Wɩɩsɛ bʋ́l wɩ́ɛ́ cɛ́ Etiopi nɩɛ mɛ́
18
1 Wɩhála! A pá tɔ́ɔ́ né há kéŋ nyidáborizeŋse ná há kéŋ kíŋkeru bɛllɛ aá dɔ́ŋEtiopi fonni lakạ!
2 Tɔ́ɔ́ ná háá tʋ́ŋ nɩɛ
ɓa tɩŋ zɔŋkɩwa nyidabórsi mí
a va nyii daha (aá mʋ́ Nil fuó).
Ɩ́ mʋ́, ɩ́ é nɩtʋmɛ́ ná há lʋmɔ́,
a mʋ́ nɩgoru nyáŋ rɩ́, tɛŋ háá tʋlɛ́ rɩ́,
duó ná ɓa háá fɛ́ɛ́ a púlwó mɩnɛ́ tɛ́ŋ wuu mí,
rɛ́ɛ́ arɩ́ dúníé toko wuu mí rí,
duó ná nɩɛ há duóko,
aá tɩksʋ́ dɩŋdɔma wuu,
duó tɔ́ɔ́ fonni há kéné a ɓá sɩɛrʋ.
3 Ɩ́ má dúníé nɩɛ ná wuu
há mɩ́ŋ tíé nyúú,
tɛ́ŋ ná ɓa há sɩ́ cɔ́ŋsɛ
nyɩnɛ́ pallɛ daha, ɩ́ bel,
tɛ́ŋ ná mɛ́
ɓa há sɩ́ mʋ́ nyɩla, ɩ́ zesi.
4 Beé wɩ́ɛ́, ná Nyuutɩna Wɩɩsɛ há sʋ́ʋ́ ná a páŋ:
«Ŋ keníŋ dɩkení cɩm,
kaá kɩ́ɛ́lɛ́ wɩ́ɛ́,
ŋ́ ké dɩbalá anɛ wɔhɔ lʋmɔ ná haá cúé
ɛ́ ráá má ɓɩɛ́ kʋsɛ́ tɛ́ŋ mɛ́
nyɛlɔ kʋʋlɔ́.»
5 Bee wɩ́ɛ́, ká rɩ́ ɓɩɛ́ kʋsɛ́ zɩŋ peri,
tɛ́ŋ ná mɛ́ viínyi háá fɩ fɩɩla tenni,
tɛ́ŋ ná mɛ́ fɩɩla ná háá bɩrmɛ nɔnɔ,
nɔnɔ ná ko a bɛ́,
ɓaá ɓíési keŋe ná rɩ́ káŋtɩɛ há wɩ nyʋɔrɛ kéné tá,
cónni hilli arɩ́ paarʋ a tá nɛ́.
6 Ɓa wuu sɩɛ́ ká rɩ́wɔ́ tɔ́wɔ́
pá pallɛ nyúnni dúúne ní
arɩ́ balla.
Rɩ́ dúúne díwó (cʋ́cɔ́ ráŋ) lʋmɔ tɛ́ŋ mɛ́
ká waarʋ tɛ́ŋ má mɛ́, rɩ́ balla wuu díwó (cʋ́cɔ́ ráŋ).
7 Ɛ́ mɛ́ nɛ́ sɩɛ́, rɩ́ ɛ́ nɩgboru, tɛŋ háá tʋlɛ́, ɛ́ nɩɛ ɓa háá fɛ́ɛ́ a púlwó mɩnɛ́ wuu mí, ɛ́ duó há kéŋ dóé aá tɩksʋ́ dɩŋdɔma wuu, ká fonni káŋwɔ́ tɔ́ɔ́ ɓá, sɩ́ ká zile onni, a ko pá Nyuutɩna Wɩɩsɛ, Doewuutɩna. Ɓa sɩ́ ká ɛ́ zile onni zɛ́ Nyuutɩna Wɩɩsɛ Doewuutɩna yɩr dɩmɩnɩ́, Sɩɔŋ paalɔ́ nyúú.