Nyuutɩna Wɩɩsɛ tʋtʋnnɔ wɩ́ɛ́
42
1 Náŋ tʋtʋnnɔ ná ŋ háá pɔ́ʋ́ (sáŋʋ́) mɛ́,ŋ nɩlɩsɛ ná ŋ tɩɩ sɩɛrʋ há tɔ́rʋ́ nyúú,
ŋ píŋ sabɩɩna a hóú mí.
Ʋ sɩ́ a rɩ duówa nɩɛ zɩŋ taŋá,
2 ʋ waá a rʋ́ʋ́ cáásí, ʋ waá a rɩ́wɔ́ nʋ́ʋ́ liŋó,
ʋ waá a rɩ́wɔ́ nʋ́ʋ́ dɔ́mɛ́ ŋmɛ́ŋsɛ mɛ́;
3 ʋ waá a rʋ́ʋ́ bori mʋʋnyɔ́ɔ́ ná há gʋ́rɛ́,
ʋ waá a rʋ́ʋ́ dʋsɛ gepúŋ ná níŋ há tʋ́ɔ́mɛ́;
4 Ʋ é waá bɛ́klɛ́, ʋ waá bɔ́l má,
a kaá já tɛ́ŋ ná mɛ́ ʋ há sɩ́ fɩkɛ rɩ taŋá mɩ́ŋ tíé nyúú,
rɩ tɔ́nɛ ná há mɩŋ mʋʋ sɩɛrʋ kánʋ́ kíŋse yɩɛla.
5 Wɩɩsɛ ná ha ka Nyuutɩna Wɩɩsɛ ná
há a bána, a a ʋ jɛrɛ,
há a tíé wuu (jɛrɛ) arɩ́rʋ́ daha onni,
há a oŋkaná ná há mɩ́nʋ́ daha hihiẽsi,
ká a nɩkaná ná haá valʋ́ daha má ká mɩɩsɛ,
ʋ nɛ́ bʋl nyɛ́:
6 Ŋ é Nyuutɩna Wɩɩsɛ,
ŋ nɛ́ yɩrɩ́ arɩ́ taŋá,
ŋ nɛ́ cɔ́ɩ́ nɛ́sɛ,
ŋ nɛ́ lɩ́sɩ́ bílí dʋŋɔ,
a vɔwɛ rɩ́ŋ tɩ́ŋɩ́ mɛ́,
a bil nʋtʋmɛ ŋ rɩ́ nɩɛ pɛ́kɛ́,
rɩ́ɩ́ nɛ́ a duówa pʋmmɔ,
7 rɩ́ɩ́ nɛ́ wuri nyʋmma sɩ́ɛ́,
rɩ́ɩ́ nɛ́ lɩ́sɛ nɩkɛsɛ́ bɩnajaa mɛ́,
rɩ́ɩ́ nɛ́ lɩ́sɛ bino nɩɛ bɩnajaa mɛ́.
8 Ŋ nɛ́ ka Nyuutɩna Wɩɩsɛ, ŋ yɩr nɛ́ ɛ́;
ŋ wɩ́ŋ píŋ pii pá nɩhúó oro wuu,
ŋ wɩ́ŋ píŋ ná ha káŋ ker má pii pa venni.
9 Ná díé wɩ́ɛ́ nɛ́ dáárɛ nyɛ́,
káŋ é bʋ́bʋl wɩ́fɛlɛ wɩ́ɛ́,
rɩ́wɔ́ há wɩ péré, káŋ ló ɓa wɩ́ɛ́ zʋ́ɩ́wa dɩlla.
10 Ɩ́ ɓá yɩfɛ́lʋ́ a pa Nyuutɩna Wɩɩsɛ,
ɩ́ dɛ́nnʋ́ a mʋ́ yakɛ dúníé toko mí,
ɩ́ é nɩɛ ná háá va mʋʋ daha
arɩ́ nɩɛ ná wuu há súú,
mʋʋ sɩɛrʋ tɔ́nɛ arɩ́wɔ́ nɩɛ.
11 Rɩ gɩrbétéke arɩ́rʋ́ sɩɛrʋ tɔ́nɛ a rɩ́wɔ́ liŋó lɛ́,
Kedaarɛ nɩɛ há mɩŋ tɔ́nɛ ná sɩɛrʋ má ɛ́ tɩɩ.
Rɩ bʋ́ɩ́ (Sela) daha nɩɛ cáási satɔrɔ́,
rɩ́wɔ́ wárɛ́ líŋsi ísí pallɛ daha ɓóŋɓóŋ;
12 a píŋsi Nyuutɩna,
a lo rʋ́ʋ́ gɔkɩ́ táŋ mʋʋ sɩɛrʋ tɔ́nɛ wuu!
13 Nyuutɩna Wɩɩsɛ sɩ́ nyɩ́ɩ́sʋ́ tɩɩ anɛ bɩbár,
ʋ sɩ́ dúú bánɔ́nnɩ́ anɛ lalyóóro,
ʋ úúló, a cáási lalcáásé,
ʋ há sɩ́ dí ballɩ́ ʋ dɩŋdɔma nyúú wɩ́ɛ́.
14 Ʋ tɛ́ŋ bol ŋ há wɩ wɩ́ɩ́ ɛ́ɛ́,
ŋ fa kéníŋ tɩɩ, ŋ wɩ wɩ́ɩ́ bʋlɛ́,
kaá ɓɩ́klɛ, aá cɛ́ŋ anɛ háálɔ há cɛ́ lʋ́lɛ́ mɛ́,
a dí wɩɩla ɛ́ tɛ́ŋ mɛ́.
15 Ŋ sɩ́ zɔkɛ pallɛ arɩ́ dúŋduome
a zɔkwɔ́ gɩr ná há bire, a a rʋ́ʋ́ hɩl;
ŋ sɩ́ a rɩ mʋnaasɛ bɩ́rmɛ tɔ́nɛ ná há mɩ́ŋ mʋʋ sɩɛrʋ,
ká rɩ fozeŋse má hɩl.
16 Ŋ sɩ́ a rɩ nyʋmma va ŋmɛ́nɔ ná ɓa há wʋ́ʋ́ ɛ̃́ daha,
rɩ́wɔ́ tɩŋ ráŋ náwa ɓa há wɩ tɩ́ŋɛ ná.
Ŋ sɩ́ a rɩ bino bɩ́rmɛ pʋmmɔ ɓa sɩ́ɛ́ mɛ́,
ká rɩ dɩgolle tʋrɛ.
Ŋ sɩ́ a rɩ jáŋwa nyáŋ nʋʋsɛ sú,
ŋ wʋ́ɔ́ pii tá abádá.
17 Ɓa sɩ́ nʋkɛ har, hɩɩ̃sɛ sɩ́ káŋwɔ́
ɓa nɩɛ ná há píwó yɩɛla a hé venni mí,
ɓa nɩɛ ná háá bʋl hɔcʋɔrɛ́ rɩ́ a bʋlɛ́:
«Ɩ́ nɛ́ kárá wɩŋsa!»
Wɩɩsɛ gáásʋ́ nɩɛ nyúú mí ɓa wɩ́bɔma wɩ́ɛ́, ká tá nʋɔ a pɔ́wɔ́ rʋ́ʋ́ sɩ́ lɔ́wɔ́ tá
18 Ɩ́ é dɩŋtenne, ɩ́ zesi!
Ɩ́ é nyʋmma, ɩ́ bel a ná!
19 Áŋ rɛ́ fa nyʋmmɛ, rɩ́ŋ tʋtʋnnɔ rá>>
Áŋ rɛ́ fa tenne anɛ nɛrɔ ná ŋ háá ja rɩ́ŋ tʋŋ>>
Áŋ rɛ́ fa nyʋmmɛ anɛ nɩbɩ́rhírsi>>
Áŋ rɛ́ fa tenne anɛ Nyuutɩna Wɩɩsɛ tʋtʋnnɔ>>
20 Ɩ ná wɩ́kána, amá ɩ wɩ lɛ́ɛ́ bil;
ɓa dɩlla wuólo, amá ɓa wɩ wɩ́ɩ́ nɛ́!
21 Nyuutɩna Wɩɩsɛ taŋá ná yɩr mɛ́,
ʋ sɩɛrʋ tɔ́rɔ́ a mɔ́ rʋʋ a rʋʋ kísó ná
a ɓɩzeni ká a wérí má,
22 amá ná nɩɛ ɓa há pɔ́wɔ́ onni wuu, a ɓɩ́lwɔ́:
ɓa tɔ́wɔ́ wuu hé bɔnnɛ mɛ́,
ɓa kɛ́sɩ́wɔ́ a féŋsi bɩnajɩɩsɛ mɛ́;
ɓa fa pɔ́wɔ́ onni wuu,
ká nɛ́ŋ wuu fa tóó a lɔ́wɔ́ aá tá,
ɓa zɔkwɔ́ (ɓɩlwɔ́) ká nɛ́ŋ wuu fa tóó aá bʋlɛ́:
«Ɩ́ bɩ́r pɔ́wɔ́ ɓɩɛ́ pɔ́wɔ́!»
23 Ɩ́ sɩɛrʋ orí rí sɩ́ zesi wɩ́ɛ́ nyáŋ,
a ɓílú dɩllɛ a nɛ́ wɩ́ɛ́, cíé tápʋ́l>>
24 Áŋ rɛ́ kéŋ Zakɔbɛ pá rɩ́wɔ́ zɔkɛ,
áŋ rɛ́ kéŋ Ɩzɩrayɛl a pa bɩbára>>
Nyuutɩna Wɩɩsɛ rá, nɛ́ŋ ná rɩ́ á háá a wɩ́bɔma,
nɛ́ŋ ná ɓa há vɛ́ rɩ́wɔ́ tɩ́ŋʋ́ ŋmɛ́ŋsɛ
nɛ́ŋ ná ɓa vɔ́ʋ́ kíŋse tɩ́ŋɛ́ rá>>
25 Ɛ́ nɛ́ sɩɛ́ tɛ́ ʋ dúú cɔ́wɩ́ɩ́lɩzeno Ɩzɩrayɛl nyúú,
a a lal ɓɩdúó cɩ́nʋ́ mɛ́.
Lal ná dúú kile a ceŋ
kɔ́ʋ́ ha waá saŋ,
a dúú sɩsɛnnʋwa tɩɩ
kɔ́ʋ́ ha wʋ́ʋ́ tɩɩ mɩ́ɩ́ kɩ́ɛ́lɛ!