Wɩɩsɛ gáásʋ́ nɩɛ nʋɔ mɛ́ ɓa kéké ná wɩ́ɛ́, ká há cɛ́ tɩkɛ rɩ́ taŋá rʋ́ʋ́ lɔ́wɔ́ tá
48
1 Zakɔbɛ jaa nɩɛ, ɩ́ zesi wɩ́ɩ́ né,ɩ́ é nɩɛ ná yɩr há dí Ɩzɩrayɛl,
ɩ́ nɩɛ ná há ká Ziida dunɩɛ,
ɩ́ nɩɛ ná háá ŋmɩ́ɛ́sɛ Nyuutɩna Wɩɩsɛ yɩr mɛ́,
aá yɩr Ɩzɩrayɛl Wɩɩsɛ yɩr
ká taŋá arɩ́ cɩ́ tɩkɛ́ tóó:
2 ká ɓa yɩr nɛ́ ká «Tɔ́ɔ́ ná há kɔ́ʋ́ Dʋŋɔ nɩɛ»,
aá sʋl Ɩzɩrayɛl Wɩɩsɛ ná
yɩr há ká Nyuutɩna Wɩɩsɛ, Doewuutɩna rʋ́ʋ́ pɛ́wɔ́ mɛ́.»
3 Tésíé wɩ́ɛ́ ná, ŋ lá sɩ́ɛ́ bʋlwɔ́ wɩ́ɛ́ fól wuu ní,
ɓa lɩ́ŋ nʋɔ mɛ́ a lɛ́, ŋ nɛ́ lóé ɓa nɩ́wɔ́:
Ŋ nɛ́ ɛ́ɛ́ naasɩ́ balá, ɛ́ wɩ́ɛ́ tʋ́ŋ.
4 Ŋ há ɩ́ɔ̃́ rɩ́ɩ́ baŋcɩ́la duóko,
rɩ́ɩ́ nyúú duóko anɛ hɔɔ,
rɩ́ɩ́ sɩ́ɩ́ duóko anɛ kɔmɔ́,
5 ŋ la sɩ́ɛ́ a bʋl ɛ́ wɩ́ɛ́ pɛ́ɩ́ fól wuu;
ká rɩ́wɔ́ zɩŋ ko, ŋ ló ɩ nɩ́wɔ́ wɩ́ɛ́,
a makɛ rɩ́ɩ́ há bʋlɛ́: «Ŋ veno ní tʋ́ŋ ɛ́,
ŋ veŋgúle, ŋ oŋmáálɛ ná nɛ́ sɛ́ ɛ́ wɩ́ɛ́ tʋ́ŋ.»
6 Ŋ há bʋ́l wɩ́ɛ́ ná, ɩ́ nɩ́wɔ́ rɛ́:
Ɩ́ nówó rɩ́wɔ́ nʋɔ súó rí.
Ɩ́ é rá sɩɛ́ baá wɩ mɔhɛ̃́ rɩ́ɩ́wa cáárɩ́wɔ́ rɛ́>>
Mʋ́l né mí, ŋ ɔ́ɔ́ ɩ nɛ̃ wɩ́fɛ́lɛ́ ná há féŋsé
ɩ wʋ́ɔ́ nʋɔ mɛ́ ɛ̃́.
7 Mʋ́l né mí ní, ŋ a ɛ́ wɩ́ɛ́, fól wuu wɩ́ɛ́ ráá tówó,
rɩ zaa rá, ɩ fa ha wʋ́ɔ́ nɩ́ɛ́ ná
a makɛ rɩ́ɩ́ háá bʋlɛ́: «Ŋ é fa nówó rí, a zɩ́ŋwɔ́!»
8 Ʋ ka pʋmmɩ́, rɩ́ɩ́ wɩ wɩ́ɩ́ nɩ́ɛ́;
ʋ ká pʋmmɩ́ rɩ́ɩ́ wɩ ɛ̃́ nɛ́,
ʋ ká pʋmmɩ́ rɩ́ɩ́ dɩllɛ wɩ la sɩ́ɛ́ nɛ̃ wɩ́ɩ́ fól wuu,
bee wɩ́ɛ́, ɩ ka gɩ́ŋgɩ́rtɩ́ŋ, ŋ ɩ̃́ɔ́ rɩ́ɩ́ ka gɩ́ŋgɩ́rtɩ́ŋ,
ɓa kánɩ́ aá yɩ́rɛ «Ɩ ká nyúdótɩŋ ɩ máá luóru wuu mí»!
9 Rɩ́ŋ yɩr sɩ́ tʋ́ɔ́mʋ́ wɩ́ɛ́ nɛ́ tɛ́, ŋ ló ŋ cɔ́ɛ́ pɔrɛ,
a makɛ rɩ́ŋ yɩr ná píŋ, ɛ́ nɛ́ tɛ́ ŋ kánɩ́ŋ tɩɩ rɩ́rɩ́ɩ́,
a makɛ rɩ́ŋ sɩ́ɩ́ zɔkʋ́.
10 Ŋ nɛ́ mɩ́ɛ́rɩ́, a má warɛ dɩmɩ́ɛ́rɛ mɛ́ rá,
ŋ mɩ́ɛ́rɩ́ níŋzeno ná há kéŋ sazɔkɔ́ sɩɛrʋ nɛ́.
11 Ŋ tɩɩ wɩ́ɛ́ nɛ́, rɩ́ŋ yɩr sɩ́ tʋ́ɔ́mʋ́ wɩ́ɛ́ nɛ́ tɛ́ ŋ tʋ́ŋ nyɛ́,
beé rí tɛ́ rɩ́ŋ lo rɩ́ŋ yɩr zɔkɛ>>
Ŋ píŋ ná, ŋ wʋ́ʋ́ píí pá nɛ́ŋ nɔ́ŋ.
12 Zakɔbɛ, zésíŋ rí,
Ɩzɩrayɛl, ŋ nɛ́ yɩ́rɩ́;
ŋ há kɔ́ʋ́ ná, ŋ kɔ́ʋ́ nɛ́: ŋ nɛ́ ka sɩ́láárɔ,
ŋ nɛ́ ka hatɩŋnɔ.
13 Ʋ ká ɛ́ nɛ́, ŋ nɛ́sɛ nɛ́ a tíé,
ŋ néduu nɛ́ jɛ́rɛ́ bána;
rɩ́ŋ nɛ́ yɩ́rwɔ́,
naasɩ́ balá rɩ́wɔ́ nyɩ́ɩ́sɩ́wɔ́ tɩɩ.
14 Ɩ́ wuu hé náŋá mɛ́, a zesi!
Ɓa sɩɛrʋ orí rí la sɩ́ɛ́, a cáárɛ wɩ́ɛ́ nyáŋ:
Nyuutɩna Wɩɩsɛ ha có nɛ́ŋ ná nɩ́ɩ́ tʋ́mʋ́ cólle,
rɩ́ɩ́ cɛ́ Babɩlɔɔnɛ mɛ́, ká rʋ́ʋ́ dunɩɛ má cɛ́ Kalde nɩɛ mɛ́.
15 Ŋ nɛ́, ŋ é nɛ́ bʋlɛ́; oo, ŋ nɛ́ yɩ́rʋ́,
ŋ nɛ́ ɛ́ɛ́ ʋ ko, ʋ jáŋ nʋɔ sɩɛ́ sɩ́ sú má.
16 Ɩ́ tuupéríŋ, a zesi wɩ́ɩ́ né:
púle mí wuu, ŋ wɩ féŋsé rɩ́ɩ́ bʋl wɩ́ɛ́ ábádá;
ɛ́ wɩ́ɩ́ púlé mí wuu, rɩ́ŋ mɩ́nɔ́:
ká mʋ́l né mí ní sɩɛ́,
Nyuutɩna Wɩɩsɛ tʋ́mɩ́ŋ arɩ́rʋ́ sabɩɩna.
17 Ɛ́ wɩ́ɛ́, Nyuutɩna Wɩɩsɛ ná há yɔ́wɛ́ a lɛ́ɩ́,
Ɩzɩrayɛl Kaŋdʋŋɔ nɛ́ sɛ́ nyɛ́:
Ŋ é Nyuutɩna Wɩɩsɛ, ɩ Wɩɩsɛ,
ŋ nɩ́ɩ́ karmɩ́ ɩ wér ɔ́sɛ́,
ŋ nɛ́ ɛ́ɛ́ ɩ pi ŋmɛ́nɔ ná ɩ há mɩ́nʋ́ sɩɛrʋ.
18 Ná yaa! rɩ́ɩ́ fa zesíŋ wɩ́makɛ́ ná rɛ́,
ɩ tɛŋfɩ́ɛ́l fa sɩ́ nɛ̃ mʋnaa nyii,
ká rɩ́ɩ́ taŋá má nɩ́ɛ̃́sɛ mʋʋ nyigʋ́gʋ́llɛ;
19 ɩ bɛlɛ fa sɩ́ a kánɛ́ anɛ hɩɛl,
ʋ dunɩɛ fa sɩ́ a kánɛ́ anɛ ɓɔ́nyɩ́la:
ʋ yɩr fa wɩ́ŋ nʋɔ mɩ́ɩ́ lɩ́ɩ́ ná,
ʋ wáá yʋ́ksɩ́ ná ŋ sɩ́ɛ́ mɛ́.
20 Ɩ́ lɛ́ Babɩlɔɔnɛ mɛ́. Ɩ́ fa kɛ́kɛ́ Kalde nɩɛ mɛ́.
Ɩ́ buóli wɩ́ɩ́ né, ɩ́ a rɩ́wɔ́ nʋ́ʋ́,
ɩ́ cáárʋ́ a mʋ́ yakɛ dúníé tokó mí,
a bʋlɛ́: «Nyuutɩna Wɩɩsɛ yɔ́wɔ́ lɔ́ʋ́ tʋtʋnnɔ Zakɔbɛ.»
21 Ʋ ha káŋwɔ́ tɩ́ŋ tíhɩlɛ́ ná mɛ́ a dáárɛ, nyinyʋ́ɔ́sɛ wʋ́ɔ́ kéné.
Ʋ ɔ́ɔ́ nyii pal bʋ́ɩ́ mɛ́ a pɔ́wɔ́,
ʋ ka ɛ́ nɛ́, ʋ ɔ́ɔ́ bʋ́ɩ́ póŋ ká nyii pal.
22 Amá, kɩ́rʋ́, nɩbɔma wɩ tɛŋfɩ́ɛ́l náá ná,
Nyuutɩna Wɩɩsɛ nɛ́ bʋ́l ɛ́.