Wɩɩlawa há sɩ́ perí Tiiri nɩɛ wɩ́ɛ́
26
1 Bɩŋsɛ fí rɩ́ balá nyúú mí, cana dʋ́ŋdʋʋ̃́ tapʋl; Nyuutɩna Wɩɩsɛ bʋlɩŋ rɩ́ bʋlɛ́: 2 «Zesi, ɩ é báálɔ bio, Tiiri nɩɛ lɔrɛ Zerizalɛmɛ a bʋlɛ́: Tabárkalá! Tabárkalá! Zerizalɛmɛ ɓelo. Nɩɛ wuu tɔ́ɔ́! Mʋ́l neé mɩ́, nyúwer nɩ́ a párá. Á cɩ́ksɛ sɩ́ yɔwɛ werí. Zerizalɛmɛ ɓelo búkébúké. 3 Ɛ wɩ́ɛ́, ná ŋ é Nyuutɩna Wɩɩsɛ há sʋʋ ná: Tiiri sɩ́ zɩmɩ́ŋ; ŋ sɩ́ a rɩ́ dukana ko tɔ́ʋ́ mɛ́ a nɛ́ nyigʋllɛ́ há isi waalɛ dɩhɩ̃ ɛ. 4 Ɓa sɩ́ ko gínní tɔ́ɔ́ ná zeŋe wuu, a zɔkɛ tɔ́nɛ ná ɓa há sɔɛ́ kíl. Ɓa sɩ́ buksi tɔ́ɔ́ ná wuu rʋ́ʋ́ a kuŋkulo rɩ́ poo piési tá, ká kaanɛ tié. 5 Tiiri tɔ́ɔ́ sɩ́ nɛ́ mʋʋ nʋɔ gíŋgiŋí náŋwʋ́ɓʋ́ʋ́ra há keŋwó fííléwa lɛ́ aá jɛrɛ róŋ. Oó, ŋ é Nyuutɩna Wɩɩsɛ nɛ́ bʋlɛ́, ɛ nɛ́ sɩ́ tʋ́ŋ. Duhʋɔra sɩ́ ko tú tɔ́ɔ́ ná hé a pɔ́ʋ́ ɓɩɛ wuu ká cól. 6 Ká, ʋ tolé ná wuu há mɩŋ tɔ́nɛ́ sɩɛnnɛ, tokówí nɛ́ sɩ́ ɓʋ́ʋ́sɩ́wɔ́. Ɛ nɛ́, rɩ́wɔ́ zɩ́ŋ rɩ́ŋ nɛ́ ká Nyuutɩna Wɩɩsɛ. 7 «Nyuutɩna Wɩɩsɛ sɛ́: Kuóre nyuutɩna há ká Babɩlɔŋnɛ kuóro Nabukodonozorɛ a mɩ́ŋ wɩɩsɛ dɩpomɩ́ nɛgʋɔ sɩ́ ko yó Tiiri. Ʋ sɩ́ ko rɩ́rʋ́ záksɛ, lalyóórítorkowa, arɩ́ lalyóóre há kanɔ kɩŋkaŋ. 8 Ɓa sɩ́ lú bʋɔnɛ, a sɔɔ nácólsɩ́ɛ́, a páwɔ́ hɔ́kɛrsɛ a zʋ Tiiri tɔ́ɔ́ ná a ɓʋ́ʋ́sʋ́ tolé (tɔ́nɛ) ná há mɩŋ tɔ́nɛ ná mɛ́. 9 Ɓa sɩ́ kaŋwɔ́ lalyórícɩksɛ ko gínni zeŋe ná, ká zɔ́kɛ tɔ́nɛ ná ɓa há sɔɛ́ kíl. 10 Ɓa zɔnɛ naasɛ kuŋkulo sɩ́ isi tɔ́ɩ́ mɛ́, ká rɩ́wɔ́ naasɛ dɔmɛ́ rɩ́ lalkorkowa dɔmɛ a rɩ́ zeŋe ɓallɛ, a nɛ́ ɓa há cɔ́rɛ tɔ́ɔ́ zeŋkɛrɛ ɛ ká zʋ́. 11 Ɩ ŋmɛ́ŋsɛ wuu nyúnni sɩ́ su rɩ́ zɔnɛ naasɛ, ɓa sɩ́ zʋ́ tɔ́ɔ́ ná sɩɛrʋ a ɓʋʋsɩ́ nɩɛ rɩ́ tokówí, ká gínní dɔ́wʋ́cɔ́ŋsɛ há kɛɩ́ doé. 12 Ɓa sɩ́ gínni zeŋe, rɩ́rɩ́ jɩweré ná, ká zʋ píésí kuóɓɩɛ rɩ́rɩ́ cɩksɛ ná wuu ɩ há bíl jɩɩsɛ mɛ́. Ɓa sɩ́ pá tɔ́ɔ́ ná dɔ́wʋɔ, ʋ daasɛ, arɩ́rʋ́ kuŋkulo wuu kaa mʋ́ yó hé mʋʋ sɩɛrʋ. 13 Ɩ satɔrɔ sɩ́ tenni, nɛ́ŋ baá wʋɔ nɛ̃, ɩ cemo duí dɔmɛ́ wɩ́ɛ́. 14 Ɩ tɔ́ɔ́ sɩ́ bɩrmɛ́ tíŋtéle rɩ́ náŋwʋ́ɓʋ́ʋ́ra kaŋwɔ́ fííléwa ko jɛrɛ róŋ. Ʋ sɩ́ ɓal bukébúké rɩ́ nɛ́ŋ sɩ́ wúóli bɩrɛ sɔʋ́. Ɛ wɩ́ɛ́, ŋ é Nyuutɩna Wɩɩsɛ nɛ́ bʋlɛ́ 15 «Tiiri tɔ́ɔ́, ná, ŋ é Nyuutɩna Wɩɩsɛ há sʋʋ ná: Ɩ zɔkrʋ sɩ́ a rɩ́ dɩbolé tɔ́nɛ ná mʋʋ há kílwó vaklɛ hewɩ́ŋ. Bee wɩ́ɛ́, ɩ zɔkrʋ tɛ́ŋ mɛ́, ɓa sɩ́ ɓʋʋsɛ nɩɛ ná wuu há mɩŋ tɔ́ɔ́ ná sɩɛrʋ; ká rɩ́ nɩɛ ná há pɩrɛ́ caasɛ mɩŋ wɩɩla ɓɩzeno mɩ́. 16 Kuóre ná wuu há mɩ́ŋ mʋʋ rɩ́, sɩ́ isíwó kuóɓasa daha, a wúrkíwó gɛyɩra, rɩ́wɔ́ gɛfʋʋlɛ ká tuwi ɓallɛ tié. Bee wɩ́ɛ́, ɩ wɩ́ɛ́ hewɩ́ŋ sɩ́ zʋwɔ́ rɩ́wɔ́ vaklɛ tuwi ɓallɛ. 17 Ɩ wɩ́ɛ́, ɓa sɩ́ ɓá zeŋbí né a bʋlɛ́: “Tɔ́wero, zɔkɔ,ʋ yɩrɛ báá wa yɩrɛ tɔ́nɛ ná há mɩŋ mʋʋ kilé sɩɛrʋ,
mʋʋ há kil tɔ́nɛ ná sɩ́ vaklɛ hewɩ́ŋ,
ɩ zɔkɛ sɩ́ hé hewɩŋ pá dɩbolé tɔ́nɛ ná mʋʋ há kilé.” 19 «Oó, ŋ é Nyuutɩna Wɩɩsɛ nɛ́ bʋlɛ́: Ŋ sɩ́ a rɩ tɔ́ɔ́ ná a tɔ́ɓoó, a nɛ́ tɔ́nɛ ná náŋa nɛ́ŋ wuu há tówó sɩɛrʋ ɛ́. Ŋ sɩ́ a rɩ́ mʋʋ nyii ko tɔ́ɩ́ mɛ́. 20 Ŋ sɩ́ a rɩ́ tuwi lɛlɛ tɔ́ɔ́ sɩɛrʋ, a mʋ nɩɛ ná há lɛɩ́ sɩ́ɛ́ rɩ́. Ɩ sɩ́ tuwi mɩŋ tié mʋl, a nɛ́ nɩɛ ná ɓa há hú lɛlɛbulli sɩɛrʋ. Ɩ báá wa wúóli lɛ́ zʋ nɩwomme sɩɛrʋ. A révoir 21 Ɩ zɔkɛ sɩ́ a ɓɩzení kíŋkaŋ, a hé hewɩŋ pá nɩɛ wuu. Ɓa fa sɩ́ cólli rɩ́ mɩŋwɔ́ sɩɛrʋ, a má nɛ́ŋ báá wɩ wuó ná. Ŋ é Nyuutɩna Wɩɩsɛ nɛ́ bʋlɛ́.»