Zerizalɛmɛ wɩ́ɩ́la wɩ́ɛ́
4
1 Beewa! Salmɛ tʋ́lɛ́ tenno,
Salmɛ cʋɔrɩ́ baá wɩ́ sɩ́pʋlɩ́ kéné?
Dɔ́wʋ́ɔ́ ná há kɛ́ɩ́ tɩ́llɛ́ pɩ́sɔ́
a ɓɛ́sɛ́ ŋmɛ́ŋsɛ dɩcʋ́ʋ́mɛ́ (gbóknni) wuu mí?
2 Bee rí tɛ́, ɓa pi Sɩɔŋ bɛlɛ,
píŋ há mɔhɩ̃́ salmɛ cʋ́ɔ́rɩ́,
aá máŋsɛ cʋʋ vííni,
vímáárɔ́ nɛ́sɛ óŋ'máálɛ!
3 Bakavasɛ má tɩɩ kéŋ maá sabɩɩna
a ka ɩ́l aá pɔ́wɔ́ bɛlɛ.
Amá háwéré há káŋ nɩɛ, sɩɛnnɛ haakɔ́ anɛ gɩrbétéke otirisiwa (maákabʋnnɛ) nɛ́.
4 Nyinyʋ́ɔ́sɛ kéŋ bipʋllɛ,
ɓa nʋʋsɛ wuu káásɛ. (ɓa nʋdille hɩlwɔ́ mʋ́kúnni mí)
Heŋbiwafɛlɛ́ (nɩpʋɔsɛ́) má jɩ́já ɓɩdííle;
káŋ nɛ́ŋ tó aá pɔ́wɔ́ ɓdííli.
5 Nɩɛ ná fa háá dí ɓɩdíwéré
ɓallɔ́ aá sʋsɛ ŋmɛ́ŋsɛ mɛ́.
Nɩɛ ná ɓa fa há dɩ́ɛ́sɩ́wɔ́ kuorí sɩɛrʋ
ɓa nɛ́ mʋ́l né mí wúlli púpulli.
6 Háwéré, ŋ nɩɛ wɩ́bɔmɔ duki nɛ́sɛ
a kɩ́llɛ Sodoŋ nɩɛ wɩ́bɔmɔ,
ká zɔ́krʋ́ púú naasɩ́ balá,
nɛ́ŋ fa nɛ́sɛ lɩ́sɛ rɩ́ɩ́ cɩ́nʋ́ mɛ́.
7 Kuóre ná pɩ́ɩ́rɛ fa kɛ́ nyidɔ́wɩ́ (duódɔ́wɩ́, gɩlasɛ),
ɓa pʋmmɔ a kɩ́llɛ nɛ́'ɩ́l;
ɓa tɛŋ fɩ́ɛ́mɩ́ fa kɛ́ dɔ́wɩ́ ná ɓa haá yɩrɛ korayɛ (naŋɓacɩlfɩ́ɛ́mɔ́?);
Ɓa sɩ́paanɛ (cɛ́l naasɛ) má fa ka bʋla anɛ dɔ́wɩ́ ɓa haá yɩrɛ lapizuli.
8 Mʋ́l né mí sɩɛ́, ɓa bííní kɛ́ fiŋfil,
ŋmɛ́ŋsɛ daha, ɓa baá wʋ́ɔ́ ɛ̃́.
Ɓa heŋgbelé dʋŋɔ nɛ́ káánɛ́,
ɓa hɩlɔ́ anɛ daasɛ.
9 Tokówí nɩɓʋ́ʋ́lɛ nɛ́ na nyúwér
a kɩ́llɛ losu nɩkɛ́sɛ
há kóŋŋe a bɔl,
ɓɩdííle há toó wɩ́ɛ́.
10 Maáwa ná há kéŋ susúfɔ́ɔ́ (cólle),
tɩɩ nɛ́ŋsa nɛ́ wɔ́sɩ́wɔ́ bɛlɛ
ɓa ɔ́wɔ́ ɓɩdííle,
wɩ́ɩ́la há nɩ́ɩ́sɛ háwéró (ŋ tɔ́ɔ́), ŋ nɩɛ wɩ́ɛ́.
11 Nyuutɩna Wɩɩsɛ cɔwɩɩlɔ́́ pérú nʋɔ,
ʋ mákʋ́ cɔ́ɛ́ há nɩhɩ̃́ níŋ;
Ʋ hé níŋ Sɩɔŋ mɛ́,
ʋ dí a zɔ́kʋ́ múkúnni (mʋ́biló).
12 Tíé kuóre arɩ́ dúníé nɛ́ŋ oro wuu
fa wɩ bɩ́ɩ́nɛ́
rɩ́ dɩŋdɔmɔ sɩ́ dí dóé kal oro,
rɩ dɩŋdɔmɔ sɩ́ tɩŋ Zerizalɛmɛ dánʋ́ʋ́sɛ zʋ́.
13 Ʋ wɩlaabʋlla wɩ́bɔma
arɩ́rʋ́ vʋk'ɔɔsa ná há bɩsɛ nɩtaŋáwa cɛ́l
tá tɔ́ɔ́ ná sɩɛrʋ, ɓa wɩ́nyɔ́rkɛ nɛ́ kéŋ nyɛ́ ná ko.
14 Ɓa nɛ́ sɩɛ́ baarɛ ŋmɛ́ŋsɛ mɛ́ anɛ nyʋ́mma,
cɛ́l ɔ́ɔ́ ɓa zʋ́ busunnú:
nɛ́ŋ wʋ́ɔ́ gɛnnɛ mɛ́ wúó tɩkɛ.
15 Ɓa cáási a bʋ́lɛ́:
«Ɩ́ gɩ́ɩ́kɛ, busunnú tɩ́náwa nɛ́!»
«Ɩ́ gɩ́ɩ́kɛ, ɩ́ gɩ́ɩ́kɛ, ɩ́ sɩ́ óŋ wuu mí tɩ́kʋ́!».
Tɛ́ŋ ná mɛ́ ɓa háá fɛ́ɛ́,
aá baarɛ,
ɓa bʋl duówa sɩɛrʋ bʋ́lɛ́:
«Ɓa baá wɩ rɛ́ɛ́ mɩ́ŋ rɩ́ɩ́ dáánɛ́!»
16 Nyuutɩna Wɩɩsɛ tɩɩ nɛ́ ɛ́ɛ́ ɓa pɩ́sɛ́,
ʋ baá waá já rʋ́ʋ́ sɩ́ɩ́ nówó;
ɓa wɩ vʋk'ɔɔsa bue,
a wɩ nɩhɩ́ɛ̃́sɛ zile.
17 Á sɩ́ɛ́ fa ha ɔ́sɔ́ a bʋ́bɔl
á fa há dɛ́llɛ saŋɛ́ ká waá ná wɩ́ɛ́;
á mɩ́ŋ dɛ́sɛ dɩhɛ́, aá dɛsɛ
duó nɔ́ŋɔ, kɔ́ʋ́ wɩ ráá lɛ́ɩ́ tá.
18 Ɓa faá kɩ́ɛ́lɩ́rá navalɛ́ mɛ́,
rɩ́wɔ́ kɛ́rɩ́rá mɛ́ ráá sɩ́rá dɩmɩnɛ́ mʋ́;
á dɩgírsi fa peri tɛ́sɩ́ɩ́, á tápʋ́lɛ́ fa césó,
á dɩgírsi péró!
19 Nɩɛ ná fa háá kírá lʋ́ŋ,
kɛ́ básɩ́ɛ́wa (kiése) há mɩŋ bána nyúú.
Ɓa tɩ́ŋrá har rɩ́ dóé a zɩ pallɛ,
ɓa ballɩ́ra gɩrbétéke sɩɛrʋ.
20 Nɛ́ŋ ná fa há kárá mɩɩsɛ,
nɛ́ŋ ná Nyuutɩna Wɩɩsɛ há lɩ́sɛ,
nɛ́ŋ ná á fa há sɛ́: «Ʋ fɩ́ɛ́l yɩr mɛ́,
á sɩ́ ké duówa sɩɛrʋ»,
ɓálwɔ́ bʋɔ sɩɛrʋ!
21 Háwéró Edoŋ, Uti tɔ́ɔ́, ló rɩ́ɩ́ tɛŋ pɔrɛ, rɩ́ɩ́ jʋ́ɔ́sɛ!
Ɓa sɩ́ pɛ́ɩ́ má nyíŋgbaŋa,
rɩ́ɩ́ buki a církí tɩɩ tá.
22 Háwéró Sɩɔŋ, ɩ wɩ́zɔ́kɩ́ pérú (césú) nʋɔ.
Ʋ baá wɩ́ɩ́ kaa mʋ́ yomí sɩɛrʋ.
Amá háwéró Edoŋ, ʋ sɩ́ a rɩ́ɩ́ bílú nʋɔ, ɩ wɩ́zɔ́kɩ́ ná wɩ́ɛ́!
Ʋ sɩ́ a rɩ́ɩ́ wɩ́bɔma nyɩ́ɩ́sɛ.