EZK 19

Ɓa ɓá zeŋbi pá Ɩzɩrayɛl kuóre

1 Ɩ é, ɓá zeŋbi a pá Ɩzɩrayɛl kuóre. 2 Ɩ sɩ́ bʋlɛ́:

Ɩ maá!

ka kíŋkáháálɔ nɛ́,

a pɛ́ kíŋkánáwa sɩɛrʋ.

Kíŋkáŋkeŋe sɩɛrʋ,

aá dɩɛsʋ́ bɛlɛ. 3 Ʋ dɩ́ɛ́sʋ́ bɛlɛ ná nɔ́ŋɔ́,

ʋ bɩrmɛ́ kíŋkáŋkeŋe;

a zɩ́ŋmʋ́ ballɔ cíké,

aá dí nɩbiine. 4 Duowa nɩ́ʋ̃́ wɩ́ɛ́;

a yikú yó butuo sɩɛrʋ,

a vɔsʋ́ rɩ́ bɛ́ŋzɛllɛ a kaá mʋ́ Ezipiti tɔ́ɔ́. 5 Kɩ́ŋkaŋwal ná a dɛllɛ gul,

a zɩ́ŋ rʋ́ʋ́ báá wɩ yɩɛla kené,

ʋ lɩ́sʋ́ bɛlɛ ná sɩɛrʋ nɔ́ŋɔ,

ʋ a kíŋkáŋkeŋé. 6 ʋ faá uurí kíŋkánáwa sɩɛrʋ,

a ko a kíŋkáŋkeŋé.

a gʋŋnɛ ballɔ kánɛ́,

a ko aá dí nɩbiine. 7 Ʋ zɔ́kwɔ́ kuójɩɩsɛ,

a zɔ́kwɔ́ tɔ́nɛ;

ʋ uure ná,

hé héwíŋ pá tɔ́ɔ́ ná nɩɛ. 8 Kile dɩtɩ́llɛ nɩɛ,

lɩ́wɔ́ tɔ́wɩ́ɛ́la mɛ́ ko,

a cɩ́nʋ́ mɛ́,

a hé bara kánʋ́,

a yikú yó hé butuo sɩɛrʋ. 9 Ɓa vɔsʋ́ rɩ́ bɛŋzɛllɛ a pi hé lɔk sɩɛrʋ,

a kánʋ́ mʋ́ pá Babilɔɔnɛ kuóro,

ʋ a ɓa tɔ́ʋ́ binajaa mɛ́,

rɩ́wɔ́ báá sʋ́ʋ́ liŋó nɛ̃ Ɩzɩrayɛl pallɛ nyúnni.

10 Ɩ maá fa nɩhɛ̃ viínyi tuu,

há cɔ́ŋsɛ polo nʋɔ nɛ́.

ʋ faá nɔŋ wérí a tɔ́ paarʋ,

bee wɩ́ɛ́, ʋ fa nyɔ nyii aá vɔkɛ́. 11 Tuu ná hílli zeŋso,

ɓa conniwó bɩrmɛ́ kuóro deŋtuksi.

ʋ gbesi kɛ́ hílli ná náŋa.

nɩɛ wuu bʋbʋʋ mɛ́,

ʋ gbesi arɩrʋ́ hílli ná wɩ́ɛ́. 12 Amá cɔwɩɩlɔ́ sɩɛrʋ,

ɓa curú yoo tá

poo lɛ́ wɩɩsɛ dɩpomɩ́ rɩ́,

ko a hílli were ná hɩl nɔnɔ yuori,

ʋ hílli zeŋsi ná hɩlɔ,

níŋ díwó. 13 Mʋ́l neé mɩ́,

gɩrbétéké sɩɛrʋ nɛ́ ɓa cɔ́ŋsʋ́,

tiɓɩllɩ́ rɩ́ nyinyʋ́ɔ́sɛ tɔ́ɔ́ mɛ́. 14 Ɛ́ nɛ́ níŋ lʋʋ́ mʋ́kur ná mɛ́,

a diú hílli arɩ́rʋ́ nɔnɔ.

ʋ báá wɩ hílli zeŋsi kené,

rɩ́wɔ́ conní a bɩrmɛ́ kuódeŋtuke.»

Yɩl né yɩ anɛ́ zeŋbi ní.