Zeremi
1
1 Ná Hilikiya bio Zeremi wɩ́bʋlɛ́. Zeremi fá ká vʋk'ɔɔsa ná nɔŋɔ́ há mɩŋ Anatɔtɛ mɛ́, Bɛŋzamɛ jɩmʋ́l dɩtɩ́llɛ, jaa nɛ́ŋ rɛ́. 2 Kuóro Zoziyasɛ, Amɔŋ bio há dí Ziida kuorí bɩŋsɛ fí rɩ́ botoro nyúú mí ní, Nyuutɩna Wɩɩsɛ púl a bʋl wɩ́ɛ́ a pá Zeremi. 3 Zʋwakimi há ká Zoziyasɛ bio nɔ́ŋɔ, ʋ há dí Ziida kuorí tɛ́ŋ ná mɛ́ nɛ́, Nyuutɩna Wɩɩsɛ baa bʋl wɩ́ɛ́ Zeremi rɩ́, a dáánɛ mʋ́ peri Sedesiyasɛ má há ká Zoziyasɛ bio nɔ́ŋɔ. Zedesiyasɛ má Ziida kuorí díí, bɩŋsɛ fí rɩ́ oro nyúú mí, caŋsɛ bɔmmʋ́ɔ́ nyúú mí ní, ɓa kɛsɛ Zerizalɛmɛ nɩɛ a mʋ́ yomí sɩɛrʋ.Nyuutɩna Wɩɩsɛ yɩ́rɛ Zeremi
4 Nyuutɩna Wɩɩsɛ bʋlɩ́ŋ rɩ́ a bʋlɛ́:
5 «Ŋ fa ɩ́ɩ̃́,
rɩŋ ha wɩ́ɩ́ mɛ́ɩ́, ɩ maá luoru mí.
Ŋ lɩsɩ́ bil rɩ́ɩ́ tʋŋ páŋ,
rɩ ɓa ha wɩ́ɩ́ lʋlɛ́.
Ŋ lɩsɩ́ rɩ́ɩ́ láŋ nʋɔ wɩ́ɛ́ a bʋl aá pá duó duówa nɩɛ.»
6 Ɛ́ nɛ́ ŋ sɛ́: «Ɓáá! Nyuutɩna Wɩɩsɛ, ŋ ká heŋbíé kɩ́ŋkáŋ. Ŋ wɩ wɩ́ɛ́ bʋlɛ́ ɛ̃́.»
7 Amá Nyuutɩna Wɩɩsɛ baa bʋlɩ́ŋ rɩ́ bʋlɛ:
«Sɩ́ bʋlɩ́ ká heŋbíé kɩ́ŋkáŋ;
Mʋ́ nɩɛ ná wuu rɩ́ ŋ há sɩ́ɩ́ mʋ́,
a bʋl wɩ́ɛ́ ná wuu ŋ há sɩ́ɩ́ bʋl a pɔ́wɔ́.
8 Sɩ́wɔ́ fá,
beé wɩ́ɛ́, ŋ mɩ́nɩ́ har rɩ́ŋ lɛ́ɩ́ tá.»
«Ná, ŋ píŋ wɩ́bʋlɛ́ héí nʋɔ mɛ́.
10 Zɩ́ŋ rɩ tíŋ rí, ŋ pi aá pɛ́ɩ́ zaa,
rɩ́ɩ́ mʋ́ duówa arɩ́ dɩtɩ́llɛ́ nɩɛ rɩ́:
rɩ́ɩ́ mʋ́ cunni, a gínni, a zɔkɛ, ká tɩ́ksɛ má,
amá ɩ sɩ bɩrsɔ́ ká bɩrcɔ́ŋsɛ má.»
Zeremi ná amaŋdie híle
11 Nyuutɩna Wɩɩsɛ bɔ́sɩ́ŋ a bʋlɛ́: «Ɩ ná beé rí Zeremi>> Ɛ́ nɩ́ŋ sɛ́: «Ŋ ná amaŋdie híle ní. 12 Nyuutɩna Wɩɩsɛ sɛ́: «Ɩ bél wérí, ŋŋ́ pɔ́ wérí rɩ́ŋ tʋmɩ́ŋ há sʋ́ʋ́ ná a.»
Zeremi ná vie má haá wáásɛ
13 Nyuutɩna Wɩɩsɛ baa bɔsɩ́ŋ bʋllɛ nyúú mí: «Ɩ ná beé rí Zeremi?» Ɛ́ nɩ́ŋ sɛ́: «Ŋ ná vie háá wáásɛ, ká ɓíl a caasɛ wɩɩsɛ dɩpomí nɛ́gʋɔ.»
14 Nyuutɩna Wɩɩsɛ sɩɛ́ bʋl páŋ, a bʋlɛ́:
Wɩ́hála ná já rʋ́ʋ́ lɛ wɩɩsɛ dɩpomí nɛ́gʋɔ rɩ́ nɛ́, a ko cɛ́ tɔ́ɔ́ ná nɩɛ wuu mí.
15 Ŋ é sɩ́ yɩ́rɛ duówa ná rɩ́ dɩtɩ́llɛ ná wuu há mɩŋ wɩɩsɛ dɩpomí nɛ́gʋɔ rɩ́,
Ŋ é Nyuutɩna Wɩɩsɛ nɛ́ bʋlɛ́.
Ɓa oro wuu sɩ ko a ciksú kuóɓasa
Zerizalɛmɛ dánnʋʋsɛ sɩ́ɛ́.
Ɓa sɩ́ cɛ́ kilú zekɛ́rɛ wuu,
arɩ́ Ziida tɔ́nɛ wuu.
16 Nyɛ́ nɛ́ ŋ sɩ́ tɩŋ a mɩlmɩ́ŋ nɩɛ dɩlla ɛ́ tɔ́ɔ́ mɛ́,
dɩlmɩlmɔ́ ná ŋ fá há la sɩ́ɛ́ a bʋlʋ́ wɩ́ɛ́ a pɔ́wɔ́,
a tɩŋwɔ́ wɩ́bɔma wɩ́ɛ́:
ɓa vɛ́ŋ a tá,
ɓa nyɩkɛ áŋsáŋsɛ a pá venni náŋa,
venni ɓa tɩɩ há mɛ́ɛ́,
aá ɓáárɩ́wɔ́!
17 Ɩ é Zeremi, kanɩ́ tɩɩ.
Isi mʋ́, a bʋl wɩ́ɛ́ ná wuu
ŋ há sɩ́ɩ́ bʋl a páŋ nɩɛ ná,
Sɩ́wɔ́ sɩ́ɛ́ vaklʋ́,
rɩ́ ɛ́ rá, ŋ sɩ́ tɛ́ɩ́ rɩ́ɩ́ vaklɩ́wɔ́ sɩ́ɛ́.
18 A pɔ́ zaa mɛ́, ŋ pɛ́ɩ́ dóé,
anɛ tɔ́sɔ́ɔ́kɛrɛ,
anɛ hɔ́liŋe,
anɛ zeŋ ɓa há pi kɔmɔ́ sɔ́,
tɔ́ɔ́ ná nɩɛ wuu sɩ́ɛ́ mɛ́,
Ziida kuóre sɩ́ɛ́ mɛ́,
ʋ minísiwa, ʋ vʋk'ɔɔsa arɩ́ dɩtɩ́llɛ ná nɩɛ wuu sɩ́ɛ́ mɛ́.
19 Ɓa sɩ́ yóí,
amá ɓa wɩ́ɩ́ wɩ́ɩ́ wúó a,
beé wɩ́ɛ́, ŋ mɩ́nɩ́ŋ har, rɩ́ŋ lɛ́ɩ́ tá. Ŋ é Nyuutɩna Wɩɩsɛ nɛ́ bʋ́l ɛ́.»