Tiiri arɩ́ Sɩdɔŋ zɔ́kɛ́ wɩ́ɛ́ (Trauit à partir de là selon Tob)
23
1 Sarɩ́ya liŋó ná há tɩ́ɩ́nɛ Tiiri mí.Tarsiisi nyidábórzʋ́ʋ́ra, ɩ́ cáási,
zɔ́krʋ́ ná wɩ́ɛ́:
jaa baá tóó!
Ɓa há lɛ́ Siipri ná, mʋʋ há kílú, a ko ní
ɓa kɩ́ɛ́lʋ́ mɛ́.
2 Ɩ́ é nɩɛ ná mʋʋ há kílíwa,
ɩ́ sikli,
ɩ́ é Sɩɩdɔŋ báyɛ́lɛ́ ná
ɩ́ tʋtʋnna háá dáárɛ mʋʋ mɛ́.
3 A tɩ́ŋ nyikana ná wɩ́ɛ́,
ʋ nɛ́ fa tɛ Nil fuo óŋdúúle
aá kʋ́sɛ:
ʋ yɔwɔ nɛ́ duówa nɩɛ fa dídí.
4 Sɩɩdɔŋ, mʋʋ nɛ́ há kɛ́ɩ́ bállɩ́ dɩhɩ̃,
ló rɩ hɩ̃́ɩ̃́sɛ kánɩ́!
Mʋʋ wúrú nʋɔ a bʋlɛ́:
«Ŋ luóru wɩ lɔ́kɛ (wɩɛ́), ŋ wɩ bio lʋ́lɛ́,
ŋ wɩ bápʋ́ɔ́sɛ́ dɩ́ɛ́sɛ́
ŋ wɩ hápʋ́ɔ́sɛ́ má dɩ́ɛ́sɛ́.»
5 Ezipiti há sɩ́ nɛ̃́ nʋ́ʋ́,
ʋ sɩ́ váklɛ, rɩ́ Tiiri labáárɛ nɛ́ pérú.
6 Ɩ́ dáárɛ peri Tarsiisi,
mʋʋ há kílíwa é nɩɛ ná, ɩ́ cáási!
7 Ɩ́ tɔ́wéró ná
yɩr díé fa lɩ́ɛ́ ɛ́, tɔ́bɩ́nɛ́ ná
há tɛ́l naa a mʋ́ mɩŋ dɩboli, ʋ nɛ́ nyɛ́>>
8 Áŋ tɩɩ rɛ́ sɩɛ́ bɩ́ɩ́nɛ nyɛ a cɛ́ Tiiri mí,
Tiiri ná fa háá ɓa kuónéŋcúnni>>
Ʋ báyɛ́lɛ́ nɛ́ fa ka kuóbɛlɛ,
ʋ báyɛ́lɛ́ nɛ́ fa ká tíé nɩpiŋe.
9 Nyuutɩna Wɩɩsɛ, Doewuutɩna nɛ́ bɩ́ɩ́nɛ ɛ́,
rʋ́ʋ́ zɔ́kɛ óŋ (nɩɛ) ná wuu ɓa háá zile nyʋ́kɔ́,
rʋ́ʋ́ pi tíé nɩpiŋe wuu yɩr yɔ́ɔ́.
10 Tarsiisi nɩɛ, ɩ́ dáárɩ́wa tɔ́ɔ́ mɛ́ anɛ ɛ́ ɓa háá dáárɛ Nil fuo mí:
nyidáborzeŋse báá wɩ dɩcɩ́nɛ́ kené.
11 Nyuutɩna tɛ́rʋ́ nɛ́sɛ,
a cɛ́ mʋʋ mɛ́;
ʋ ɔ́ɔ́ kuódɩtɩ́llɛ váklɛ.
Ʋ pá Kanaŋ ŋmɛ́nɔ
rʋ́ʋ́ a rʋ́ʋ́ zekɛ́rɛ nyɩ́ɩ́kɛ.
12 Ʋ sɛ́: Ɩ baá waá wóllí jʋ́ɔ́sɛ,
ɩ é Sɩɩdɔŋ, toopero ná há wɩ bál ɛ̃́, ɓa cíkí.
Isi mʋ́ Siipri,
ráŋ má sɩɛ́, ɩ waá a rɩ́ɩ́ ná fɩ́ɛ́la.
13 Kɩ́ɛ́lɛ Kalde nɩɛ tɔ́ɔ́,
ɛ́ nɩɛ baá tóó.
Asiiri nɩɛ ɔ́ɔ́ ʋ bɩ́rmɛ baka vasɛ tɩ́llɛ,
ɓa fa sɔ́ pʋ́pɔ́ɔ́ra jɩɩsɛ,
a sɔ́ bállɩ́ dɩhɛ̃́,
ká ʋ a, ɓa bɩ́rmɛ jɩ́ɓóru.
14 Tarsiisi nɩɛ ná háá va mʋʋ daha, ɩ́ cáási,
bee wɩ́ɛ́, ɩ́ bállɩ́ dɩhɩ̃́ (kɛ́rɛ) ɓéló.
15 Ɛ́ kal, ɓa sɩ́ sʋ́llɛ Tiiri mí, a mʋ́ peri bɩŋsɛ mɛɛ́sɩ́botoro rɩ́ fí, kuóro tápʋ́lɛ dáánɛ́ mʋɔ́sɔ nɛ́ ɛ́. Bɩŋsɛ mɛɛ́sɩ́botoro ná nʋɔ mɛ́, hácɔ́rmɔ yɩl há sʋ́ʋ́ ná, ʋ nɛ́ sɩ́ peri Tiiri:
16 Hácɔ́rmɔ ná ɓa há sʋ́llɩ́ wɩ́ɛ́,
pi cémó (gítáárɛ) a kíl tɔ́ɔ́.
Dú rʋ́ʋ́ ká kɔrɔ, a bɩ́r yɩ́ɩ́ yɩ́ɩ́la ná
a mákɛ rɩ́wɔ́ líísí wɩ́ɛ́.
17 Bɩŋsɛ mɛɛ́sɩ́botoro ná nʋɔ mɛ́, Nyuutɩna sɩ́ a wɩ́ɩ́ Tiiri mí, rʋ́ʋ́ bɩ́rnóú kuóɓɩɛ́ ná. Ʋ sɩ́ tʋ́ŋ cɔ́rmɛ arɩ́ dɩtɩ́llɛ ná wuu ha mɩŋ tíé nyúú. 18 Amá Nyuutɩna sɩ́ tɩ́llʋ́ óŋkánɛ́ arɩ́rʋ́ kuóɓɩɛ́. Ɛ́ onni tó náŋá mɛ́ ɓɩhééle, ɓa tó óŋbile. Ɛ́ kuóɓɩɛ́ sɩ́ dɩ́ɛ́sɛ nɩɛ ná háá cɔ́ Nyuutɩna laka, rɩ́wɔ́ dí a vɔ́ksɛ, ɓa nɛ́ sɩ́ a gɛnnɛ má rɩ́wɔ́ sú a dáánɛ.