Asiiri kuóro Senakerib bʋ́l wɩ́ɛ́ cɛ́ Zerizalɛmɛ mɛ́
36
1 Ezekiyasɛ há dí kuorí, bɩŋsɛ fí arɩ́ baná nyúú mí ní, Asiiri kuóro Sanaŋkeribi, ísó a mʋ́ cɛ́ Ziida tɔ́nɛ ná wuu há sɔ́ɛ́ kɛ́rɛ mɛ́, a yoo lɔ́wɔ́ a tɩ́llɩ́wɔ́. 2 Asiiri kuóro cɛ́ Lakiisi mí, ká tʋ́mʋ́ sóójiwa nɔhɔ̃́, arɩ́ lalyóóre ɓɩkaná, kuóro Ezekiyase rɩ́, Zerizalɛmɛ mɛ́. Ʋ mʋ́ cɛ́ nyibʋɔ ná há mɩ́ŋ daha rɩ́, nyibʋɔnaa mɛ́, kɛnnʋɔsa dɩtʋmɩ́ ŋmɛ́nɔ mɛ́. 3 Kuóro zʋ́ɔ́ nɔhɔ̃́ Eliyakiŋ há ká Hilkiyahu bio rɩ́ kɛŋpʋ́ŋsɔ Sebna arɩ́ kuóro cɩ́ɛ́mɔ Yʋwasɛ há ká Azafɛ bio lɩ́ɩ́ mʋ́ a cémú. 4 Sóójipúl nɔhɔ̃́ ná bʋlwɔ́ rɩ́ a bʋlɛ́: «Ɩ́ bʋl pá Ezekiyase a bʋlɛ́: Asiiri kuóro, Kuózeno sɛ́ nyɛ́ nɛ́: Beé é tɩɩ mɛ́ rɛ́, ɩ píí yɩ́ɛ́la hé>> 5 Ɩ sɛ́: “Wɩ́bʋlbíí balá má wo cáánɛ aá páɛ rɛ́, kaá pá dóé má lal yóé mí!” Áŋ é tɩɩ mɛ́ rɛ́ sɩɛ́, ɩ tɩ́ɛ́kɛ (píí yɩɛla hóú mí), ka isi cɩ́nɩ́ŋ mɛ́>> 6 Ɩ píí yɩɛla hé Ezipiti mí, fuonyɔbori né (kaŋtɔrɛ), haá cɔkɛ nɛrɔ ná wuu há tɩ́ɛ́kʋ́ mɛ́ nɛ́sɛ aá líísi: Faarɔŋ nɛ́ ɛ́ nɛ́, a pa nɩɛ ná wuu há píwó yɩɛla aá hóú mí. 7 Ɩ bʋlɔ́ páŋ a bʋlɛ́: “Á pɩ́rá yɩɛla a hé Nyuutɩna Wɩɩsɛ, á Wɩɩsɛ mɛ́ nɛ́.” Ʋ dɩɓáárɛ́ arɩ́rʋ́ korsi rá Ezekiyase a ɓa nyɩ́ɩ́kɛ, kɔ́ʋ́ bʋl Ziida arɩ́ Zerizalɛmɛ nɩɛ rɩ́ a bʋlɛ́: “Koro né há mɩŋ Zerizalɛmɛ mɛ́ nɛ́ ɩ́ ɓɩ́ɓáárɛ>>” (sɩ́ɛ́ nɛ́ ɩ́ ɓíɓírmí>>) 8 Ló rɩ́ɩ́ rɩ́rɩ́ŋ nyúútɩ́na, Asiiri kuóro pʋ́rmɛ, ká rɩ́ŋ pɛ́ɩ́ záksɛ bʋ́ɩ́wʋllɛ, rɩ́ɩ́ nɛ́ wo zákzɩnna aá ná, rɩ́wɔ́ kaŋwɔ́ aá va é! 9 Ɛ́rɛ́ rɛ́ sɩɛ́, ɩ sɩ́ a ká rɩ́ŋ nyúútɩ́na tʋtʋnna sɩɛrʋ ɓɩwíé má tɩɩ bɩrɛ fɛ́ɩ́ sɩ́ɛ́ mɛ́, ɩ nɛ́ŋ ná há píí yɩɛla hé Ezipiti lalyóóritórkówa arɩ́rʋ́ záksɛ mɛ́>> 10 Ŋ nyúútɩ́na há kúé rʋ́ʋ́ yó tɔ́ɔ́ né, a zɔ́kʋ́, ʋ ɛ́ úri Nyuutɩna Wɩɩsɛ mɛ́ rɛ́>> Nyuutɩna Wɩɩsɛ tɩɩ nɛ́ bʋ́l nyɛ́ a páŋ: Mʋ́ cú tɔ́ɔ́ né hé a zɔ́kʋ́.»11 Ɛ́nɛ́ Elyakim rɩ́ Sebna arɩ́ Yʋwa bʋl Asiiri tɩ́náwa sóójipúl nɔhɔ̃́ ná rɩ́ a bʋlɛ́: “Á sʋlɩ́ rɛ́, bʋl Aramɩɛŋwa liŋó ɩ tʋtʋnna rɩ́, beé wɩ́ɛ́, á nɛ́ ɛ́ liŋó rí! Amá sɩ́ Ziide nɩɛ (Ebirewa) liŋó, píí bʋlrá rɩ́, rɩ nɩɛ ná wuu há mɩŋ zekume ná daha nɛ.» 12 Amá púl nɔhɔ̃́ ná sɛ́: “Ɩ bɩ́ɩ́nɔ́ rɩ́ŋ nyúútɩ́na liŋó né kɛ́ɩ́wa rɩ́rɩ́ɩ́wa nyúútɩ́na dʋŋɔ wɩ́ɛ́ nɛ́ ʋ tʋ́mɩ́ŋ>> Ʋ ká nɩɛ nyáŋ wuu há mɩŋ zekume ná daha wɩ́ɩ́ rɛ́. Rɛ́ rɩ́ mʋɔ́, ɩ́ rɩ́wɔ́ bɩna sɩ́ bɩ́rmɩ́wa ɓɩdííle ká rɩ́ɩ́wa fɩɩrʋ má bɩ́rmɩ́wa nyinyɔ́ɔ́lɛ́!» 13 Ká púl nɔhɔ̃́ ná báá isi cɛ́ daha, a cáási rɩ́rʋ́ dóé, Ziide nɩɛ liŋó mí; a bʋlɛ́: «Ɩ́ zesi Kuózeno, Asiiri kuóro liŋó. 14 Ná kuóro há sʋ́ʋ́ ná: Ɩ́ sɩ́ lo rɩ Ezekiyasɛ nyɩ́sɩ́wa, beé wɩ́ɛ́, ʋ wɩ́ɩ́wa wo la aá tá. 15 Ɩ́ sɩ́ lo rɩ Ezekiyasɛ lɩ́mɩ́ɩ́wa, rɩ́ɩ́wa pííwa yɩ́ɛ́la hé Nyuutɩna Wɩɩsɛ mɛ́, ká bʋlɛ́: “Ʋ ká pʋmmɩ́ rɩ Nyuutɩna Wɩɩsɛ sɩ́ lá ráá tá. Asiiri kuóro nɛ́sɛ wɩ tɔ́ɔ́ né míí duki.” 16 Ɩ́ sɩ́ Ezekiyasɛ rɩ́ zésú, beé wɩ́ɛ́, ná Asiiri kuóro há sʋ́ʋ́ ná: Ɩ́ ló rɩ́ŋ rɩ́ɩ́wa pɛ́kɛ sol (ká tɛŋfɩ́ɛ́l), a ló rɩ́ŋ tɩ́llɩ́wa. Ɛ́ é, nɛrɔ wuu sɩ́ dúú vínyi baka tunɔnɔ, ʋ pirnɔnɔ ká nyɔ́ʋ́ nyibʋɔ nyii. 17 Kaá dɛ́llɛ tɛ́ŋ ná mɛ́, ŋ há sɩ́ ko kɛ́sɩ́wa mʋ́ tɔ́ɔ́ ná há nɩhɩ̃́wa tɔ́ɔ́ né, tɔ́ɔ́ ná há cáásɛ́ ka bile rɩ́ dɩvɛ́ŋfɛlɛ, tɔ́ɔ́ ná há kéŋ ɓɩdííle rɩ́ viínyiwa. 18 Ɛ́ wɩ́ɛ́, ɩ́ sɩ́ ló rɩ Ezekiyasɛ nyɩ́sɩ́wa a bʋlɛ́: “Nyuutɩna Wɩɩsɛ sɩ́ lá ráá tá.” Duówa ná náŋa wɩŋsa wolló láwɔ́ tɔ́nɛ́ tá Asiiri kuóro nɛ́sɛ mɛ́ rɛ́>> 19 Hamatɛ rɩ́ Arpaadɛ wɩŋsa ná mɩŋ nɛ́ɛ́>> Sefarvayim wɩŋsa ná mɩŋ nɛ́ɛ́>> Ɓa wólló la Samari tá ŋ nɛ́sɛ mɛ́ rɛ́>> 20 Ɛ́ tɔ́nɛ wuu wɩŋsa sɩɛrʋ, orí rí wollé lɔ́ʋ́ tɔ́ɔ́ a tá ŋ nɛ́sɛ mɛ́>> Ɛ́rɛ́ mɛ́ rɛ́ sɩɛ́, Nyuutɩna Wɩɩsɛ sɩ́ wólli a la Zerizalɛmɛ tá ŋ nɛ́sɛ mɛ́>>» 21 Nɩɛ ná fá há mɩŋ ráŋ sikli, ɓa wɩ nʋɔ oro wuu lɩ́sɛ́ pɔ́ʋ́, beé wɩ́ɛ́ kuóro fá sɛ́: «Ɩ́ sɩ́ nʋɔ wuu lɩ́sɩ́ pɔ́ʋ́.»
22 Ká kuóro zʋ́ɔ́ nɔhɔ̃́ Eliyakiŋ há ká Hilkiyahu bio rɩ́ kɛŋpʋ́ŋsɔ́ Sebna arɩ́ kuóro sɔ́knɛ (cɩ́ɛ́mʋ́/wɩ́laabʋlpaarɔ) Yʋwa, há ká Asafɛ bio, káŋwɔ́ gɛnnɛ cɔ́nnɛ, ká bɩrko Ezekiyasɛ rɩ́, a cesi Asiiri nɩɛ púl nɔhɔ̃́ wɩ́bʋlɛ́ ná a pɔ́ʋ́.