɔ jɛ́l ká mɛɛtɩrɛ fí; kɔʋ́ zeŋe ná píŋ a mɛɛtɩrɛ bɔmmʋɔ. Wɩ́cʋɔlɩjɩzeno ná gbesi ká mɛɛtɩrɛ mɛɛsɛllɛ, ká jɛ́l má a mɛɛtɩrɛ mɛɛrɛ.3 A báá zʋ́ sɩɛrɩ́ rɩ́, a maŋsɛ dánnʋɔ nafarsɛ ná. Ɓa ká mɛɛtɩrɛ bɛllɛ, ká dánnʋɔ ná a mɛɛtɩrɛ balgo. Ʋ zeŋe ná píŋ ká mɛɛtɩrɛ balpɛ.4 Ʋ báá maŋsɛ wɩ́cʋɔlɩjɩzeno ná, ʋ cɔ́ɔ́ wuu ká mɛɛtɩrɛ mɛɛrɛ. Ká sɩɛ́ bʋlɩ́ŋ rɩ́ bʋlɛ́: Dɩhɩ̃ né ká Wɩɩsɛ dʋŋɔ́ dɩmɩnɩ́ nɛ́.5 Wɩ́cʋɔlɩjɩzeno zeŋe ná ká mɛɛtɩrɛ balgo. Jɩwiisi ná ɓa há sɔɔ kíl zeŋe ná wuu, ká mɛɛtɩrɛ baná.6 Tukni botoro ní ɓa sɔ sulli náŋá mɛ́, a ɓarɛ Wɩcʋɔlɩjɩzeno ná zeŋ mí a kíl. Tuko wuu sɩɛrʋ jɩwiisi mɛɛrɛ rɩ́ fí nɛ́ róŋ. Ɓa sɔʋ́ ʋ ká nafarsɛ har rɩ́, rɩ́ daasɛ ná sakwɔ́ nyúú ká sɩ́ jaa ná zeŋe ná zʋ́.7 Wɩ́cʋɔlɩjɩzeno zeŋe ná píŋ ɔɔ, nyúúri tuko jɩɩsɛ ná jɛ́l kɛ mʋ́l rɩ́ jɩɩsɛ ná. Neŋcolo mɩ́ nɛ́ ɓa tíŋ zɩ́zɛ́ jɩɩsɛ ná wuu.8 Jɩɩsɛ ná ɓa há sɔɛ́ ɓarɛ wɩ́cʋɔlɩjaa ná zeŋ mí a kíl ɓa iso kɩ́llɛ naŋá ná. Ɓa ise kɛ́ naŋá mɛɛtɩrɛ balgo.9 Jɩɩsɛ ná hari zeŋnaa ná píŋ fa ká mɛɛtɩrɛ bɔmmʋɔ. Pɛkɛ ná há mɩŋ jɩɩsɛ ná ɓa há sɔɛ́ ɓarɛ wɩcʋɔlɩjaa ná zeŋ mí,10 arɩ́ jɩɩsɛ ná naŋá, jɛ́l fa ká mɛɛtɩrɛ mɛɛrɛ cɔ́ɔ́ wuu.11 Jɩɩsɛ ná há sɔɛ́ ɓarɛ wɩ́cʋɔlɩjaa ná zeŋ ná, dánnʋʋsɛ wuró caasɛ pɛkɛ ná nɛ. Nɔŋɔ́ wuro caasɛ wɩɩsɛ dɩpomɩ́ nɛgʋɔ, ká nɔ́ŋɔ má wurí a caasɛ wɩɩsɛ dɩpomɩ́ neduu. Zeŋ ná há sɔ kíl pɛkɛ ná, píŋ ká mɛɛtɩrɛ bɔmmʋɔ.12 Wɩcʋɔlɩjaa wuollo ná sɩɛrʋ, jaa nɔ́ŋɔ mɩŋ róŋ a cɛ́ caasɛ wɩɩsɛ dɩzʋʋlɩ́ rɩ́ cɔ́ɔ́, a caasɛ pɛkɛ ná. Ʋ gbesi ká mɛɛtɩrɛ mɛɛsɩbaná, kɔʋ́ jɛ́l má a mɛɛtɩrɛ mɛɛsɩbotoro rɩ́ fí. Ʋ zeŋe ná píŋ ká mɛɛtɩrɛ bɔmmʋɔ cɔɔ wuu.13 Ʋ maksɛ wɩ́cʋɔlɩjɩzeno ná gbesi mɛɛtɩrɛ zɔlɔ, ká pɛkɛ ná há kaanɛ, rɩ́ jaa ná há mɩŋ wɩɩsɛ dɩzʋʋlɩ́, arɩ́rʋ́ zeŋe ná, oro wuu gbesi ká mɛɛtɩrɛ zɔlɔ.14 Pɛkɛ ná há mɩŋ wɩcʋɔlɩjɩzeno ná sɩ́ɛ́ jɛ́l ka mɛɛtɩrɛ zɔlɔ.15 Ʋ báá maksɛ jaa ná há mɩŋ wɩ́cʋɔlɩjɩzeno ná hari gbesi. Jaa ná pɛksɛ ná cɔ́ɔ́ wuu ká mɛɛtɩr zɔlɔ. Wɩ́cʋɔlɩjɩzeno sɩɛrʋ jaa ná, rɩ́ zawarawa ná,16 dánnʋʋsɛ bonni, rɩ́ tokorowa ná ɓa há hé griyaasɛwa, arɩ́ nyúúri jɩɩsɛ ná pɛksɛ ná, ɓa wuu daasɛ nɛ́ ɓa ká ɔwɔ́ wuu. A pɔ́ tié rɩ́ ka zɛ́ yakɛ tokorowa mɩ́ daasɛ nɛ́. Tokorowa ná wuu nʋʋsɛ mɛ́ sɛɛdɩrɛ daasɛ ɓa pi héwó mɩ́.17 Wɩcʋɔlɩjɩzeno ná, hari rɩ́rʋ́ sɩɛrʋ wuu, a pɔ́ dánnʋzʋʋlɩ́ ná mɛ́, kaá zʋ́ sɩɛrɩ́ wuu nɩ́, ɓa ɓɩɛ́rɛ.18 Ɓa ɓɩɛ́rɩ́wɔ́ wuu kil rɩ́ Wɩɩsɛ malkawa rɩ́ habɛ́ tuuni. Ɓa nɛ́ a Wɩɩsɛ malkawa bɛllɛ wuu pɛkɛ ɓa hé habɛ́ tuuni ná.19 Wɩɩsɛ malkawa oro wuu keŋ sɩ́ɛ́ bɛllɛ nɛ́. Dʋ́ŋdʋʋ̃́ malka ná sɩ́ɛ́ ká nɩbiino sɩ́ɛ́ a bɩrɛ caasɛ habɛ́ tuuni ná rɩ́, ká bʋllɛ malka sɩ́ɛ́ a kíŋkaŋkeŋ sɩ́ɛ́ a bɩrɛ caasɛ habɛ́ tuuni ná nɔ́ŋɔ. Wɩ́cʋɔlɩjɩzeno ná zeŋe wuu mɩ́ nɩ́ ɓa ɔwɔ́ hé.20 Wɩcʋɔlɩjɩzeno dánnʋʋsɛ ná mɛ́, a pɔ́ tié rí ká zɛ́ nyúúrí Wɩɩsɛ malkawa nɛ́ ɓa a héwó wuu mí.21 Wɩcʋɔlɩjɩzeno dánnʋɔ dagɛsɛ́ ná fa mɔ́ naŋá; ka dánnʋɔ ná mɛ́ ɓa a omo há nɩhɛ̃,22 daa koro a bíl róŋ. Ʋ ise ká mɛɛtɩrɛ botoro, ká gbesi má a mɛɛtɩr bɛllɛ. Ʋ lʋ́ŋlɔ́ŋsɛ (keŋsi) ná baná mɛ́ daa oŋtʋʋlɛ nɛ́ mɩŋ róŋ. Báálɔ ná sɩɛ́ bʋlɩ́ŋ rɩ́ bʋlɛ́: Taabil ná há mɔhɔ̃ rɩ́wɔ́ bíl Nyuutɩna Wɩɩsɛ sɩ́ɛ́ nɛ́ ɛ.23 Wɩcʋɔlɩjɩzeno, rɩ́ Wɩɩsɛ dʋŋɔ́ dɩmɩnɩ́ ná ká dánnʋʋsɛ bɛllɛ nɛ́.24 Dánnʋɔ wuu fa ká borɓarawa nɛ́ ɓa a hé.25 Wɩ́cʋɔlɩjɩzeno dánnʋɔ ná mɛ́, Wɩɩsɛ malkawa rɩ́ habɛ́ tuuni ɓa a hoú mí; a nɛ́ ɓa há ɛɛ hé zeŋe ná mɛ́ ɛ. Wɩ́cʋɔlɩjɩzeno dánnʋɔ zawara ná sɩ́ɛ́, daasɛ zɩ́ŋzáárú nɛ́ ráŋ.26 Jɩzeno ná zawara rɩ́ zɩ́ŋzáárú ná tokorowa mɛ́, giryaasɛwa ná ɓa hoú wuu mí. Ɓa a onni há nɩhɛ̃ habɛ́ tuuni a hé zeŋe ná mí.