Pozeno ísí Samari mí
28
1 Nyúbɔ́ŋ a pá Samari,há ká Ɩfɩrayɩŋ sɩ́ŋnyɔ́ɔ́ra nyʋkɔ kuónéŋcú,
a pá fɩ́ɩ́la ná há yʋ́ɔ́rɛ, ɓɩɛra ná há pɔ́ʋ́ wér, a mɩ́ŋ dúŋduóme ná há kéŋ kɔrɔ mɛ́,
a pá nɩɛ ná há buke pɛ́.
2 Ná Nyuutɩna lalyóóríbɩbár nɔ́ŋɔ,
ʋ nɩhɩ̃́ dódɔ́wʋ́ɔ́ ɓɩkána, anɛ dópozeno ná há kéŋ zɔ́krʋ́,
anɛ dóŋ há ɛ́ɛ́ nyikána giri:
Ʋ sɩ́ tʋŋ dóé rɩ óŋ wuu pɛ́ tíé.
3 Ɩfɩrayɩŋ sɩ́nyɔ́ɔ́ra nyʋkɔ kuóneŋcú ná,
ʋ sɩ́ pɛ́ tíé rɩ́wɔ́ nʋ́ɔsʋ́;
4 ká rɩ fɩ́ɩ́la ná há yʋ́ɔ́rɛ, ɓɩɛra ná há tʋ́ʋ̃́ wér (háwérí)
a mɩŋ polo ná há kéŋ kɔrɔ (polwéró) nyúúrí,
nɩ́ɛ́sɛ pir tuu ná há bɩ́ɛ́ fól, rɩ yɩbíŋ ha wɩ zʋ́ɛ́ (rʋ́ʋ́ tɛ́ŋ há wɩ péré):
nɛrɔ ná há nóú, ʋ mɩ́nʋ́ kánɛ́ mɛ́ nɛ́ ká ʋ há púú dí.
5 Ɛ́ kal, Nyuutɩna Wɩɩsɛ, Doewuutɩna nɛ́ sɩ́ a,
kuónéŋcutʋ́lɩ́,
nyúbalɔ́ rɩ́ ɓɩɛra a pɔ́ʋ́ nɩkáánɛ ná.
6 Ʋ nɛ́ sɩ́ pi táŋa sabɩ́ɩ́na a hé nɛrɔ ná há mɩŋ sarɩ́ya dɩdíí mí,
ká pi ballɩ́ (dóé) a pá nɩɛ ná há kírwó dɩŋdɔma, a mʋ́ tá tɔ́ɔ́ dánnʋɔ mɛ́.
Sɩ́nyɔ́ɔ́ra ná háá lɔ́rɛ Wɩɩsɛ wɩ́laabʋllɔ
7 Sɩ́ŋ tɛ́l vʋk'ɔɔsa arɩ́ wɩ́laabʋlla má,
ɓa nyɔ́ sɩ́ŋduóru aá gɛ́ŋsɛ́,
sɩ́ŋ tɛ́lwɔ́, sɩ́ŋ díwó dóé,
sɩ́ŋduóru ɔ́ɔ́ ɓa gɩgɛ́ŋsɛ́,
ɓa wɩ́naalɛ́ baá wɩ sɩ́ɛ́ kéné,
ɓa yeŋŋo, ɓa sarɩ́yawa díí sɩɛrʋ.
8 Tʋ́ɔ́sɛ ná háá sʋ́ɔ́rɛ tɔ́wɔ́ taábɩlwa wuu mí:
dɩyɔ́ɔ́ báá tóó.
9 Ká ɓa sɛ́: «Áŋ rɛ́, ʋ jɩ́já rʋ́ʋ́ pi wɩ́ɛ́ zɩmɛ́ karmɛ>>
Áŋ rɛ́, ʋ jɩ́já rʋ́ʋ́ máŋsɛ wɩ́makpáála pá>>
A pá heŋbiisi ná, ɓa sɩɛ́ nɛ́ há lɩ́sɩ́wɔ́ ɩ́l mɛ́>>
A pá bipʋllɛ ná sɩɛ́ nɛ́ ha tɔ́wɔ́ maáwa ɩ́l>>
10 Ɓa sɛ́: Nyɛ́ rɩ́ nyɛ́,
rɩ nyɛ́ rɩ́ nyɛ́ nɛ́,
rʋ́ʋ́ lɛ́ rɛ́ nɛ́, rʋ́ʋ́ zʋ́ rɛ́ nɛ́.
11 Ɛ́ wɩ́ɛ́, Nyuutɩna sɩ́ tɩ́ŋ nɩhʋ́ɔ́rɔ nʋɔ mɛ́,
líŋo mí, a bʋl nɩɛ nyáŋ rɩ́.
12 Ʋ nɛ́ fa bʋ́lwɔ́ rɩ́ a bʋlɛ́:
«Ɩ́ ná fɩ́ɛ́la nɛ́, ɩ́ lo rɩ nɛ́ŋ ná há bɔ́lɛ́ fɩ́ɛ́lɛ,
ná dɩfɩ́ɛ́lɩ́ nɛ́»,
amá ɓa wɩ zésé.
13 Ɛ́ wɩ́ɛ́ Nyuutɩna má wɩ́bʋlɛ́ sɩ́ nɛ́ ɛ́, a pɔ́wɔ́:
«Nyɛ́ rɩ́ nyɛ́ nɛ́, nyɛ́ rɩ́ nyɛ́ nɛ́,
ʋ lɛ́ rɛ́ɛ́ nɛ́, ʋ zʋ rɛ́ɛ́ nɛ́»,
rɩ ɛ́ a, rɩ́wɔ́ va ká gɛ́ŋsɛ aá ɓallɛ báyɛ́lɛ́wa,
rɩ́wɔ́ tɩ́ŋsɛ lɛ́,
ɓa sɩ́ zʋ baráwa, rɩ́wɔ́ kɛ́sɩ́wɔ́.
Nágbáŋjɛ́ dɔ́wɩ́ wɩ́ɛ́
14 Ɩ́ é nɩlááma (nɩmɔ́nna) ná
há kéŋ nɩɛ nyáŋ ké Zerizalɛmɛ mɛ́,
ɩ́ zesi Nyuutɩna wɩ́bʋlɛ́.
15 Ɩ́ sɛ́: «Á bíl nʋtʋmɛ á rɩ́ sʋʋ pɛ́kɛ,
á ta nʋɔ á rɩ́ lɛ́lɛ́tɔ́ɔ́ pɛ́kɛ.
Rɩ wɩ́halzeno nɛ́ kúé a dáárɛ, ʋ wɩ́rá pú,
beé wɩ́ɛ́, nyɩ́ɛ́rɛ nɛ́ ká rá dɩféŋsi,
táŋatóó (nɩnyɩ́sʋ́) nɛ́ ká rá dɩyúóli (dɩmɩnɩ́).»
16 Ɛ́ wɩ́ɛ́, Nyuutɩna Wɩɩsɛ há sʋ́ʋ́ ná:
Ŋ́ bíl mʋbiló dɔ́wɩ́ Sɩɔŋ mɛ́,
dɔ́wɩ́ ná há kéŋ diŋe (mɩ́lɛ́) rɩ́rʋ́ duó wuu ní,
nágbáŋjɛ́ dɔ́wɩ́ há wéró ní,
mʋ́bilo ná há dúóko dɔ́wɩ́ nɛ́.
Nɛ́ŋ ná há yéllú mí wɩ hɩ́ɩ̃́sɛ dí.
17 Ŋ sɩ́ pi yɛ́rɛ́ nɛ́ bɩ́rmɛ máŋsɛ ŋmɛ́ŋ
ká rɩ táŋa nɛ́ a dámáŋsɛ (níívo).
Dódɔ́wʋ́ɔ́ sɩɛ́ sɩ́ tuwi, a zɔ́kɛ nyɩ́ɛ́rʋ dɩféŋsi ná,
ká rɩ nyii má pííwa dɩyúóli ná.
18 Nʋtʋŋ ná há mɩ́nɩ́wa rɩ́ sʋʋ pɛ́kɛ sɩ́ nyɩ́ɩ́kɛ,
nʋtalɔ́ ná mɩ́nɩ́wa rɩ́ lɛ́lɛ́tɔ́ɔ́ pɛ́kɛ, báá wáá mɩŋ.
Rɩ wɩ́halzeno nɛ́ kúé, ʋ sɩ́ tɩ́ksɩ́wa.
19 Tɛ́ŋ ná é wuu mí, ʋ há sɩ́ ko, ʋ sɩ́ púíwa,
beé wɩ́ɛ́, ʋ sɩ́ ko cɩ́cʋ́ɔ́ é wuu, wɔhɔwa arɩ́ tɩ́táŋwa,
héwíŋ ɓɩzeno sɩ́ ká nɩɛ, ɓa há sɩ́ ko kɩ́ɛ́lɛ a zɩŋ ɛ́ mɛ́.
20 Gódó gbesi sɩ́ múri pɩ́nɛ́ mɛ́,
gɛbasa jɛ́l sɩ́ múri tɔ́ɛ́ mɛ́.
Ɩ́ tá nɩlannɛ
21 Ʋ ká ɛ́ nɛ́, tɛ́ŋ ná mɛ́ Nyuutɩna há sɩ́ tʋ́mʋ́ tʋ́tʋ́mɩ́,
tʋ́tʋ́mɩ́ ná há kéŋ sazɔ́kɔ́,
ʋ tʋ́tʋ́mɩ́ ná há ka wɩ́hʋ́ɔ́r (gɩ́rɛ),
Nyuutɩna sɩ́ ísí
anɛ ɛ́ ʋ há ísí Perasim paalɔ́ nyúú,
ʋ sɩ́ vaklɛ anɛ ɛ́ ʋ há ɛ́ɛ́ Gabawɔŋ polo sɩɛrʋ.
22 Ɛ́ wɩ́ɛ́, mʋ́l né mí, nɩlááma, ɩ́ baá sɩ́ gbér gbé,
a makɛ rɩ́ɩ́wa vɔ́ɔ́sɛ háá ɔsɛ tʋ́ʋ́rɛ,
beé wɩ́ɛ́, ŋ nɩ́ɔ́ rɩ Nyuutɩna Wɩɩsɛ, Doewuutɩna
vɔwɛ tɔ́ɔ́ ná wuu zɔ́kɛ́.
Pár har mɛ́, dúí ní
23 Ɩ́ ɓɩ́llɩ́wa dɩlla, a zésíŋ!
Ɩ́ pɔ́ wérí, a zésíŋ há sʋ́ʋ́ ná!
24 Tɛ́ŋ wuu mí ní bápaarɔ́
pɩparɛ, cɩ́cʋ́ɔ́sɛ, aá jɛ́rɛ páɓʋ́ɔ́ra ká rʋ́ʋ́ dú ɓɩɛ́>>
25 Ʋ waá la sɩ́ɛ́ par dɩhɩ̃́ ná ʋ mɔ́ náŋá nɛ́,
kɔ́ʋ́ sɩɛ́ mɩ́sɛ niizɛl*, a dú kimin*
a dú bilé arɩ́ ɔ́rzɛ
ká dú épótri* má a kíl dɩparɩ́ ná rɛ́>>
26 Ʋ Wɩɩsɛ nɛ́ sɩɛ́ mákʋ́ ɛ́ ná ʋ ha mɔhɛ̃́ rʋ́ʋ́ a,
ʋ nɛ́ kármʋ́.
A ŋmɔ́wɛ ká wɩ gɛ́rɛ́
27 Daa ná háá ŋmɔ́wɛ niizɛl wɩ mɔhɛ̃́ rʋ́ʋ́ gɛ́rɩ́wɔ́,
tórko naasɛ wɩ mɔhɛ̃́ rɩ́wɔ́ nʋ́ɔ́sɛ kimin,
amá daa nɛ́ mɔhɛ̃́ rɩ́wɔ́ pii ŋmɔ́wɛ niizɛl,
danɛ́ŋɩ́ nɩ́ɩ́ ŋmɔ́wɛ kimin má.
28 Ɓa gɛ́rɛ bilé rí>>
Áɩ́, ɓa wʋ́ʋ́ déŋdéré ŋmɔ́wɛ;
ɓa a nɛ́sɛ nɛ́ pɔsɛ tórko, a fɩ́rkʋ́ aá va,
amá ɓa wʋ́ɔ́ gɛ́rɛ.
29 Nyɛ́ má sɩɛ́ lɛ́ Nyuutɩna há ka Doewuutɩna nɛ́,
ʋ nɛ́ tɛ́ cáánɩ́wéró,
arɩ́ zɩ́mɛ́ ɓɩzeno.