Tokówí cɛ́ Zerizalɛmɛ mɛ́
21
1 Nyuutɩna Wɩɩsɛ bʋ́lɩŋ rɩ́ bʋ́lɛ: 2 «Ɩ é báálɔ bio, bɩrɩ́ sɩ́ɛ́ caasɛ tɔ́ɔ́ wɩɩsɛ dɩpomɩ́ neduu, a láŋ nʋɔ wɩ́ɛ́ bʋl pá nɩɛ ná há mɩŋ gɩr wɩɩsɛ dɩpomɩ́ neduu rɩ́ cɔ́ɔ́. 3 Ɩ sɩ bʋ́l pá Nɩgɛvɛ gɩr: Zesí Nyuutɩna Wɩɩsɛ há sʋʋ ná: Ná Nyuutɩna Wɩɩsɛ há sʋʋ ná: Ná, ŋ sɩ nyɩkɛ níŋ, ɩ dɩhɩ̃; rʋʋ́ dí tulaarɛ wuu arɩ́rɩ́ tuhɩlɛ wuu. Nɩŋ ná lʋmɔ wa dʋsɛ, ka wuuri nɩɛ wuu, a pɔ́ Nɩgɛvɛ mɛ́ ká kaá mʋ́ perí wɩɩsɛ dɩpomɩ́ nɛ́gʋɔ. 4 Nɛrɔ wuu sɩ́ zɩ́ŋ rɩ́ŋ é Nyuutɩna Wɩɩsɛ nɛ́ nyɩ́kɛ ɛ nɩŋ, ka nɛ́ŋ sɩɛ́ wʋɔ́ mɩŋ a dʋsɛ ɛ nɩŋ.» 5 Ɛ nɛ́ ŋ sɛ́: «Woó, Nyuutɩna Wɩɩsɛ, nɩɛ puló gáŋ har a bʋ́lɛ: “Sɩŋsʋɔ́lɔ báálɔ nɛ́ káŋ.”» 6 Nyuutɩna Wɩɩsɛ bʋ́lɩ́ŋ rɩ́ bʋ́lɛ: 7 «Nɩbiino bio bɩrɩ́ sɩ́ɛ́ caasɛ Zerizalɛmɛ, a bʋ́lɩ́ŋ wɩ́ɛ́ Ɩzɩrayɛl wɩ́cʋɔlɩjaa ná rɩ́. 8 Ɩ́ é Ɩzɩrayɛl nɩɛ, ɩ́ noú ná Nyuutɩna Wɩɩsɛ há sɛ́: “Ŋ sɩ́ kuéwa mɛ́; ŋ pʋ́kʋ́ tókowi rɩ́ŋ ɓʋ́ʋ́sɩ́wa sɩɛrʋ nɩtaŋáwa rɩ́ nɩ́bɔma wuu. 9 Tókowi né há dé ɓɔɔ nyɛ, ʋ sɩ́ heíwa wuu nyúú; a dé pɔ́ wɩɩsɛ dɩpomɩ́ neduu a kaa mʋ́ yakɛ wɩɩsɛ dɩpomɩ́ nɛgʋɔ. 10 Nɩɛ wuu sɩ́ zɩ́ŋ rɩ́ŋ é Nyuutɩna Wɩɩsɛ wɩ tókowi pʋ́kɛ́ ʋ kuo mɩ́ yɔɔ.” 11 Ɩ é báálɔ wurí nʋɔ caasi, ló rɩ́ sɩɛrʋ zɔkwɔ́ nyúú, bʋl pɔ́wɔ́ rɩ́ sɩmɩɩrʋ́. 12 Rɩ́wɔ́ sɩɛ́ ko bɔsɩ́ bʋ́lɛ bee rɩ́ keŋ ɛ ko, ɩ bʋl pɔ́wɔ́ bʋ́lɛ: “Sazɔkɔ labaarɛ nɩ́ɩ́ kué. Ɛ labaarɛ́ sɩ́ fuklɩ́wó sɩɛnnɛ, rɩ́wɔ́ váŋsɛ nyʋɔrɛ́, rɩ́ hewɩ́ŋ zʋwɔ́, rɩ́wɔ́ napole pii gbɛlɛ. Ɩ́ noú ʋ peri tɛsɩ́ɩ́, ʋ wa giri; ŋ é Nyuutɩna Wɩɩsɛ nɛ́ sɛ́.” »Nyuutɩna Wɩɩsɛ tókowi wɩ́ɛ́
bʋlʋ ná ŋ é Nyuutɩna Wɩɩsɛ há sɛ́ a pá nɩɛ ná:
Ná tókowí nɩ́,
ɓa pʋllɔ nʋʋsɛ,
ɓa gɛrʋ́ ʋʋ́ dí sólósóló,
rɩ́wɔ́ wólli kaá tʋ́ŋ,
ɓa pʋllɔ nʋʋsɛ ʋ tʋ́l,
ŋ nɩɛ wɩ́ɛ́ nɛ́ tókowi bɩrmɛ́,
Ɩzɩrayɛl rɩ́rʋ́ kuóre wɩ́ɛ́ nɛ́,
zɔkrʋ ná ká ɓa wuu wɩ́ɛ́ nɛ́.
dú nɛ́ŋsa,
naasɩ́ balá, bɛllɛ, botoro,
bee wɩ́ɛ́ sʋʋ tókowi nɩɩ́ kué,
a a nɩɛ wuu lɛ́ ɓallɛ.
Nɛrɔ wuu jaa dannʋɔ,
zɔkrʋ tókowi mɩŋ róŋ,
aá tʋl a nɛ́ duosii,
ŋ é Nyuutɩna Wɩɩsɛ nɛ́ bʋ́lɛ pɛɩ́wa.»
Dɩŋdɔmɔ sɩ́ yo Zerizalɛmɛ
23 Nyuutɩna Wɩɩsɛ bʋ́lɩŋ rɩ́ bʋlɛ́: 24 «Nɩbiino bio, zesí, ɩ sɩ tuuri (ɓá) ŋmɛ́ŋsɛ bɛllɛ, Babɩlɔŋnɛ kuóro há sɩ́ tɩŋwɔ́ mɛ́ zʋ rɩ́rʋ́ tókowi. Ŋmɛ́ŋsɛ ná bɛllɛ wuu sɩ́ɩ́ tɩ́ŋ tɔ́ɔ́ balá nɛ́, ká ŋmɛ́ŋsɛ ná oro wuu mí, ɩ sɩ hé malla, há makɛ tɔ́ɔ́ ná ʋ há mʋɛ́. 25 Babɩlɔŋnɛ sóójiwa sɩ́ tɩ́ŋ ŋmɛ́nɔ ná nɔ́ŋɔ a zʋ Raba há ká Amɔnɩtiwa tɔ́ɔ́. Ká tɩ́ŋ nɔ́ŋɔ ná má a zʋ Zerizalɛmɛ tɔ́sɔ́kɛrɛ Ziida. 26 Babilɔŋnɛ kuóro nɛ́ kué, ʋ sɩ́ cɛ́ ŋmɛ́caksɛ ná mɛ́, a yó bié zɩmʋ́ ná ʋ há mɔhɛ̃ rʋ́ a. Ʋ sɩ́ yó túhɛmɛ, a ɓʋ́ʋ́sɛ pʋsɛ a lɩsɛ cɔ́ɛ́ bɔsʋ́ venni ná. 27 Ʋ há yó bié ná, ʋ neduu hɛ́ŋ ná kó mʋ́ ɓal Zerizalɛmɛ nyúú nɩ́. Ʋ bíl lalayórítórkowa, a a ɓa sɔɔ́ bɩbázenaa, a lú butoluŋó a kíl tɔ́ɔ́ ná wuu, ka caasi lal yóé caase. 28 Zerizalɛmɛ tɔ́ɔ́ nɩɛ belo guoni wɩ́ɩ́ ná há tʋ́ŋwɔ́ kile, bee wíɛ́ ɓa fa tá nʋɔ bʋl pɔ́wɔ́ rɩ́ tɛ́ŋfɩɛ́lɛ nɛ́ mɩŋwɔ́ pɛkɛ. Amá Babɩlɔŋnɛ kuóro bʋ́lɔ pɔ́wɔ́, rɩ́wɔ́ há vɛɛ rɩ́wɔ́ cɛ́ tɩkɛ nʋtʋmɛ ná, ʋ sɩ́ ko kɛsɩ́wɔ́ mʋ́ yomɩ́. 29 Ɛ nɛ́ tɛ́, ŋ é Nyuutɩna Wɩɩsɛ bʋl aá pɔ́wɔ́: Ɩ́ há vɛɛ rɩ́ɩ́wa zízílíŋ, ká tɛ́ŋ wuu mɩ́ ɩ́ piiwa dɩlhɔɔ aá tʋmɩ́ŋ mɛ́. Ɛ nɛ́ tɩllɛ rɩ́ɩ́wa ɓál dɩŋdɔmɔ nɛ́sɛ mɛ́! 30 «Ɩ é nɩɓʋʋrɔ Ɩzɩrayɛl kuóro, ɩ bɩɩnɔ rɩ́ wɩ́ɩ́ tó rɩ́. Ɩ bɔmɩ́ tɛ́ŋ tenni sɩɛ́ pero rɩ́. 31 Ɛ wɩ́ɛ́, noú ná ŋ é Nyuutɩna Wɩɩsɛ há sɛ́: Wɩ́ɛ́ sɩ́ bɩrsɛ! Ŋ sɩ́ cúólí pʋɔlɛ a bilwó kuóɓaŋsa daha, ka tuwi bɩbara ɓa ɓasa daha. Kuóro kuónéŋcú sɩ́ wurú nyúú mí ɓal tié. 32 Zɔkrʋ sɩ́ dɔwɛ naŋá dahá! Zerizalɛmɛ sɩ́ a tɔ́ɓoó.Ɓa sɩ́ zɔkɛ tɔ́ɔ́ ná mɩɛmɩɛ, ká rɩ́ nɛrɔ ná ŋ há pá nʋɔ rʋ́ tʋ́ŋ ɛ zɩ́ŋ kó.»
Wɩhala pú Amɔnitiwa
33 «Ɩ é báálɔ bio, láŋ nʋɔ wɩ́ɛ́ bʋl pá Amɔnitiwa. Ɓa bʋl wɩ́ɛ́ aá lɔrɛ Ɩzɩrayɛl Wɩɩsɛ. Ɛ wɩ́ɛ́ bʋl pɔ́wɔ́ ŋ é Nyuutɩna Wɩɩsɛ há sʋʋ ná: Ɩ́ ná tókowí nɩ́, tókowi ɓa há pʋllʋ nʋɔ ɩ́ ɓʋ́ɩ́ wɩ́ɛ́. Ɓa ɓallʋ́ ʋʋ tʋ́l a nɛ́ duosii, zɔkrʋ rɩ́ ɓʋɩ́ wɩ́ɛ́. 34 Ɩ́ ná tókowi nɩ́ɩ́ kué rʋ́ʋ́ ɓʋ́ʋ́sɛ dɩlhɔɔtɩ́ɩ́ná ná; ɩ́ sɩ́ɩ́wa wɩ́muúlináálɛ yɔɔwa, rɩ́ nyɩ́ɛ́nnɛ wɩ́naalɛ́ ná mɛ́ tɩɛkʋ́. Bee wɩ́ɛ́ ɓa wuu ká wɩ́yɔɔwa; tɛ́ŋ pero ɩ́ dɩlhɔɔ tʋtʋmɛ́ ná há sɩ́ tenni. 35 Ɛ wɩ́ɛ́, mʋl neé mɩ́, ɩ́ há sɩ́ tókowi pʋkʋ́ ʋ kuo mɩ́. Bee wɩ́ɛ́, ɩ́ tɩɩ tɔ́ɔ́ ná sɩɛrʋ nɛ́ ŋ sɩ́ diíwa sariya. 36 Ŋ sɩ́ piíwa hé nɩbɔma nɛ́sɛ mɛ́, a tɩŋwɔ́ mɛ́ a a rɩ́ŋ cɔ́ɛ́ zeno lʋmɔ tuwiwa nyúú. Ɓa sɩ́ bɛ́ŋsɩ́wa a ɓʋ́ʋ́sɩ́wa tenni. 37 Nɩŋ sɩ́ diíwa, rɩ́ cɛ́l bɩsɛ tɔ́ɔ́ ná sɩɛrʋ. Ʋ ɛ nɛ́, rɩ́ nɛ́ŋ wuu báá sɩ́ɩ́wa wɩ́ɛ́ bɩɩnʋ́ tɔ́ɔ́ ná sɩɛrʋ. Ŋ é Nyuutɩna Wɩɩsɛ nɛ́ bʋ́lɛ.