45
1 Nyuutɩna nɛ́ bʋl nyɛ́ a pɔ́ʋ́ nɩlɩ́sɛ:A pá Siirisi ná há ŋ há cɔ́ʋ́ néduu nɛ́sɛ mɛ́,
rɩ́ŋ a rʋ́ʋ́ dí dóé duówa nyúú,
rʋ́ʋ́ puri kuóre tɩ́ŋsɛ vɔ́ɔ́sɛ,
rʋ́ʋ́ wunni bonni ná há yákɛ́,
rɩ dánʋʋsɛ baá sɩ́ tɔ́:
2 Ŋ é tɩɩ nɛ́ sɩ́ lɛ́ɩ́ sɩ́ɛ́ a va,
ŋ sɩ́ a rɩ dɩhɛ̃́ ná há kéŋ dúŋduóme mɔ náŋá,
ŋ sɩ́ ginni kɔmɔ́ dánʋʋsɛ,
ŋ sɩ́ zɔkɛ hɔrʋ dánʋyakɛ́.
3 Ŋ sɩ́ pɛ́ɩ́ oŋpiŋe ná há mɩ́ŋ bino sɩɛrʋ,
ŋ sɩ́ pɛ́ɩ́ kuóɓɩɛ́ ná há féŋsé:
ɛ́ mɛ́ nɛ́ sɩɛ́ rɩ́ɩ́ zɩŋ rɩ́ŋ nɛ́ ka Nyuutɩna Wɩɩsɛ,
nɛrɔ ná há ɩ̃́ɩ̃́ yɩr, Ɩzɩrayɛl Wɩɩsɛ.
4 Ŋ tʋtʋnnɔ Zakɔbɛ wɩ́ɛ́ nɛ́,
oo, Ɩzɩrayɛl há káŋ nɩlɩ́sɛ wɩ́ɛ́ nɛ́,
ŋ yɩ́rɩ́ yɩr;
a zilí rɩ́ɩ́ fa wɩ́ŋ ɛ̃́ má tɩɩ.
5 Ŋ nɛ́ ka Nyuutɩna Wɩɩsɛ, nɛ́ŋ tóŋ gbel mí,
rɩ́ŋ ráá, wɩɩsɛ nɔ́ŋ tóó!
Ŋ nɛ́ vɔwɛ vɔ́wɛ́ (dóé) a pɛ́ɩ́, kɛ́ɩ́ wɩ́ŋ ɛ̃́,
6 a makɛ wɩɩsɛ dɩpomí mí, rɩ́wɔ́ zɩŋ,
wɩɩsɛ dɩzʋ́ɩ́ mɛ́, rɩ́wɔ́ zɩŋ, rɩ́ŋ ráá: Nɛ́ŋ tóó!
Ŋ nɛ́ ka Nyuutɩna Wɩɩsɛ, ŋ nɔŋɔ́ tóó;
7 ŋ nɛ́ ɛ́ɛ́ pʋmmɔ mɩ́ŋ, ŋ nɛ́ hé bino,
ŋ nɩ́ɩ́ tɛ́ wer, ŋ nɩ́ɩ́ hé bɔ́ŋbɔ́ŋ:
ŋ é Nyuutɩna nɩ́ɩ́ a wɩ́ɛ́ nyáŋ wuu.
8 Bána há nyúú rí, ló rɩ́ taŋá tuwi anɛ nyɛlɔ́
rɩ dobasɛ ló rɩ taŋá pal,
rɩ tíé wúrú tɩɩ mɛ́ ká rɩ laatɛ́ nyɩ́ɩ́sɛ,
rɩ taŋá nyʋ́ a yieri.
Ŋ é Nyuutɩna Wɩɩsɛ nɛ́ má ɛ́ báálɔ (Siirisi>>).
b
9 Cʋʋ viini sɩɛrʋ, wɩ́ɩ́la pú cʋʋ vie ná
háá gáásɛ wɩ́ɛ́ ʋ mɩ́máárɔ rɩ́.
Cʋʋ sɩ́ wólli a bʋlʋ́ mɩ́máárɔ rɩ́ a bʋlɛ́:
«Beé rí ɩ ɩ́'a nyɛ́>>»,
omo ná ɩ há ɛ́ɛ́ sɩ́ wólli a bʋlɛ́:
«Ɩ nɛ́sɛ wɩ ɛ́ɛ́ ɛ̃́.»>>
10 Wɩ́ɩ́la pú nɛ́ŋ ná há sɩ́ bʋlʋ́ áná rɩ́:
«Beé rí tɛ́ ɩ lʋ́lɩ́ŋ>>»,
arɩ́rʋ́ máá rɩ́:
«Beé rí tɛ́ ɩ ló ŋ kó tɔ́ɔ́>>»
11 Nɛ́ŋ ná há má Ɩzɩrayɛl, há kɔ́ʋ́ dʋŋɔ,
Nyuutɩna Wɩɩsɛ nɛ́ bʋl nyɛ́:
Ɩ́ɩ́ fɩ́kɩ́ŋ mɛ́ nɛ́, rɩ́ŋ makɛ wɩ́ɛ́ ná há tɩ́ɩ́nɩ́ŋ bɛlɛ mɛ́!
Ŋ nɛ́sɛ há tʋ́mʋ́ ná,
ɩ́ wo wɩ́ɩ́ rɛ́ mákɛ aá páŋ ʋ sɩɛrʋ>>
12 Ŋ nɛ́ a tíé,
ŋ nɛ́ sɩɛ́ baá á nɩbííné ná há mɩ́nʋ́ daha,
ŋ é tɩɩ nɛ́sɛ nɛ́ tɩ́ɛ́nɛ bána
ŋ nɛ́ sɩɛ́ baá kéŋ sɛ́ má ʋ daha onni wuu rí.
13 Ŋ taŋá sɩɛrʋ nɛ́, ŋ tʋ́ŋ Siirisi,
ŋ sɩɛ́ sɩ́ bɩ́rmʋ́ ŋmɛ́ŋsɛ wuu.
Ʋ nɛ́ sɩ́ bɩ́r sɔ́ŋ tɔ́ɔ́ ná,
ká láŋ nɩɛ ná ɓa fa kɛ́sɛ a tá rɩ́wɔ́ col,
ká sɩ́ oŋ túmú, a sɩ́ zile tɛ́,
Nyuutɩna Wɩɩsɛ, Doewuutɩna nɛ́ bʋ́l ɛ́.
14 Nyuutɩna nɛ́ bʋ́l nyɛ́:
Ezipiti há tʋ́mɛ́ a nóú ná,
Niibi rɩ́ Seba nɩɛ há ká nɩgóru duó há yɛ́llɛ a nóú ná,
sɩ́ zʋ́ɩ́ nɛ́sɛ, rɩ́ɩ́ tɩ́lwɔ́,
ɛ́ duówa nɩɛ sɩ́ zʋ́ bɛ́ŋzɛllɛ, a tɩ́ŋɩ́ mɛ́.
Ɓa ɓírmi tíé ɩ sɩ́ɛ́, a káŋwɔ́ sɩ́ɛ́ cú
ká sʋ́lɩ́ a bʋlɛ́:
«Wɩɩsɛ mɩ́nɩ́ dʋŋɔ dɩhɩ̃́ nɛ́, wɩɩsɛ nɔ́ŋ tóó;
wɩŋsa ná ɓa há mɛ́ɛ́ ká óŋyɔ́ɔ́wa nɛ́.
15 Amá, ʋ ká pʋmmɩ́ rɩ́ɩ́ ká Wɩɩsɛ ná há féŋsí tɩɩ nɛ́,
ɩ ká Ɩzɩrayɛl Wɩɩsɛ nɛ́, ɩ nɛ́ ká laataarɔ.
16 Hɩɩ̃sɛ pú veŋmáára wuu, wɩhála púwó,
oo, ɓa yieko (fáákɔ́) ní aá col;
17 amá Ɩzɩrayɛl é, Nyuutɩna Wɩɩsɛ lɔ́ʋ́ tá,
ɛ́ laatɛ́ ká dɩŋɛ nɛ́;
ɩ́ é wɩ hɩɩ̃sɛ díí ná, wɩ́ɩ́la wɩ́ɩ́wa pú,
abádá, a káá mʋ́ wuu.»
18 Sɩɛ́ ná Nyuutɩna Wɩɩsɛ há sʋ́ʋ́ ná,
nɛ́ŋ ná há a bána, ʋ nɛ́ ka Wɩɩsɛ,
ʋ nɛ́ a tíé, ʋ nɛ́ bílú mʋ́l,
ʋ nɛ́ ɛ́ɛ́ ʋ ka dóé, ʋ wɩ lóé rʋ́ʋ́ a wuóli,
amá ʋ nɛ́ bílú mʋ́l, rɩ nɩɛ mɩ́nʋ́ daha.
Ŋ é ní ká Nyuutɩna Wɩɩsɛ, ŋ nɔ́ŋɔ tóó.
19 Ŋ wɩ lʋ́ɔ́rɛ a bʋl wɩ́ɛ́,
bino sɩɛrʋ tíé dɩhɩ̃́ oro wuu,
ŋ wɩ Zakɔbɛ dunɩɛ rɩ́ bʋlɛ́ rɩ́ɩ́ bʋlɛ́:
«Ɩ́ jáŋ vɛ́ɛ́.»
Ŋ é ní ka Nyuutɩna Wɩɩsɛ: ʋ ná há cɛ́rɛ́, ŋŋ́ bʋlʋ́ nɛ́,
ʋ ná há ka yɛ́rɛ́, ŋŋ́ buolú ní!
20 Ɩ́ hé náŋá mɛ́ a ko,
duówa nɩkáánɛ, ɩ hé náŋá mɛ́ a tuuperi:
ɓa wɩ wɩ́ɩ́ ɛ̃́, nɩɛ ná há kéŋwó
daa veno ɓɔ́ daha,
aá sʋ́l
wɩɩsɛ ná há wʋ́ɔ́ wo la aá tá rɩ́.
21 Ɩ́ dí sɩ́ɛ́, a cáárɩ́wa há kénú ná!
Ɩ́ wuu hé náŋá mɛ́, a ka cáánɛ́ balá!
Áŋ rɛ́ díé fa ɛ́ɛ́ ɩ́ nʋ́ʋ́ wɩ́ɛ́,
a la sɩ́ɛ́ bʋlʋ́ wɩ́ɛ́ fól a pɛ́ɩ́wa>>
Ŋ é Nyuutɩna Wɩɩsɛ rá rɛ́>>
Wɩɩsɛ nɔ́ŋ tóó, rɩ́ŋ dʋŋɔ ráá;
wɩɩsɛ nɔ́ŋ tóó a a taŋá,
a a laataarɔ, rɩ́ŋ dʋŋɔ rá!
22 Ɩ́ nɩɛ ná wuu há mɩŋ dúníé toko mí,
ɩ́ bɩ́rɩ́wa sɩ́ɛ́ a cáásɩ́ŋ, a ná laatɛ́,
bee wɩ́ɛ́, ŋ nɛ́ ka Wɩɩsɛ, ŋ nɔ́ŋɔ tóó.
23 Ŋ nɛ́ ŋmɩ́ɛ́sɩ́ŋ tɩɩ yɩr mɛ́,
ŋ nʋɔ mɛ́ nɛ́ taŋá lɩ́lɛ́,
wɩ́bʋlɛ ná há waá giri:
«Neɓíŋ wuu sɩ́ ɓírmíŋ sɩ́ɛ́
ká rɩ nʋŋdilí wuu ŋmɩ́ɛ́sɛ páŋ, a bʋlɛ́:
24 Taŋá wɩ́'állɛ arɩ́ dóé mɩŋ
Nyuutɩna Wɩɩsɛ dʋŋɔ rɩ́ nɛ́.»
Nɩɛ ná fa há dí cɔ́ɛ́ ʋ rɩ́,
sɩ́ kóú rɩ́ arɩ́ hɩɩ̃sɛ.
25 Nyuutɩna Wɩɩsɛ yɩr mɛ́, Ɩzɩrayɛl dunɩɛ wuu
sɩ́ ná taŋá arɩ́ yɩr.