Zerizalɛmɛ ná laatɛ́ nɩɛ ná há tɔ́ʋ́ hé nɛ́sɛ mɛ́
29
1 Arɩyɛl, Arɩyɛl, wɩ́ɩ́la púí!tɔ́ɔ́ ná Davidi fa há cíkú púl a cɩ́nʋ́ mɛ́!
Rɩ bɩ́na nɔ́ŋɔ súúri ŋ́né mí
arɩ́rʋ́ jʋ́ɔ́sɛ́ caŋsɛ wuu,
2 ŋ sɩ́ háásɩ́ Arɩyɛl:
ŋmááme rɩ́ hííne ní sɩ́ súú,
ʋ sɩ́ nɩ́ɛ́sɛ vʋk'ɔɔsɩkoro a páŋ é.
3 Ŋ sɩ́ cíkíŋ púl a kílí anɛ ɛ́ Davidi há ɛ́ɛ́,
ŋ sɩ́ cíkí lalyóórílɔkɔ́ a kílí
ŋ sɩ́ cíkí lalyóóríjɩɩsɛ a cɩ́nɩ́ mɛ́.
4 Ɩ sɩ́ pɛ́ tíé, kaá bʋl wɩ́ɛ́,
ɩ wɩ́bʋlɛ sɩ́ lɛ́ kúŋkúlo sɩɛrʋ nɛ́,
ɩ líŋo sɩ́ mɩ́ŋ tíé rɩ́, anɛ nɛrɔ há sʋ́wɛ́ ká báá ísí,
ɩ wɩ́bʋlɛ sɩ́ a wɩ́húŋse aá lɛ́ kúŋkúlo sɩɛrʋ.
5 Ɩ dɩŋdɔma sɩ́ a ɓɩkáná anɛ míŋɓɩ́sɛ́,
bɩbara ná háá bɛ́ŋsɩ́ sɩ́ a ɓɩkáná anɛ nyɔ́míŋ poo há pɛ́ kaá fil...
Naasɩ́ balá dʋŋɔ,
6 Nyuutɩna, Doe wuu tɩna sɩ́ nyɩ́ɩ́sʋ́ tɩɩ
a tɩ́ŋ duóɓɛɛlɔ́ rɩ́ tíé zíkle rɩ́ dɔ́mɛ́ ɓɩzeno
rɩ́ povílmí rɩ́ duópoo arɩ́ níŋzeno níŋpoo mí.
7 Nɩkáná ná há cɛ́ Arɩyɛl mɛ́,
a tɔ́ʋ́ hé, aá yóú rɩ́rʋ́ zekɛrɛ ná
sɩ́ nyɩ́ɩ́kɛ anɛ duóse,
ɛ́ ráá má tɩ́táŋ wɩ́naalɛ.
8 Ʋ sɩ́ nɩɛ̃sɛ losu nɩkanɩ́ há dúósé rʋ́ʋ́ dí ɓɩɛ́,
ká ko gírki ísí rʋ́ʋ́ lowí ká yɔ́ɔ́,
ɛ́ ráá nyinyʋ́ɔ́sɛ nɩkanɩ́ há dúóse rʋ́ʋ́ nyɔ́ nyii,
ká ko gírki ísí, rɩ nyɩnyʋ́ɔ́sɛ kénú, ʋ líŋɓóro káásɛ.
Ʋ sɩɛ́ sɩ́ nɛ́ ɛ́ a pá nɩkaná ná
fa há cɛ́ Sɩɔŋ paalɔ mɛ́ aá yóú.
Nɩɛ ná há wɩ wɩ́ɛ́ mʋ́ʋ́la nɛ́
9 Ɩ́ ló rɩ́ɩ́wa nʋʋsɛ máánɛ, rɩ́ɩ́wa sɩ́ wɩ́bʋlɛ kánʋ́,
ɩ́ nyʋ́mmɛ, a sɩ́ ráŋ ná,
ɩ́ buki, amá rɩ dɩvɛŋ nɛ́ sɩ́ɩ́wa búkú,
ɩ́ gɩ́gɛ́ŋsɛ, amá rʋ́ʋ́ sɩ́ sɩ́ŋ nyɔ́ɛ́ nɛ́ lɛ́,
10 bee wɩ́ɛ́, Nyuutɩna nɛ́ pi doluŋo sabɩɩna héíwa mɛ́,
ʋ bíríwa sɩ́ɛ́, wɩ́laabʋlla,
ʋ pi pɛ́nɛ tɔ́ɩ́wa nyúnni mí, múúlínáára.
11 Ɩ́ é rɩ́, wɩ́náálɛ nyáŋ wuu nɩhɩ̃́ kɛnɔ ná ɓa há ciki nɛ́sɛ ʋ daha, sɩɛrʋ wɩ́ɛ́ nɛ́, ká píí pa nɛ́ŋ ná há ɩ̃́ karmɛ, a bʋlɛ́: «Karmɛ kɛ́nɔ́ né», ɛ́ nɛ́ ʋ sɛ́: «Ŋ wʋ́ʋ́ wúó karmɛ, beé wɩ́ɛ́, ɓa ciki nɛ́sɛ ʋ daha.» 12 Ɛ́ nɛ́ ɓa píí pa nɛrɔ ná há wɩ karmɛ ɛ̃ ká bʋlɛ́: «Karmɛ kɛ́nɔ́ né», rʋʋ sɛ́: «Ŋ wɩ karmɛ́ ɛ̃.»
13 Nyuutɩna sɛ́: Nɩɛ nyáŋ nʋʋsɛ wɩ́bʋlɛ́ dʋŋɔ́ nɩ́ɩ́ péríŋ,
ɓa nʋkɛnnɛ dʋŋɔ́ nɩ́ɩ́ píŋsíŋ,
amá ɓa sabɩŋsɛ kɛ́kɩ́ŋ mɛ́.
Héwífɔ́ɔ́ ná ɓa há kené arɩ́rɩ́ŋ, ʋ ká nɩbííne wɩ́makɛ́ rɛ́,
ɓa píí mákwɔ́.
14 Ɛ́ nɛ́ tɛ́, ŋ ha sɩ́ ɩ́'a wɩ́gɩrɛ́ nɩɛ nyáŋ sɩ́ɛ́ mɛ́,
a makɛ rɩ zɩmɛ́ tɩ́náwa zɩmɛ́ yʋ́ksɛ,
ká rɩ wɩ́zɩnna má wɩ́zɩ́ŋ tenni.
Tʋtʋ́mɛ́ bɩ́rsɔ́
15 Wɩ́hala pú nɩɛ ná há pɩ tíé aá a wɩ́ɛ́,
rɩ́ Nyuutɩna sɩ́wɔ́ jáŋwa zɩ́mʋ́.
Bino sɩɛrʋ nɛ́ ɓaá tʋ́ŋ
ká bʋlɛ́: «Áŋ rɩ́ɩ́ nárá>>
Áŋ rɛ́ ɩ̃́rá>>»
16 Ná wɩ́yalawa!
Áŋ rɛ́ sɩ́ pi vimáárɔ makɛ cʋʋ>>
Óŋmáálɛ sɩ́ wolli bʋlʋ́ mɩ́máárɔ rɩ́ a bʋlɛ́:
«Ɩ rá wɩ́ŋ mɛ́ɛ́>>»
Vie sɩ́ bʋl vimáárɔ rɩ́ a bʋlɛ́:
«Ɩ wɩ wɩ́ɩ́ ɛ̃́»>>
17 Rɛ́ rɩ́ɩ́ tɛ́ŋ mʋɔ́ yɔ́ɔ́ sɩɛrʋ,
rɩ Lɩɩbaŋ wɩ tuuni baka bɩ́rmɛ́,
ká rɩ tuuni baka má bɩ́mɛ gɩr>>
18 Ɛ́ kal, dɩŋtenne sɩ́ nɛ́ kɛnɔ ná karmɛ́
ká rɩ nyʋ́mma má lɛ́ tɩ́táŋ arɩ́ binó sɩɛrʋ,
rɩ́wɔ́ sɩ́ɛ́ nɩ́ná ráŋ.
19 Nɛ́múrtɩ́ɩ́na satɔrɔ́ sɩ́ súsúúri
Nyuutɩna yɩr mɛ́,
ká rɩ yáárɩtɩ́ɩ́na má jɩ́jʋ́ɔ́sɛ
Ɩzɩrayɛl Wɩɩsɛ ná há kɔ́ʋ́ dʋŋɔ yɩr mɛ́,
20 beé wɩ́ɛ́, nɩbɔma dɩmɔ́ɛ́ nɛ́ ɛ́,
nɩlaama sɩ́ nyɩ́ɩ́kɛ,
ká rɩ́wɔ́ ɓʋ́ksɛ nɩɛ ná wuu há féŋsé
aá a bɔ́ŋbɔ́ŋ:
21 nɩɛ ná há bʋ́lɛ́ aá vɔwɛ nɛrɔ,
nɩɛ ná há bʋ́lɛ́ aá hé baráwa sarɩ́yawa díí tɛ́ŋ mɛ́
ká pi nyɩ́ɛ́rʋ aá cɩ́ɩ́nɛ nɛ́ŋ ná há wɩ wɩ́ɩ́ zɔ́kɛ́.
Ɓa sɩɛ́ sɩ́ zɩ́ŋ
22 Ɛ́ nɛ́ tɛ, ná Nyuutɩna Wɩɩsɛ
há sʋ́ʋ́ ná pá Zakɔbɛ duó nɩɛ,
nɛ́ŋ ná há yɔ́wɛ́ lá Abrahaŋ:
Mʋ́l né mí, Zakɔbɛ baá wɩ hɩ́ɩ̃́sɩ́ dí,
ʋ sɩ́ɛ́ baá waá zúkí ná,
23 beé wɩ́ɛ́, ʋ bɛlɛ há sɩ́ ná wɩ́ɩ́ ná ŋ há ɔ́wɔ́ sɩɛrʋ,
ɓa sɩ́ ló rɩ́ŋ yɩr ɔ́ʋ́ dʋŋɔ,
ɓa sɩ́ lo rɩ Zakɔbɛ Wɩɩsɛ yɩr ɔ́ʋ́ dʋŋɔ,
ɓa sɩ́ vaklɛ Ɩzɩrayɛl Wɩɩsɛ sɩ́ɛ́ mɛ́.
24 Nɩɛ ná sabɩŋsɛ fa há tɛ́lɛ́, sɩ́ bɩ́rka wɩ́zɩŋ,
ká rɩ dɩlhɔ́tɩ́ɩ́na má saŋ rɩ́wɔ́ cáánɩ́wɔ́.