Bɩ́r káŋrá héí tɩɩ mɛ́
5
1 Nyuutɩna Wɩɩsɛ, líísi wɩ́ɩ́ ná há pérírá!Bél, a ná rá hɩ́ɩ́sɛ.
2 Á liwe zʋ nɩhʋ́ɔ́ra nɛ́sɛ,
nɩɛ ná á há wʋ́ɔ́ ɛ̃ nɛ́ tɩ́rá jɩɩsɛ.
3 Á bɩ́rmɛ bisíŋsi, áná toó;
á maáwa nɩhɩ̃ yúháála nɛ́.
4 Á yɔ́wɛ́ nyii ní aá nyɔ́,
áá lɩ́sɛ meéwi ní ká ná daasɛ (á daasɛ ka ɓɩyɔ́wɛ́ nɛ́).
5 Nɩɛ ná háá kírírá mɩŋrá har;
á bɔlɔ, ká ɓa wɩ rá ló rá fɩ́ɛ́lɛ.
6 Á tɛ́rɛ nɛ́sɛ Ezipiti rí,
Asiiri rí, rɩ́wɔ́ párá ɓɩdííle, rá dí vɔ́ksɛ.
7 Á ánáwa tʋ́ŋ bɔ́ŋbɔ́ŋ,
amá ɓa baá toó,
ká á nɛ́ dídíwó wɩ́zɔ́kɛ́ ná wɩ́ɩ́la.
8 Yosí níí dí dóé á nyúú,
ká nɛ́ŋ toó aá lárá ɓa nɛ́sɛ mɛ́.
9 Ká ráá ná ɓɩdííli dí,
áá yórá mɩɩsɛ nɛ́ tá,
a káŋrá tɩɩ caasɛ tókówí ná há gɩrbétéke sɩɛrʋ.
10 Á tɛŋkɛnɔ dí níŋ anʋ́ já zʋ́ níŋbʋɔ (níŋjaa /fuuri) sɩɛrʋ,
losu há nɩ́ɩ́sɩ́rá wɩ́ɛ́.
11 Sɩɔŋ mɛ́,
ɓa ciki háála,
ɓa ciki tolé Ziida tɔ́nɛ mɛ́.
12 Ɓa nɛ́ŋsɛ kɛ́sɛ sɩ́dííre (minísíwa), a yo zúkleŋ;
ɓa wɩ nɩhɩ́ɛ̃́sɛ zile.
13 Nɩpʋɔsɛ́ nɩ́ɩ́ cɩ́ɩ́nɛ́ nɔŋbʋ́ɩ́,
ká heŋbólli cɩ́ɩ́nɛ daasɛ aá leklí/ɓállɛ/gɛ́ŋsɛ.
14 Nɩhɩ́ɛ̃́sɛ (bánɩ́ɩ́náwa) vɛ́ tɔ́ɔ́ dánʋ́ɔ́ mɛ́ kené,
heŋbiwɔfɛ́lɛ vɛ́wɔ́ yɩɩla yɩ́ɩ́.
15 Satɔrɔ́ baá tó rá sɩɛnnɛ,
á gʋɔla bɩ́rmɛ yúó.
16 Kuónéŋcú wúrírá nyúú mí ɓál.
Wɩɩla duó há púrá! Á ɔ́ɔ́ zɔ́kɛ!
17 Ná wɩ́ɩ́ há tɛ́ á nɩ́ná wɩ́ɩ́la á baŋcɩla sɩɛrʋ,
ná wɩ́ɩ́ ná há tɛ́ á sɩ́ɛ́ biri:
18 Sɩɔŋ paalɔ́ zɔ́kɔ́,
ká bakavasɛ /kílowa gʋ́gʋ́ɔ́rɛ ráŋ.
19 Amá ɩ é Nyuutɩna Wɩɩsɛ,
ɩ kuorí waá toki,
ɩ kuóɓasa mɩ́nɔ́ wóó wóówa sɩɛrʋ (ɩ nɛ́ tɛ́ kuorí a káá mʋ́ wuu /bɩna káti)
20 Beé rí sɩɛ́ tɛ́ rɩ́ɩ́ sʋ́llɩ́rá wɩ́ɛ́, a kaá mʋ́ wuu,
rɩ́ɩ́ vɛ́ rá tá, tápʋlɛ́ ɓɩkaná (á hiẽso wuu mí)?
21 Nyuutɩna Wɩɩsɛ, bɩr káŋrá héí tɩɩ mɛ́,
á sɩ́ bɩr kó.
Bɩ́rsɩ́rá tápʋlɛ́ rɩ́wɔ́ nɛ́ díé ɓɩɛ́.
22 Ɩ sɩɛ ɓɩ́ɛ́na vɛ́ rá tá nɛ́?
Ɩ cɔ́ɛ́ wɩ́rá dáárɛ nɛ́?