Wɩɩsɛ gáásɛ wɩ́ɛ́ yardató nɩɛ rɩ́, ká wɩ́laabʋllɔ má gáásɩ́wɔ́ nʋɔ mɛ́ vúkme ná ɓa háá hé wɩ́ɛ́
50
1 Nyuutɩna nɛ́ bʋ́l nyɛ́:Háhuósikɛnɔ ná ŋ há pʋ́ŋsɛ́,
a kíríwa maá tá mɩŋ nɛ́ɛ́ rɛ́>>
Nɩɛ ná rɩ́ ŋ há dí kɩ́má,
ɓa sɩɛrʋ orí rí ŋ yɛ́llɩ́wa pá>>
Ná: ɩ́ wɩ́bɔma wɩ́ɛ́ nɛ́ tɛ́ ŋ yɛ́llɩ́wa,
ɩ́ nyúdúó nɛ́ tɛ́, ŋ kíríwa maá tá.
2 Beé rí tɛ́ ŋ ko, ká wɩ nɛ́ŋ néé>>
Ŋ yɩ́rɛ ká nɛ́ŋ wɩ saŋɛ>>
Ŋ nɛ́sɛ kúló ní, a kúl dáárɛ rʋ́ʋ́ lɛ́ɩ́wa a tá>>
Ŋ wɩ dóé mʋɔ́ wuu kené a lɛ́ɩ́wa aá tá nɛ́>>
Ŋ wɩ bɩ́ɩ́nɛ́ nɛ́ ká dáánɛ́, rɩ mʋʋ nyii hʋ̃́ʋ̃́sɔ́,
mʋʋ naasɛ bɩrmɛ gɩrbétéke;
nyinyʋ́ɔ́sɛ ká naŋwʋlɛ, nyii há too wɩ́ɛ́,
ɓa sʋsɛ aá sʋ́ɔ́rɛ.
3 Ŋ nɛ́ ɛ́ɛ́ bino tɔ́ bána mɛ́,
ká a jɔɔ (sazɔkɔ́) bɩ́rmʋ́ gɛbasa.
4 Nyuutɩna Wɩɩsɛ páŋ karmɩbio nʋŋdʋlɩ́:
a makɛ rɩ́ŋ zɩŋ nɩpʋ́ɔ́la naasɛ dúóre, ʋ páŋ liŋó.
Cɩcʋɔ é wuu, ʋʋ́ a ŋ ɓílíŋ dɩllɛ
anɛ karmɩbio aá zésú rɩ́.
5 Nyuutɩna Wɩɩsɛ wúríŋ dɩlla.
Ŋ má sɩɛ́ wɩ nyúduó ɛ́ɛ́,
ŋ wɩ́ŋ tɩɩ kaa hé har.
6 Ŋ fa bɩ́rɩ́ŋ duguno, a pá nɩɛ ná fa haá ŋmɔ́wɩ́ŋ,
a bɩ́rɩ́ŋ tɛ́ŋgbɛ́lɩ́, a pá nɩɛ ná fa há pɔ́sɩ́ŋ tɔmɔ́ aá cúnni;
ŋ wɩ́ŋ sɩ́ɛ́ mɛ́ tɔ́ɛ́
zome arɩ́ mɩŋtʋɔrɛ wɩ́ɛ́.
7 Nyuutɩna Wɩɩsɛ nɛ́ kúé pɛ́ŋ mɛ́:
a pɔ́ŋ ɛ́ tɛ́ŋ mɛ́, ŋ wɩ bɛ́ŋsɛ́ fá,
a pɔ́ŋ ɛ́ tɛ́ŋ mɛ́, ŋ pʋ́ŋ sɩ́ɛ́
ɓa dúóri anɛ dɔ́wɩ́dúó ná ɓa haá yɩrɛ sɩlɛ́ksɛ,
ŋ há ɩ́ɔ̃́ rɩ́ŋ wɩ hɩɩ̃sɛ dí wɩ́ɛ́.
8 Nɛ́ŋ ná há pi táŋa aá páŋ mɩŋ tɛ́sɩ́ɩ́!
Áŋ rɩ́ɩ́ já rʋ́ʋ́ cɩ́nɩ́ŋ mɛ́>>
Rɩ́rɩ́ŋ rɩ́rʋ́ mʋ́ sarɩ́ya dɩdíí!
Áŋ rɛ́ sɩ́ cɩ́nɩ́ŋ mɛ́ sarɩ́ya díí mí>>
Ʋʋ́ kóŋ rɩ́>>
9 Ʋ ká ɛ́ nɛ́, Nyuutɩna Wɩɩsɛ nɩ́ɩ́ pɛ́ŋ mɛ́:
áŋ rɛ́ sɩɛ́ sɩ́ pi zɔ́krʋ cɩ́ɩ́nɩ́ŋ>>
Oo, ɛ́ nɩɛ wuu sɩ́ kɔ́sɛ anɛ gɛrɔ,
mʋkra sɩ́ díwó.
10 Nɛ́ŋ mɩ́nɩ́wa sɩɛrʋ, aá fa Nyuutɩna Wɩɩsɛ héwíŋ,
aá zésú tʋtʋnnɔ liŋó,
ká va bino sɩɛrʋ,
ʋ há wɩ pʋmmɔ mʋɔ́ wuu néé wɩ́ɛ́>>
Rʋ́ʋ́ tɩ́na ka Nyuutɩna Wɩɩsɛ yɩr ná yɩɛla,
a púú tɩɩ yelli Wɩɩsɛ mɛ́.
11 Ɩ́ é nɩɛ ná wuu há hé níŋ,
a hílmi arɩ́ nyɔ́duó níŋ,
ɩ́ mʋ́ zʋ́ɩ́wa níŋtʋl ná sɩɛrʋ,
a zʋ́ nyɔ́duó níŋ ná ɩ́ há ɔ́sɛ́ aá hé sɩsɩɛrʋ.
Ŋ nɛ́sɛ nɛ́ sɩ́ a rɩ nyɛ́ péríwa:
ɩ́ sɩ́ sʋsɛ wɩhála sɩɛrʋ.