Babɩlɔɔnɛ ɓalɛ́ wɩ́ɛ́
47
1 Tóper Babɩlɔɔnɛ, ha há wɩ bál ɛ̃́,tuwi ɓal, a billi kúŋkulo sɩɛrʋ,
Kalde nɩɛ tolo,
tɛ́ɩ́ kuódacaka, ká ɓal tíé a billi,
bee wɩ́ɛ́, ɩ baá waá a rɩ́ɩ́ ná rɩ ɓa yɩ́rɩ́
«Nɩpɔrɩ́ hé bɛ́llɛ́ mɛ́» kʋráá.
2 Zɩ nɔmɔ, a gɛrɛ míŋ,
kʋ́ɔ́rɩ́ nyúpʋsɛ, a faarɩ́ gɛrɔ,
ká tɛ́ɩ́ nahṹé, a dáárɛ mʋnaasɛ mɛ́:
3 ká tɛŋbíí dʋŋɔ,
rɩ nɩɛ néí hɩ́ɩ̃sɛ.
Ŋ sɩ́ díŋ tɛŋbuóro,
nɛ́ŋ tóó aá kɛ́rɩ́ŋ mɛ́:
4 Nɛ́ŋ ná há sɩ́ yɔwɛ lárá yɩr nɛ́ ká
Nyuutɩna Wɩɩsɛ, Doewuutɩna,
Ɩzɩrayɛl Kaŋdʋŋɔ (Wɩɩsɛ ná há kɔ́ʋ́ dʋŋɔ).
5 Kalde nɩɛ tolo,
ké cɩ́m, zʋ bino sɩɛrʋ,
bee wɩ́ɛ́, ɓa baá waá a rɩ́wɔ́ yɩ́rɩ́
«Kuódɩtɩ́llɛ bɩbár» a ná.
6 Ŋ cɔ́ɛ́ fa wɩ́ŋ nɩɛ nyúú rí:
ŋ fa gúóníŋ liwe/tɩ́llɛ́,
a kɛ́sɩ́wɔ́ héí nɛ́sɛ mɛ́.
amá ɩ wʋ́ɔ́ susú mʋɔ́ má wuu fɛ́ɛ́,
ká pi baŋdabáásɩ́ há zimó dáárɛ
a báásɛ bánɩ́ɩ́na.
7 Ɩ fa sɛ́: «Ŋ sɩ́ mɩŋ dɩŋɛ,
a a bɩ́bár tɛ́ŋ wuu mí».
Ɩ wɩ wɩ́ɛ́ nyáŋ kɩ́ɛ́lɛ́, ɩ sabɩɩna mɛ́,
ɓa cíé há sɩ́ nɛ́ ɛ́, ɩ wʋ́ʋ́ bɩ́ɩ́nɛ́.
8 Amá mʋ́l né mí háweridííro, zesi,
ɩ há kéní kuóɓasa daha fɛ́lɛ́lɛ́ (a bɩ́ɩ́nɛ rɩ wɩ́ɩ́ tóó),
a fa bɩ́ɩ́nɩ́ tɩɩ mɛ́ a bʋlɛ́: «Ŋ nɛ́ mɩ́nɛ́,
káánɛ ná wuu ká yɔ́ɔ́ rɛ́.
Aɩ́, ŋ wɩ yúhállɩ́ díí ná,
ŋ bɛlɛ waá a rɩ́wɔ́ sʋsɛ.»
9 Wɩ́ɛ́ nyáŋ bɛllɛ sɩ́ púí,
naasɩ́ balá, tápʋ́l balá:
ɩ bɛlɛ waá mɩŋ, ŋ sɩ́ dí yúhállɛ má kɩ́ŋkáŋ.
Ɛ́ wɩ́ɛ́ sɩ́ cáásɛ pérí,
ɩ tɩ́ɩ́wʋ rɩ́rɩ́ vʋ́rɩ́ wɩ́kaná ná wuu wɩ́ɩ́ mɛ́ wúó kɛ́rɛ.
10 Ɩ fa píí yɩɛla héí sahɔ́ɔ́ ná mɛ́ nɛ́ ká bʋlɛ́:
«Nɛ́ŋ wɩ́ŋ néé.»
Ɩ zɩmɛ́ ná rɩ́rɩ́ wɩ́zɩŋ dáárɔ́ ná,
ɓa nɛ́ ɛ́ɛ́ ɩ tɛ́l.
Ɩ fa bɩ́ɩ́nɩ́ sɩɛrʋ mɛ́ a bʋlɛ́:
«Ŋ é ní mɩ́nɛ́,
káánɛ ná wuu ká yɔ́ɔ́ nɛ́!»
11 Ná wɩhála nɩ́ɩ́ kóí mí:
ɩ wʋ́ʋ́ mɛ́ wúó fori,
wɩ́ɩ́la sɩ́ púí:
ɩ waá wóllí kɛ́rɩ́ tɩɩ mɛ́.
Oo, zɔkrʋ́ ná ɩ há wɩ yɩɛlɛ́
sɩ́ úrí mí.
ɩ haá bɔlɩ́ tɩɩ ɓa wɩ́ɛ́, ɩ pʋ́ɔ́sɛ́ tɛ́ŋ wuu mí pɔ́ɩ́ mɛ́:
rɩ́ɩ́ gbé, ɩ sɩ́ ná saŋɛ,
ká rɩ́ɩ́ hé héwíŋ pá nɩɛ!
13 Ɩɩ́ bɔlɩ́ tɩɩ rɩ́ cáánɩkaná:
rɩ́wɔ́ káŋwɔ́ tɩɩ nyɩ́ɩ́sɛ,
a lɛ́ɩ́ tá, ɓa é nɩɛ ná há nyííle aá ná wɩ́ɛ́ bána mɛ́,
a zɩŋ caŋwʋllɛ wɩ́makɛ́,
a zɩŋ wɩ́ɩ́ ná háá kúé,
caŋfɛlɔ́ é wuu lɩ́ɩ́ mɛ́!
14 Ná, ɓa sɩ́ ko nɩ́ɛ́sɛ nyɔ́ɔ́,
níŋ sɩ́ díwó,
ɓa waá wóllí fori
níŋpoo nɛ́sɛ mɛ́:
níŋhala ná ɓa há sɩ́ wieni rá tóó,
níŋ ná ɓa sɩ́ kénú sɩ́ɛ́ má ráá tóó.
15 Ɛ́ wɩ́ɛ́, nɩɛ ná ɩ fa háá bɔlɩ́ tɩɩ ɓa wɩ́ɛ́ nɩ́ɩ́sɔ́ nɛ́ nyɛ́,
ɓa nɛ́ fáá ɓɩ́lɩ́ ɩ pʋ́ɔ́sɛ́ tɛ́ŋ wuu mí:
oro wuu sɩ́ bɩ́báárʋ́ cɔ́ɔ́ rɩ́,
oro wuu waá a rʋ́ʋ́ lɛ́ɩ́ tá.