Wɩɩsɛ tá nʋɔ a pa Ɩzɩrayɛl kuódɩtɩ́llɛ
30
1 Nyuutɩna Wɩɩsɛ bʋ́l Zeremi rɩ́ a bʋlɛ́: 2 «Ná Nyuutɩna Wɩɩsɛ, Ɩzɩrayɛl Wɩɩsɛ há sʋ́ʋ́ ná: Wɩ́ɛ́ ná wuu ŋ há bʋ́lɛ́ pɛ́ɩ́, pʋ́ŋsɩ́wɔ́ hé kɛnɔ mɛ́. 3 Nyuutɩna Wɩɩsɛ nɛ́ bʋ́l ɛ́: Bee wɩ́ɛ́, tápʋlɛ́ rɩ́ɩ́ kué, rɩ́ŋ a rɩ́ Ɩzɩrayɛl, rɩ́ Ziida nɩɛ, há káŋ nɩɛ bɩr cɩ́wɔ́ tésíé cɩ́nɛ. Ŋ sɩ́ bɩr káŋwɔ́ ko tɔ́ɔ́ ná mɛ́ ŋ fa há píé a pɔ́wɔ́ naabálwa, rɩ́wɔ́ tɩ́llʋ́.»Aá nɛ̃́ héwícááse;
Baŋcɩfúklo ní, tɛŋfɩ́ɛ́l tóó.
6 Ŋŋ́ sʋ́lɩ́wa, ɩ́ gʋɔrɛ bɔsɛ ná,
báálɔ má ha lʋ́lɔ́ ná rɛ́?
Ká beé sɩɛ́ tɛ, ŋ ná báála wuu
ɓa tɩ́kwɔ́ tɩŋsɛ mɛ́,
anɛ háálɔ háá já rʋ́ʋ́ lʋl?
Beé rɩ́ tɛ ɓa sɩ́ɛ́ wuu zuki nyɛ́?
7 Beé wɩ́hálá rɛ́! Tápʋl bermi ní,
tápʋl ná há wɩ náŋa nɩhɛ̃́;
sazɔkɔ́ tɛ́ŋ nɛ́
a pá Zakɔbɛ dunɩɛ!
amá ɓa táŋa sɩ́ ná laatɛ́.»
8 «Nyuutɩna Wɩɩsɛ, Doewuutɩna nɛ́ bʋ́lɛ́: Rɩ ɛ́ tɔ́ɔ́ nɩ́ pʋ́lɛ́, ŋ sɩ́ bónni baŋdabaasɩ́ ná há zímo, a mɩ́nɩ́wa baŋ mɛ́, ká cónníwa vɔɔ́sɛ má, ɩ́ báá wáá tʋ́ŋ pá nɩhʋɔra. 9 Ɓa sɩ́ tʋŋ pá Nyuutɩna Wɩɩsɛ, ɓa Wɩɩsɛ, arɩ́ Davidi, ɓa kuóro ná ŋ há sɩ́ lísɛ a pɔ́wɔ́.»
10 «Ɩ é Zakɔbɛ ŋ tʋtʋnnɔ,
sɩ́ héwíŋ fa, Nyuutɩna Wɩɩsɛ nɛ́ bʋ́l ɛ́.
Ɩ́ sɩ́ célú, Ɩzɩrayɛl nɩɛ,
bee wɩ́ɛ́, ŋ sɩ́ lɛ́ɩ́wa tá,
tɔ́bole nyáŋ nɩɛ nɛ́sɛ mɛ́;
ŋ sɩ́ lɛ́ɩ́ dunɩɛ tá,
tɔ́ɔ́ ná mɛ́ ɓa há kɛ́sɩ́wɔ́ mʋ́ sɩɛrʋ.
Zakɔbɛ dunɩɛ sɩ́ bɩrko a mɩŋ fɩɛla mɛ́ a ké tɛŋfɩ́ɛ́l mɛ́,
nɛ́ŋ waá mɩŋ rɩ́ɩ́ wálmɩ́wa.
11 Bee wɩ́ɛ́, ŋ mɩ́nɩ́wa har, rɩ́ŋ lɛ́ɩ́wa tá,
Nyuutɩna Wɩɩsɛ nɛ́ bʋ́l ɛ́;
ŋ sɩ́ zɔkɛ duowa ná wuu
ŋ fa há ɛ́ɛ́, ɩ́ pɩsɛ a zʋ́wɔ́ sɩɛrʋ,
amá ɩ́ é, ŋ wɩ́ɩ́wa ɓóŋ zɔkɛ.
Ŋ sɩ́ tʋ́rɩ́wa ʋ yɛ́rɛ́ mɛ́,
ŋ waá píí cɛ́wa,
a nɛ ɩ́ wɩ wɩ́ɩ́ zɔ́kɛ́!»
12 Ná Nyuutɩna Wɩɩsɛ há sʋ́ʋ́ ná:
«Zɔ́krʋ ná há pérí wɩ wúó váárɛ,
ɩ́ fʋʋ to ɓɩfɩɛlɩ́.
13 Nɛ́ŋ toó aá ɔ́sɩ́wa wɩ́ɛ́,
nɛ́ŋ toó aá sɛ́sɩ́wa fʋrʋ,
luwér toó a pɛɩ́wa.
14 Ɩ́ nɩcólle ná oro wuu báá wɩ́ɩ́wa wɩ́ɛ́ bɩɩnɛ,
oro wuu báá wɩ́ɩ́wa wɩ́ɛ́ bɔsɛ;
bee wɩ́ɛ́, ŋ ŋmɔ́wɩ́wa, a nɛ ɛ́ dɩŋdɔmɔ háá ŋmɔwɛ nɩɛ,
ŋ cáásɔ́ tʋ́rɩ́wa baŋcɩ́pɩrɩ́.
bee wɩ́ɛ́, ɩ́ wɩ́zɔkɛ́ kánɔ́,
ɩ́ wɩ́bɔma wɩ nʋɔ kené.
15 Bee rí tɛ, ɩ́ wíwííwa zɔ́krʋ wɩ́ɛ́,
ɩ́ wɩɩla ná há wɩ luri kéné wɩ́ɛ́?
ɩ́ wɩ́zɔkɛ ná há kánɔ́,
arɩ́rɩ́ɩ́wa wɩ́bɔma ná há wɩ nʋɔ kené,
ɓa wɩ́ɛ́ nɛ́ tɛ ŋ ɛ́ɩ́wa nyɛ.
16 Amá nɩɛ ná wuu há zɔ́kɩ́wa,
ŋ má sɩ́ zɔ́kwɔ́.
Nɩɛ ná wuu há cɩ́nɩ́wa mɛ́
ɓa sɩ́ kɛ́sɩ́wɔ́ wuu mʋ́ yomí sɩɛrʋ.
Nɩɛ ná wuu háá bɛ́ŋsɩ́wa,
ɓa sɩ́ bɛ́ŋsɩ́wɔ́,
nɩɛ ná wuu há fóríwa ɓɩɛ,
ɓa sɩ́ fóríwó má ɓɩɛ.
17 Bee wɩ́ɛ́, ŋ sɩ́ a rɩ́ bɩr nɩ́ɩ́ nɩɩsɔ,
ŋ sɩ́ sɛsɩ́ fʋrʋ,
ɩ é Sɩɔŋ ɓa há kení aá yɩ́rɛ tɔ́vɛɛtáálɛ,
tɔ́ɔ́ ná nɛ́ŋ wuu há wʋ́ʋ́ wɩ́ɛ́ bɔsɛ,
Nyuutɩna Wɩɩsɛ nɛ́ bʋ́l ɛ́.
18 Ná Nyuutɩna Wɩɩsɛ há sʋ́ʋ́ ná:
«Ŋ sɩ́ a rɩ́ Zakɔbɛ dunɩɛ bɩr nɩ́wɔ́ nɩɩsɔ,
ŋ sɩ́ fɛ́ɩ́wa jaa nɩɛ susu.
Ɓa sɩ́ bɩrsɔ tɔ́ɔ́ ná ʋ múkur mí,
ká bɩrsɔ kuójaa ná má ʋ dɩcɩ́nɛ.
19 Nɩɛ sɩ́ nɛ̃ gɔkɩ́ rɩ́ mɔmɔ ɩ́ sɩ́sɩ́ɛ́nnʋ́wa,
ŋ sɩ́ a rɩ́wɔ́ pul.
ɓa wáá cókí múúri,
ŋ sɩ́ pɔ́wɔ́ píŋ,
ɓa wɩ nɛ́ŋmúrtɩ́ɩ́na a.
20 Zakɔbɛ dunɩɛ báá sɩ́ nɩ́wɔ́ dʋ́ŋdʋʋ̃́ nɩɩsɔ,
ʋ nɩɛ sɩ́ cɩ́céŋ náŋa ŋ sɩ́ɛ́,
ká rɩ́ŋ cɛ́ nɩɛ ná wuu háá bɛ́ŋsɩ́wɔ́ mɛ́.
21 Ɓa tɩɩ sɩɛrʋ nɔ́ŋɔ nɛ́ sɩ́ ɔ́wɔ́ kuóro;
ɓa sɩɛrʋ nɔ́ŋɔ nɛ́ sɩ́ ɔ́wɔ́ sɩ́dííro.
Ŋ sɩ́ lo rʋ́ʋ́ kóŋ laka,
a tuuperíŋ
bee wɩ́ɛ́, áŋ tɩɩ rɩ́ báá sánɛ́
rɩ́ɩ́ tuupéríŋ?
Nyuutɩna Wɩɩsɛ nɛ́ bʋ́l ɛ́.
22 Ɩ́ sɩ́ aŋ nɩɛ,
ká rɩ́ŋ má ɛ́ɩ́wa Wɩɩsɛ.»
23 Nyuutɩna Wɩɩsɛ pozeno nɩ́ɩ́ kúé:
ʋ cɔwɩɩlɔ́ nɛ́.
Pozeno sɩ́ zɔkɛ zɔkrʋ́,
ʋ sɩ́ tɔ́ sɔhɔtɩɩna mɛ́.
24 Nyuutɩna Wɩɩsɛ cɔ́wɩɩlɩ́zeno ná waá giri,
rʋʋ nɛ́ wʋ́ʋ́ há bɩ́ɩ́nɛ́ rʋ́ʋ́ tʋ́mʋ́ ná wuu tʋ́mɛ́.
Tápʋla ná háá kué sɩɛrʋ, ɩ́ sɩ́ nʋ́ʋ́ mʋ́l.