Zeremi gɛpúwɩɛlɩ́wíé pɛ́nɛ vɔwɛ́ wɩ́ɛ́
13
1 Ná Nyuutɩna Wɩɩsɛ há sʋ́ʋ́ ná a páŋ: «Mʋ́ yɔwɛ gɛpúwɩɛlɩ́wíé pɛ́nɛ vɔwɛ, a vɔ́wɩ́ tɩŋa mɛ́, amá pɔ́ ʋ́ʋ́ sɩ́ nyii zʋ́.» 2 Ɛ́ nɛ́ ŋ yɔwɛ vɔwɛ́, anɛ ɛ́ Nyuutɩna Wɩɩsɛ fa há bʋ́lɩ́ŋ rɩ́, a píí vɔ́wɩ́ tɩŋa mɛ́. 3 Nyuutɩna Wɩɩsɛ báá bʋ́lɩ́ŋ rɩ́ bʋllɛ nyúú mí, a bʋlɛ́: 4 «Vɔwɛ́ ná ɩ há yɔ́wɛ́ vɔ́wɩ́ tɩŋa mɛ́, pi ɛ́ vɔwɛ́ a kaa tuwi Ɩfɩratɛ polcʋɔrɛ́ rɩ́, a féŋsú ráŋ, bʋ́ɩ́ bʋɔ sɩɛrʋ. 5 Ɛ́ nɛ́ ŋ isi a mʋ́ Ɩfɩratɛ a féŋsi vɔwɛ́ ná ráŋ, anɛ ɛ́ Nyuutɩna Wɩɩsɛ fa há mákɩ́ŋ. 6 Ʋ dáánɛ wérí, ká Nyuutɩna Wɩɩsɛ bʋ́lɩ́ŋ rɩ́ a bʋlɛ́: «Bɩrmʋ́ Ɩfɩratɛ polcʋɔrɛ́ ná, a pi vɔwɛ́ ná ŋ fa ɛ́ɛ́ ɩ pii féŋsi ráŋ.» 7 Ŋ bɩrmʋ́ Ɩfɩratɛ, a wúlli ráŋ ná ŋ fa há féŋsi vɔwɛ́ ná, a nóú a pi. Ŋ nóú rʋʋ sʋ́ɔ́rɔ́, a báá wɩ wɩ́ɩ́ oro wuu wúó a.8 Ɛ́ nɛ́ Nyuutɩna Wɩɩsɛ sɩɛ́ báá bʋ́lɩ́ŋ rɩ́, a bʋlɛ́: 9 «Ná Nyuutɩna Wɩɩsɛ há sʋ́ʋ́ ná: Ŋŋ́ á rɩ́ŋ a, rɩ́ Ziida nyʋkɔ ná nɛ̃ nyɛ nɛ́, rɩ́ Zerizalɛmɛ nyʋkzeno ná má nɛ̃ nyɛ. 10 Bee wɩ́ɛ́, nɩɛ nyáŋ ká nɩbɔ́ma rɛ́, ɓa wɩ́ŋ wɩ́bʋlɛ́ zesi. Ɓa tɩɩ sabɩŋsɛ ná há lɔrɛ ní kéŋwó mʋ́ venni rɩ́, ɓa ɓírmiwó sɩ́ɛ́, aá cʋ́ɔ́lɩ́wɔ́. Ɛ́ wɩ́ɛ́ nɛ́ tɛ, rɩ́ nɩɛ nyáŋ nɛ̃ vɔwɛ́ né báá há wɩ wɩ́ɩ́ oro wuu wúó a! 11 «Ŋ fa vɔ́wɛ́ Ɩzɩrayɛl dɩtɩ́llɛ arɩ́ Ziida dɩtɩ́llɛ nɩɛ a ɓárɩ́ŋ tɩɩ, anɛ ɛ́ nɩbííno háá pi vɔwɛ́ a vɔ́wʋ́ tɩŋa mɛ́, rɩ́wɔ́ fa a rɩ́ŋ yɩr lɛ, rɩ́wɔ́ áŋ nɩɛ, rɩ́wɔ́ píŋsíŋ yɩr, a áŋ ɓɩɛra. Amá ɓa wɩ́ŋ rɩ́ zésé.» Nyuutɩna Wɩɩsɛ nɛ́ bʋ́l ɛ́.
Wɩɩsɛ cɔwɩɩlɔ́ dɩvɛ́ŋ wɩ́ɛ́
12 Nyuutɩna Wɩɩsɛ sɛ́ rɩ́ Zeremi mʋ́ bʋl pɔ́wɔ́ a bʋlɛ́: «Ná Nyuutɩna Wɩɩsɛ, Ɩzɩrayɛl Wɩɩsɛ há sʋ́ʋ́ ná: “Ɓa a koŋyuo é wuu, rɩ́wɔ́ hé dɩvɛ́ŋ nɛ́ súú .” Rɩ ɓa nɛ́ sɛ́: “Ʋ ká ɛ́ nɛ́, á ɩ́ɔ̃́ŋ rɩ́ ɓa a koŋyuo é wuu, rɩ́wɔ́ hé dɩvɛ́ŋ nɛ́ súú”, 13 ɩ sɩɛ́ sɩ́ bʋ́lwɔ́ rɩ́ a bʋlɛ́: “Ɩ́ ná Nyuutɩna Wɩɩsɛ há sʋ́ʋ́ ná: Tɔ́ɔ́ né nɩɛ wuu, kuóre ná há ké Davidi kuóɓasa ná daha, vʋk'ɔɔsa, wɩ́laabʋlla arɩ́ Zerizalɛmɛ nɩɛ wuu, ŋ sɩ́ a rɩ́wɔ́ buki ɓóŋ. 14 Ŋ sɩ́ káŋwɔ́ ŋmɔ́wɛ náŋá mɛ́ a zɔkwɔ́, rɩ́ ánáwa cɛ́ bɛlɛ mɛ́. Ŋ waá lo rɩ́ nɛ́ŋ káánɛ; háló toó, susúfɔ́ oro wuu tó aá kɛ́rɩ́ŋ mɛ́ rɩ́ŋ sɩ́wɔ́ zɔkʋ́, Nyuutɩna Wɩɩsɛ nɛ́ bʋ́l ɛ́”»
Ɩ́ zesi, rʋʋ há ko a har kɩ́ŋkáŋ a pɛ́ɩ́wa
15 Ɩ́ zesi, ɩ́ ɓílíwa dɩlla,
ɩ́ sɩ́ nyʋkɔ a,
Nyuutɩna Wɩɩsɛ nɩ́ɩ́ bʋ́lɩ́wa rɩ́.
16 Ɩ́ píŋsi Nyuutɩna Wɩɩsɛ, ɩ́ Wɩɩsɛ
rʋʋ ha wɩ ɛ́ɛ́ rɩ́ bíno zʋ,
rɩ́ɩ́wa ŋmʋ́ŋmɔ́wɩ́ɩ́wa naasɛ
pallɛ mɛ́, bíno há tɔ́wɔ́ mɛ́ wɩ́ɛ́.
Ɩɩ́ dɛllɛ pʋmmɔ,
amá ʋ ɔ́ɔ́, ʋ bɩrmɛ́ sʋʋ cuunó,
a bɩ́rmɛ duóbáŋbíno.
17 Rɩ́ɩ́wa nɛ́ wɩ cáánɛ né zesi,
ŋ sɩ́ lʋɔrɛ wíí aá hé ŋ sɩɛrʋ,
ɩ́ nyʋkdaarɔ́ ná wɩ́ɛ́;
ŋ sɩ́ wíí, a wíí, rɩ́ sɩ́mɩ́ɩ́rʋ tɔ́ŋ sɩ́ɛ́ mɛ́,
bee wɩ́ɛ́ ɓa sɩ́ kɛsɛ Nyuutɩna Wɩɩsɛ nɩɛ
a mʋ́ yomí sɩɛrʋ.
Nyuutɩna Wɩɩsɛ há bʋ́lʋ́ ná a pá kuóro jaa nɩɛ
18 Bʋl kuóro arɩ́ hákuóro rɩ́:
«Ɩ́ tuwi ké tíé, mʋ́l né mí
beé wɩ́ɛ́, ɩ́ kuónéŋcúpiŋó ná
wúríwa nyúú mí ɓal tíé.
19 Nɛgɛɛvɛ tɔ́nɛ dánʋʋsɛ tɔ́ɔ́,
nɛ́ŋ báá tó aá wúnníwó,
Ɓa kɛ́sɛ Ziida nɩɛ wuu
mʋ́ yomí sɩɛrʋ,
nɛ́ŋ wáá káánɛ.»
Zerizalɛmɛ tɔ́ɔ́ dí hɩ́ɩ̃́sɛ
20 «Ɓɔ́ɩ́ nyúú Zerizalɛmɛ a bel ná:
ɩ dɩŋdɔma nɛ́ lɛ́ wɩɩsɛ dɩpomí nɛ́gʋɔ aá ko.
Pʋsɛ ná ŋ há píé pɛ́ɩ́ mʋ́ nɛ́ɛ́ rɛ́,
pieŋse ná há tɛ, ɩ nyʋ́nyʋ́kɛ mɩ́ŋ nɛ́ɛ́?
21 Rɩ́ɩ́ sɩɛ́ bʋlɛ́ beé,
rɩ nɩɛ ná ɩ rɩ́wɔ́ há mál náŋá
nɛ́ ísé cɩ́nɩ́ mɛ́
aá dí dóé ɩ mɛ́?
Wɩɩla sɩ́ púí
anɛ hápúúko luori háá wɩ́ɛ́.
22 Ɛ́ nɛ́ sɩɛ́ rɩ́ɩ́ bɔ́sɩ́ tɩɩ a bʋlɛ́:
«Beé rí tɛ nyɛ péríŋ?»
Ɩ wɩ́bɔma há duki nɛ́sɛ nɛ́ tɛ,
ɓa kʋɔrɩ́ goŋdomáásɛ,
ká cikí bɩbarɩ́.
aá bɩrsɛ́ rɛ́?
ɓee é ní sɩɛ́ wóú pʋtaksɛ́ ná aá bɩ́rsɛ?
Ábádá! Ʋ sɩɛ́ ká ɛ́ nɛ́, a pɛ́ɩ́wa,
ɩ́ nɩɛ ná há mál bɔ́ŋbɔ́ŋ ɛ́ɛ́,
ɩ́ wɩ wo bɩ́rsɛ, aá a wérí!
24 Ŋ sɩ́ a rɩ́wɔ́ pɩsɛ náŋá mɛ́
anɛ nyɔ́míŋ
gɩrbétéke poo há kené pɩsɛ náŋá mɛ́.
25 Zerizalɛmɛ, ná wɩ́ɩ́ ná há bílí mí,
ker ná ŋ há ɓɛɛ pɛ́ɩ́,
Beé wɩ́ɛ́, ɩ sʋ́llɩ́ŋ wɩ́ɛ́,
ká cúŋ venni mí.
Nyuutɩna Wɩɩsɛ nɛ́ bʋ́l ɛ́.
26 Ɛ́ nɛ́ tɛ́, ŋ má sɩ́ kʋ́ɔ́rɩ́ goŋdomáásɛ zɩ tɔ́ɩ́ sɩ́ɛ́ mɛ́,
ká rɩ nɩɛ wuu neí hɩɩ̃sɛ.
27 Ɩ cɔ́rmɛ, ɩ báála hɩɛ̃nɛ́,
ɩ há wɩ hɩɩ̃sɩ́ fá kaá yɛ́llɩ́ tɩɩ ɛ́,
pallɛ daha arɩ́ gɩra sɩɛnnɛ veŋbɔma ná,
ɓa wuu ní sɩɛ́ ŋ ná.
Zerizalɛmɛ, néí wɩhála há mɔhɛ̃́ ɛ́,
kɛ́ɩ́ waá já rɩ́ɩ́ mʋ́ʋ́rɩ́ tɩɩ ká tɩ́ŋɩ́ŋ.
Tɛ́ŋ beé mí rí, rɩ́ɩ́ tá nyɛ́ wɩ́ɛ́ duó?»