Nyuutɩna Wɩɩsɛ bʋ́l tenné wɩ́ɛ́
7
1 Nyuutɩna Wɩɩsɛ bʋlɩ́ŋ rɩ́ bʋlɛ́: 2 «Zesi, nɩbiino bio! Noú ná Nyuutɩna Wɩɩsɛ há sɛ́ a pá Ɩzɩrayɛl tíé: Tenné ní, dunie kíŋkere baná tenní ní. 3 Mʋ́l neé mí ɩ wɩ́ɛ́ tenné peró: Ŋ cɔwɩɩlɔ́ sɩ́ tuwí nyúú. Ŋ sɩ́ dííwa sariya a cɛ́rɩ́ mala, ká rɩ́ŋ piíwa wɩ́tɩɛnnɛ wuu cɩ́ɩ́nɩ́wa. 4 Ɩ́ laatɛ́ báá tóŋ sɩ́ɛ́ wɩ́ɩ́, ɩ́ susufɔɔ báá tóŋ mí. Ŋ sɩ́ pííwa mala wɩ́'allɛ cɩ́ɩ́nɩ́wa, ká rɩ́ɩ́wa wɩ́tɩɛnnɛ káánɩ́wa sɩsɩɛnnʋwa. Ɛ́ nɛ́ sɩɛ́ rɩ́ɩ́wa zɩ́ŋ rɩ́ŋ nɛ́ ka Nyuutɩna Wɩɩsɛ.5 «Ɛ́ wɩ́ɛ́, Nyuutɩna Wɩɩsɛ sɛ́: Wɩɩla! Wɩɩla ná duo ɓa wʋʋ́ neé ná! Noú ní kué. 6 Wɩ́ɛ́ tenné peró; ʋʋ́ ko rí; ʋ nɛ́ isé aá kué mí; noú ní kué. 7 Tɔ́ɔ́ nɩɛ, zɔkrʋ níí kuéwa mɛ́, Nyuutɩna Wɩɩsɛ tapʋ́l pero; Pallɛ nyúnni sazɔkɔ nɛ́, satɔrɔ báá toó. 8 Mʋ́l neé tɩɩ tɩɩ mɛ́, ŋ cɔ́wɩɩlzeno sɩ́ tuwíwa nyúú, ŋ sɩ́ díŋ cɔ́wɩɩlzeno ɩ́ mɛ́ a mʋ́ perú tokó. Ŋ sɩ́ dííwa sariya a cɛ́rɩ́wa mala wɩ́'allɛ, ká piíwa wɩ́tɩɛnnɛ ná wuu cɩ́ɩ́nɩ́wa. 9 Ŋ sɩ́ɛ́ toéwa mɛ́, ŋ wa rɩ́ŋ fɛɩ́wa susú. Ŋ sɩ́ diíwa sariya a cɛrɩ́wa mala wɩ́'allɛ, ká rɩ́ɩ́wa wɩ́tɩɛnnɛ ná kááníwa sɩsɩɛnnʋwa. Ɛ mɛ́ nɛ́ rɩ́ɩ́wa zɩ́ŋ rɩ́ŋ é nɛ́ ká Nyuutɩna Wɩɩsɛ, aá fɩ́rɩ́ɩ́wa.
10 «Ɩ́ sariya tɔ́ɔ́ pʋlɔ, ɩ́ neéwa zɔkrʋ níí kué; ʋ mɩŋ ŋmɛ́nɔ́ mɛ́. Bibáwɩ́ɛ́ suuró, nyʋkɛ wɩ́ɛ́ má pupúl. 11 Bibáwɩ́ɛ́ ná há ká sahɔ́ daa ɓɔ́ɔ́. Ɓa óŋ wuu baá wɩ káánɛ́, ɓa kʋɔlɛ báá tóó, ɓa wɩ́ɛ́ gáásɛ toó; ɓa nɛ́rɩ́ má báá toó. 12 Tɛ́ŋ ko rí, tapʋ́l báá wɩ ból. Rɩ́ nɛrɔ ná haá yɔwɛ sɩ́ jʋɔ́sʋ́, ka rɩ́ báyɛlɔ sɩɛrʋ sɩ́ zɔkʋ́. Bee wɩ́ɛ́, ŋ cɔ́wɩɩlzeno sɩ́ dí tɔ́ɔ́ ná kuóɓɩɛ. \v13 Báyɛlɔ́ wa bɩrmʋ́ pɔ́ʋ́ yɛ́lɓɩɛ ʋ nɛ́ há hɩẽse má. Wɩ́naálɔ ná haá bʋ́l tɔ́ɔ́ ná kuóɓɩɛ zɔkɛ wɩ́ɛ́ waá giri. Nɛ́ŋ wuu mɩnʋ́ wɩ́bɔmɔ ɛɛ́ mɛ́; ɓa báá wɩ doé wuo ná. 14 Ɓa sɩ́ mú nyɩ́la rɩ́ lalyóre mʋ́ lal; amá ɓa nɛ́ŋ wuu wa wollí mʋ́ lal ná dɩ́yoé. Bee wɩ́ɛ́ ŋ cɔwɩɩlzeno sɩ́ dí tɔ́ɔ́ ná kuóɓɩɛ wuu.
Nɛ́ŋ wuu wa lu lɛ́ wɩɩla mɛ́
15 «Jaa haari lal nɛ́, jaa sɩɛrʋ pʋɔlɩtáárɩ rɩ́ losu ní ráŋ; nɛrɔ ná há mɩŋ baka mɛ́ tokowí níí ɓʋʋ́; tɔ́ɔ́ sɩɛrʋ losu rɩ́ pʋɔlɩtáárɩ́ níí ɓʋ́ʋ́sɩ́wɔ́. 16 Nɩ́káánɛ sɩ́ lu lɛ́; ɓa wuu sɩ́ fá zɛ pallɛ nyúnni a nɛ́ polo kʋsɛ (baka vasɛ); nɛ́ŋ wuu wɩ́bɔmɔ wɩ́ɛ́. 17 Ɓa vaŋsɛ wuu sɩ́ nyʋɔrɛ,
rɩ́wɔ́ naasɛ wuu gbɛ́llɛ.
18 Ɓa sɩ́ laalɛ jɔrʋ,
hewɩ́ŋ sɩ́ kɛsɩ́wɔ́,
hɩ̃ɩ̃sɛ sɩ́ kɛsɩ́wɔ́,
rɩ́wɔ́ piéríwó nyúnni wuu. 19 Ɓa sɩ́ yówó meewíé tá ŋmɛsɛ nyúnni; ɓa salmɛ sɩ́ ká busunnu. Ɓa meewié rɩ́wɔ́ salmɛ́ wa wólli lɔ́wɔ́ rɩ́ tá, Nyuutɩna Wɩɩsɛ cɔ́wɩɩlzeno ná tapʋ́l. Ɓa fílli wa sú, ɓa wa vɔksɛ. Bee wɩ́ɛ́, ɓa salmɛ rɩ́wɔ́ meéwie nɛ́ yikwó hé ɓa wɩ́bɔmɔ sɩɛrʋ. 20 Ɓa wer wɩ́ɛ́ ɓa nyʋ́kwɔ́ tɩɩ,
ɓa má venni ɓa wɩ́lɔrɛ́ rɩ́wɔ́ wɩ́tɩɛnnɛ yɩr mɛ́. Ɛ nɛ́ tɛ́, ŋ sɩ́ rɩ́ ɛ onni zʋ busunnu. 21 Ŋ sɩ́ a rɩ́ nɩhʋɔra ko yó dí doé ʋ nyúú, a pɔ́ʋ́ ɓɩɛ, ká rɩ́ tɔ́ɔ́ ná sahɔtɩɩna pɔ́ʋ́ lalɓɩɛ, ká a rʋ́ʋ́ zʋ busunnu. 22 Ŋ sɩ́ɛ́ wa a rʋ́ʋ́ mɩŋwɔ́ mɛ́, bee wɩ́ɛ́ ɓa sɩ́ a rɩ́ŋ jɩwero ná zʋ busunnu. Nɩlaama sɩ́ ko a a rʋ́ʋ́ zʋ busunnu.
23 Lukí bɛŋzɛllɛ,
bee wɩ́ɛ́ tɔ́ɔ́ suó rɩ́ nɩɓʋ́ʋ́ra,
ko tɩllɩ́wa jɩɩsɛ.
Ŋ sɩ́ a rɩ́ bɩbárá nyʋkɔ́ tenni,
Rɩ́wɔ́ jɩ́ja tɛ́ŋfɩɛ́l ka sʋʋ́ ná.
26 Zɔkrʋ sɩ́ pul,
kal wuu labaarɛ bɔmɔ wɩ́ɛ́ nɛ́ ɓaá nɛ̃.
Ɓa sɩ́ bɔsɛ wɩlaabʋllɔ, a jɩja wɩ́naálɛ ka sɩ́ ná,
vʋ́k'ɔɔsɔ báá wɩ́ɩ́ ɛ̃ rʋ́ʋ́ pii karmɛ nɩɛ,
ka rɩ́ banɩ̃ɩ̃nawa báá sɩ́ wɩ́zɩmɛ́ kanú rɩ́ɩ́ cɩ́cáánɛ nɩɛ.
27 Kuóro sɩ́ mɩŋ wííle mí,
rʋ́ʋ́ bɛlɛ má mɩŋ sazɔkɔ mɛ́,
nɩɛ nɛŋsa sɩ vaklɛ.
ŋ sɩ́ cɩ́ŋwɔ́ mɛ́ a tɩ́ŋwɔ́ mala mɛ́,
ka díwó sariya a tɩ́ŋwɔ́ sariyawa dií mí;
Ɛ nɛ́ rɩ́wɔ́ zɩ́ŋ rɩ́ŋ nɛ́ ka Nyuutɩna Wɩɩsɛ.»