Ɓa ɓá zeŋbí pá Tiiri nɩɛ
27
1 Nyuutɩna Wɩɩsɛ bʋlɩ́ŋ rɩ́ bʋlɛ́: 2 «Zesi, báálɔ bio, ɓá zeŋbí pá Tiiri tɔ́ɔ́ nɩɛ. 3 Bʋl pá Tiiri nɩɛ a bʋlɛ́: Ɩ́ é Tiiri nɩɛ há ké mʋʋ nʋɔ; aa yɛ́llɛ yɛllɩ́ rɩ́ mʋʋ há kil tɔ́nɛ ná náŋa nɩɛ; ɩ́ zesi Nyuutɩna Wɩɩsɛ há sʋʋ ná: Oó Tiiri, ɩ ŋmɔwɩ́ baŋcɩ́la ɩ há ká tɔ́wero wɩ́ɛ́. 4 Ɩ tié súsúbʋɔ mʋ yakɛ mʋʋ mɛ́,nɩɛ ná há sɔɛ́, bɩrmɩ́ ɩ a tɔ́wero. 5 Ɓa pi sɩ́pɩrɛ daasɛ nɛ́ a bɩrmɩ́ nyiidaborsi, ká pi Libaŋ sɛdɩrɛ daasɛ bɩrmɩ́wɔ́ dadole. 6 Tuuni ná há mɩŋ Basaŋ mɛ́, ɓaá yɩrɛ sɛnɛwa, ɓa piwó daasɛ awɔ́ dɩkaamɩlmɛ́.
Ɓa pi gɩrɛkɛwa nyii nʋɔ sɛdɩrɛwa daasɛ ɓa nɛ́ a nyiidaborsi ná mʋl daasɛ. Ɓa pi betuu nyɩ́l a cʋɔrɩ́wɔ́ wuu. 7 Ezipiti gepúwɩɛlwie pɛŋsɛ nɛ́ ɓa pi tɔ́ɔ́ nyiidaborsi ná mɛ́, a makɛ dɩbol má rɩ́ nɛrɔ zɩ́ŋwɔ́. Ka gepúwɩɛlwie ɓa há yoé ɓɩfɩɛsɛ rɩ́ ɓɩkɔklɛ gɛnnɛ, ɓa pi tɔ́ɔ́ cɩ́ksɛ ná há mɩŋ nyiidaborsi ná sɩɛrʋ. Ɛ pɛnɛwa fa lɛ́ Sɩpɩrɛ tɔ́nɛ ná nyii há kíle nɩ́. 8 Sɩdɔŋ rɩ́ Ariva nɩɛ nɛ́ fa kuosí nyiidaborsi a va. A sɩɛ́ suurí Tiiri nɩɛ ná há keŋ nyiidabore ká valɛ zɩmɛ́ werí. 9 Bibilɔsɛ lukre ná há zɩmɛ́ weri nɛ́ bɩrmɩ́ nyiidaborsi. Ɩ tɔ́ɔ́ mɩ́ nɛ́, nyiidaborsi ná wuu ko cɛ́, ká yɛllɛ yɩyɔwɔ́ cɩksɛ. 10 Pɛrsɛ, rɩ́ Ludi, arɩ́ Puti báduori nɛ́ kɛɩ́ lalyóre, a mɩnɩ́ lalyóre sɩɛrʋ. Ɩ dɩhɩ̃ nɛ́ ɓaá bílwó hɔkɛrɛ arɩ́wɔ́ hɔɔ néŋcúgbaŋsɛ. Ʋ ɛ ɔɔ ɩ yɩrɛ lɛ́ werí. 11 Ɩ sóójɩwa rɩ́ Ariva báála nɛ́ fa mɩŋ zeŋe nyúnni aá pɔɩ́ tɔ́ɔ́ mɛ́, ká Gamadɛ báála má pʋpɔɩ́ tɔ́ɔ́ dɩfeŋse mɩ́. Ɓa hɔkɛrɛ fa mɩŋ zeŋe ná nyúnni nɩ́, a kilí. Ɓa nɛ́ fa kɛɩ́ doé rɩ́rɩ́ yɩrɛ.»
Tiiri ká yɛlɩ́ tɔ́ɔ́ nɛ́
12 Ɩ dɩhɩ̃ nɛ́ Tarsisi tɩnáwa yɩyɔwɔ́ ɓɩɛ wuu. Ɓa ká meewie, rɩ́ hɔɔ, rɩ́ ɛtɛŋ, arɩ́ pʋlɔ́ŋ ko pɛɩ́, ká lá cɩksɛ ná ɓa há jɛɛ. 13 Gɩrɛsɛ nɩɛ, rɩ́ Tubalɛ nɩɛ, arɩ́ Mɛsɛkɛ nɩɛ kɛsɛ yósi, arɩ́ kɔmɔ cɩksɛ, ko yɛlɛ́ aá pɛɩ́; ká má láwɔ́ cɩksɛ. 14 Bɛtɛ-Togarima nɩɛ, má ká záksɛ ɓa há sɩ́ kaá parɛ, rɩ́ lal záksɛ, arɩ́ kokúsi ko aá pɛɩ́. 15 Dedaŋ nɩɛ má fa ko a báyɛlɩ́ ɩ tɔ́ɔ́ mɛ́. Mʋʋ há kil tɔ́nɛ ná ɓɩkana má fa keŋ betúnyɩl, arɩ́ tukurku daasɛ ko pɔʋ́; ká má lá ciksɛ kaa cól. 16 Edomitiwa má fa keŋ dɔwʋwere, rɩ́ gepúŋmesi, rɩ́ gepúɓɩkɔklɩ́, gepúwɩɛlɩ́wie ɓa há fuɛ́, rɩ́ naŋɓácɩllɛ ɓɩfɩɛsɛ rɩ́wɔ́ ná há bííne. Ɓa káŋwɔ́ ɓɩkana ka ko pɔʋ́, ka má láwɔ́ cɩ́ksɛ. 17 Ziida nɩɛ, rɩ́ Ɩzɩrayɛl nɩɛ má keŋ Miniti bilé, rɩ́ tʋʋ, rɩ́ nʋʋ, arɩ́ tuwiiló há keŋ sɔ́ŋ, koo pɛɩ́ ká má láwɔ́ cɩksɛ. 18 Damasɛ nɩɛ má fa keŋ Hɛlbɔŋ sɩnnɛ, arɩ́ Saharɛ tɩnáwa pelɔŋ gɛnnɛ ko pɛɩ́; ká má lá cɩksɛ, arɩ́ kuóɓɩɛ kɩŋkaŋ ɩ rɩ́. 19 Daŋ, rɩ́ Yavaŋ jɩmʋʋla ná mɩŋ Uzalɛ mɛ́, má keŋ hɔluke, rɩ́ kanɛl, arɩ́ mʋnyɔɔ ko tuŋ loŋpoó ná ɓa há mɔhɛ́ rɩ́wɔ́ tuŋ pɛɩ́. 20 Dedaŋ nɩɛ má keŋ záka ɓasa (saŋpure ɓa há fʋɛ́) ko yɛllɛ́ aá pɛɩ́. 21 Arabi nɩɛ, rɩ́ Kedarɛ sɩdííre nɛ́ fa ko yɔwɩ́ cɩksɛ. Ɓa kɛsɛ pewiisi, rɩ́ pieŋse, arɩ́ bʋnnɛ ko pɛɩ́, ka láwɔ́ cɩksɛ. 22 Ɩ rɩ́ Saaba, rɩ́ Ragima báyɛlɛ́ má fa keŋ yɛlɩ́ nʋtʋmɛ́. Ɓa ká, onni ná sɔŋ há wero werí, dɔwɩweré duo wuu, arɩ́ salmɛ ko pɛɩ́, ká láwɔ́ cɩksɛ. 23 Haranɛ tɔ́nɛ, rɩ́ Kanɛ tɔ́nɛ, rɩ́ Edɛŋ tɔ́nɛ, arɩ́ Saba, rɩ́ Asuri, rɩ́ Kilimadɛ báyɛlɛ́; ɓa wuu nɛ́ fa ko yɔwɛ cɩksɛ ɩ tɔ́ɔ́ mɛ́. 24 Ɓa nɛ́ ká gɛyɩrá há ŋmesi ɓɩkɔklɛ, gɛnnɛ ɓa há fʋɛ́, rɩ́ gɛŋmɛ́sɛ, arɩ́ ŋmɛ́sɛ há duoko werí ko pɛɩ́. 25 Nyiidaborzeŋsi nɛ́ cɩ́ɩ́nɩ́ cɩksɛ.» cɩkpiŋe wuu fa mɩnɩ́ rɩ́ nɛ́, ɩ nyiidaorsi paá mʋ́ tɔ́nɛ. 26 Amá, nyiikana sɩ́sɩɛnnɩwa, poo isi wɩɩsɛ dɩpomɩ́ rɩ́ cɔ́ ko a, ɩ nɩɛ ná há kenɩ́ nyiidaborsi rɩ́wɔ́ tɩɩ wuu ɓallɛ nyii ná sɩɛrʋ. 27 Ɩ báyɛlɩ́ cɩpiŋe ná wuu, rɩ́ nɩɛ ná fa há bɩrmɩ́ nyiidaborsi ná dɩ́zɔkɛ, rɩ́ báyɛlɛ́ ná naŋá há tɩŋɛ́ zʋ, arɩ́ soojɩwa ná há bel nyiidaborsi ná mɛ́. A sɩɛ́ suúri nɩɛ há keŋ nyiidaborsi aá va, ɓa nyáŋ wuu tuwi mʋʋ sɩɛrʋ, ɩ kal zɔkɩ́ ná. 28 Mʋʋ há kil tɔ́nɛ ná, há nɛ̃́ nɩɛ ná há keŋ nyiidaborsi caase kʋɔlɛ hewɩŋ zʋwɔ́. 29 Ka, nɩɛ ná há keŋ nyiidaborsi ná aá va, rɩ́ nɩɛ ná wuu há mɩŋ róŋ; ko cɛ́ gɩ́ŋgiŋé mɩ́. 30 Ɓa sɩ́ wií yúó hííni kíŋkaŋ,
a pá kuŋkulo héwó nyúnni mɩ́,
Ɓa sɩ́ píéríwó nyúnni,
a ɓá yúwiiri gɔkɩ́ pɛ́ɩ́ a bʋlɛ:
“Tiiri ná fa há kɔ́ʋ́ dʋŋɔ́ tɔ́nɛ sɩɛrʋ,
aa pá tɔ́nɛ.
tié kuóre tɩŋɩ́ cɩkpiŋé yɔwɛ mɛ́,
ɩ ɓál nyii sɩɛrʋ a báá wɩ wuó lɛ́.
hewɩŋ kesɩ́wɔ́.
Ɓa kuóre vɩ́vaklɛ hewɩ́ŋ,