44
1 Amá mʋ́l né mí Zakɔbɛ, ŋ tʋtʋnnɔ,Ɩzɩrayɛl há káŋ nɩlɩ́sɛ́ zesi:
2 Ná Nyuutɩna Wɩɩsɛ ná há dúŋsí,
a mɛ́ɩ́, ɩ máá luóru mí ká nɛ́ pɩ́pɛ́ɩ́ mɛ́ há sʋ́ʋ́ ná:
Ŋ tʋtʋnnɔ Zakɔbɛ, sɩ́ héwíŋ fa,
ŋ nɩcuoli ná ŋ ha bɛ́llɛ́ lɩsɛ,
3 beé wɩ́ɛ́, ŋ sɩ́ a rɩ nyii pal tíé ná háá ja nyii mí,
rɩ nyinaasɛ mɩ́ŋ tíhɩlɩ́ mɛ́;
ŋ sɩ́ a rɩ́ŋ sabɩɩna túwí dunɩɛ nyúú
rɩ́ŋ bárka mɩ́nɩ́ nɩtɩ́náwa (dunɩɛ) nyúú;
4 ɓa sɩ́ hɩ́ɛ̃́sɛ anɩ́wɔ́ mɩ́ŋ nyɔɔ sɩɛrʋ,
anɛ polo laka tuuni ná ɓa háá yɩrɛ solwa (polo ɓesuke>>).
5 Nɔŋɔ́ sɩ́ bʋlɛ́: «Ŋ ká Nyuutɩna Wɩɩsɛ nɩtɩ́llɛ nɛ́»,
rɩ nɔ́ŋɔ má bʋ́lʋ́ dɛ́nna nɛ́ ká Zakɔbɛ,
rɩ nɔ́ŋɔ má ŋmʋ́ŋsʋ́ nɛ́sɛ mɛ́: «Nyuutɩna Wɩɩsɛ nɛ́ tɩ́ŋ»
ká pi Ɩzɩrayɛl yɩr pɔ́ʋ́ tɩɩ.
Wɩɩsɛ pʋ́rmɔ́ rɩ́ venni; ká a ʋ nɩɛ zʋ́ wer sɩɛrʋ
6 Ná Nyuutɩna Wɩɩsɛ, Ɩzɩrayɛl Kuóro,
nɛrɔ ná há yɔ́wɛ́ lɔ́ʋ́, Doewuutɩna há sʋ́ʋ́ ná:
Ŋ nɛ́ ká sɩ́láárɔ, ŋ nɛ́ ká hatɩŋnɔ,
rɩ́ŋ rá, wɩɩsɛ nɔ́ŋ tóó.
7 Áŋ nɩhɩ̃́ŋ>> Rʋ́ʋ́ wúrú nʋɔ mɛ́,
a cáárɛ, ká cesi,
wɩ́ɛ́ ná wuu há tʋ́mɛ́,
a pɔ́ tɛ́ŋ ná mɛ́ ŋ há bilíŋ nɩɛ,
ʋʋ́ máŋsɛ wɩ́ɛ́ ná sɩ́ tʋ́ŋ,
ká cáárɛ wɩ́ɛ́ ná háá kúé a párá!
8 Ɩ́ sɩ́ héwíŋ fa, ŋ sɩ́ celu!
Ŋ wɩ ɛ́ bʋlɛ́ pɛ́ɩ́, ŋ wɩ la sɩ́ɛ́ a ɩ zɩŋ ɛ́ mɛ́ fól wuu>>
Ɩ́ ráá tóŋ daŋsɩ́ɛ́wa rɛ́>>
Wɩɩsɛ nɔŋ rɩ baá mɩ́nɩ́ŋ gbel mí>>
Ʋ ka pʋmmɩ́, rɩ Bʋ́ɩ́ nɔ́ŋ baá tóó,
ŋ há wʋ́ʋ́ nʋɔ mɛ́ ɛ̃́!
9 Veŋmáára wuu ka yɔ́ɔ́,
ɓa oŋmáálɛ ná ɓa há cówó
má wɩ nyʋ́ɔ́rɛ oro wuu kéné,
ɓa daŋsɩ́ɛ́wa wɩ ráŋ ná,
ɓa hɩ̃́ɩ̃́sɛ nɛ́ sɩɛ́ ka, ɓa ha wɩ wɩ́ɩ́ ɛ̃́ ná.
10 Áŋ rɛ́ há má veno, ɛ́ ráá ha cʋ́ɔ́rɛ veŋgúle
ná há wɩ nyʋ́ɔ́rɛ kené.
11 Nóú nɩɛ ná wuu háá tɩ́ŋʋ́ mɛ́ nɛ́ hɩ̃́ɩ̃́sɛ mɛ́,
nɩɛ ná há mɔ́ʋ́ ká nɩbííne ní!
Rɩ́wɔ́ wuu hé náŋá mɛ́, a nyɩ́ɩ́sɩ́wɔ́ tɩɩ:
ɓa sɩ́ vaklɛ́, ɓa wuu sɩ́ dí hɩ̃́ɩ̃́sɛ.
12 Lukro púú wɩɛ a hé níŋhala mɛ́
a lɩsɛ, a pi hámá ŋmɔwɛ rɩ́ vadóé
a lɩ́sʋ́ nʋɔ.
Amá losú kénú, ʋ baá wɩ dóé kéné,
nyinyʋ́ɔ́sɛ má kénú, ʋ bɔl!
13 Dakʋnna tɩ́ɛ́nʋ́ ŋmɛ́ŋ,
a pi fɩ́ŋfɩ́l túúri lɩ́sɛ ráŋ ná ʋ há sɩ́ tʋŋ nʋɔ, a pi saa cɔ́,
a pi dawicaksɩ́ a túúri,
a cɔ́ʋ́ ʋ nɩ́ɩ̃́sɛ nɩbííno,
ʋ wer mɔ nɩbííno,
rʋ́ʋ́ pii bil jaa sɩɛrʋ,
14 ká conni sɛɛdɩrɛ daasɛ ʋ yɩr mɛ́.
Ʋ lɩsɛ tuu ná daasɛ há duóko (sɩɩpɩrɛ) arɩ́ sɛɛnɛ tuu,
gɩr sɩɛrʋ tuuni sɩɛrʋ, a tá rɩ́wɔ́ cɩ́ a ɔsɛ ka dóé,
ɛ́ rá má ʋ cɔ́ŋsɛ tuu ná ɓa háá yɩ́rɛ pɛ́ŋ, rɩ duóŋ a rʋ́ʋ́ wa.
15 Nɩbííno nɛ́ tɛ́ daa, aá nyɩkɛ:
rʋʋ pii hé níŋ a wieni,
rʋʋ pii hé níŋ, a a ɓɩdííle.
Ʋ nɛ́ sɩɛ́ ʋ baá pi a veno aa ɓírmú sɩ́ɛ́,
ʋ pii a veŋgúle a kánʋ́ sɩ́ɛ́ aá cú tíé ʋ sɩ́ɛ́.
16 Ʋʋ́ pi daa ná fá a márɛ níŋ
a pi namɩ́ɛ́ sakɛ, rʋ́ʋ́ bɛ́ rʋ́ʋ́ dí:
ráŋ nɛ́ wasɛ ɓɩɛ dí aá vɔkɛ;
ʋ nɛ́ ʋ pii hé níŋ a hé lʋmɔ aá pɔ́ʋ́ tɩɩ kaá bʋlɛ́:
Ʋhʋ̃́ʋ̃́, ŋ hé lʋmɔ a páŋ tɩɩ, ŋ ná níŋ há fɛ́l ɛ́!»
17 Ká pi dakáánɛ́ ná cɔ́ veno, ʋ ɔ́ʋ́ veŋgúle,
ʋ ɓírmú sɩ́ɛ́, a kánʋ́ sɩ́ɛ́ aá cú tíé,
aá cʋ́ɔ́lʋ́ nɛ́, a bʋlɛ́:
«Láŋ tá, bee wɩ́ɛ́, ɩ nɛ́ káŋ wɩɩsɛ!»
18 Ɓa wɩ wɩ́ɛ́ mʋ́ʋ́la nɛ́, ɓa wɩ wɩ́zɩŋ kéné,
bee wɩ́ɛ́, ɓa sɩ́ɛ́ tɔ́ɔ́, ɓa báá wɩ ráŋ ná,
ɓa wɩ sɩɛrʋ má kéné, ʋ tɛ́ ɓa báá wɩ wɩ́zɩŋ kéné!
19 Oro wuu wɩ sabɩɩna kéné
rɩ́ wɩ́zɩŋ, rʋ́ʋ́ kɩ́ɛ́lɛ a bʋlɛ́:
«Daa né fá nɛ́ ŋ pii marɛ níŋ,
a púú níŋhala nɛ́ a áŋ ɓɩdííle,
a wasɛ namɩ́ɛ́ ráŋ a dí,
ká púú káánɛ nɛ́ a kɔsɛ omo (veŋgúle),
dakúl sɩ́ɛ́ nɛ́, ŋ ɓírmi!»
20 Ʋ vɔ́wʋ́ tɩɩ a cɔ́ tápʋmmɔ mɛ́,
ʋ sɩɛrʋ ná há bɩ́rɛ́ yéŋŋú:
ʋ sɩɛ́ wɩ laatɛ́ wúó ná!
Ʋ tɩɩ má sɩɛ́ baá waá bʋlɛ́:
«Omo né há mɩ́nɩ́ŋ nɛ́sɛ mɛ́, ʋ tó nyɩ́ɛ́rʋ óŋ rí>>»
21 Zakɔbɛ, líísíŋ tɩɩ rɩ́ wɩ́ɩ́ né,
Ɩzɩrayɛl: ɩ nɛ́ káŋ tʋtʋnnɔ,
ŋ nɛ́ mɛ́ɩ́, rɩ́ɩ́ tʋ́ŋ aá páŋ;
ɩ é Ɩzɩrayɛl, ŋ wɩ́ɩ́ wɩ́ɛ́ sʋ́llɛ:
22 ŋ sɛ́sɩ́ nyúdowɩ́'állɛ ná tá anɛ dokʋ́ʋ́lɔ́ (bána),
ŋ sɛ́sɩ́ wɩ́zɔkɛ́ a tá anɛ duóbána;
bɩ́rkóŋ rɩ́, bee wɩ́ɛ́, ŋ yɔ́wɔ́ a lɛ́ɩ́.
23 Bána, cáási satɔrɔ́, bee wɩ́ɛ́, Nyuutɩna Wɩɩsɛ nɩ́ɩ́ tʋ́mɛ́,
tíé mʋ́l, wʋwarɛ,
pallɛ, ɩ́ yilli satɔrɔ́,
gɩr má rɩ́rɩ́ɩ́ tuuni wuu ɛ́ tɩɩ,
bee wɩ́ɛ́, Nyuutɩna Wɩɩsɛ yɔ́wɔ́ la Zakɔbɛ
ká mákʋ́ píŋ Ɩzɩrayɛl mɛ́.
Wɩɩsɛ nyɩ́ɩ́sʋ́ tɩɩ kuóro Siirisi mí; Nyuutɩna Wɩɩsɛ já rɩ nɩɛ wuu cʋ́ɔ́lʋ́ nɛ́
24 Ná Nyuutɩna Wɩɩsɛ ná há yɔ́wɛ́ a lɛ́ɩ́,
há dúŋsí ɩ máá luoru mí há sʋ́ʋ́ ná:
Ŋ é Nyuutɩna Wɩɩsɛ nɩ́ɩ́ ɔ́wɔ́ wuu;
ŋ dɔŋɔ́ léŋ nɛ́ tɩ́ɛ́nɛ bána,
ŋ há a tíé ná jɛrɛ nyɛ́, áŋ rɛ́ fa pɛ́ŋ mɛ́>>
25 Ŋ nɛ́ zɔ́kɛ nyɩ́ɛ́rɛ múúlináára nyɩ́nɛ́wa,
ŋ nɛ́ yeŋŋi vʋra,
ŋ nɛ́ kéŋ zɩmɛ́ tɩ́náwa tá har
ŋ nɛ́ bukmiwo, ɓa baá wɩ zɩmɛ́ kéné.
26 Ŋ nɩ́ɩ́ a, ŋ tʋtʋnnɔ wɩ́bʋlɛ nʋɔ sú,
ŋ nɩ́ɩ́ a ŋ nɩtʋmɛ́ jáŋwa dí:
Ŋ nɛ́ bʋlɛ́ pa zerizalɛmɛ a bʋlɛ́: «Rɩ nɩɛ mɩ́nʋ́ mɛ́»,
a bʋl pa Ziida tɔ́nɛ a bʋlɛ́: «Rɩ́wɔ́ zeŋe bɩ́rcuóli»,
óŋ ná wuu há zɔ́kɛ́, ŋ sɩ́ bɩ́r kánʋ́ a bɩ́rmɛ.
27 Ŋ nɛ́ bʋlɛ́ a pa mʋʋ há luŋo a bʋlɛ́: «Hɩl,
ká rɩ́ŋ a rɩ́ɩ́ naasɛ má hʋ́ʋ́sɛ!»
28 Ŋ nɛ́ yɩ́rɛ Siirisi: «Ŋ penʋɔlɔ nɛ́»;
ŋ há cóú ná wuu ní, ʋ sɩ́ ɔsɛ,
ká bʋl Zerizalɛmɛ wɩ́ɛ́ a bʋlɛ́: «Rɩ́wɔ́ bɩ́rsɔ́ʋ́»,
a bʋl Wɩcʋɔlɩjɩzeno ná wɩ́ɛ́ a bʋlɛ́: «Rɩ́wɔ́ bɩ́r bílú mʋ́l!»