Wɩɩsɛ bʋ́l wɩ́ɛ́ cɛ́ Damaasɛ mɛ́
17
1 Sarɩ́ya liŋó ná há tɩ́ɩ́nɛ “Damaasɛ” mɛ́.Damaasɛ báá wáá rʋ́ʋ́ a tɔ́ɔ́;
ʋ sɩ́ a jɩɓoru dʋŋɔ.
2 Arɔyɛɛrɛ tɔ́nɛ ka wúóli,
pʋsɛ nɛ́ tɩ́wɔ́;
balla pɩ́pɛ ráŋ, ká nɛ́ŋ too aá wálmɩ́wɔ́.
3 Ɩfɩrayɩŋ dɩtɩ́llɛ
waá a rʋ́ʋ́ ká kɛrɛ,
Damaasɛ má kuorí, waá a rʋ́ʋ́ ká dóé.
Siiri nɩkáánɛ
píŋ sɩ́ nɛ Ɩzɩrayɛl nɩɛ píŋ.
Nyuutɩna Wɩɩsɛ, Doewuutɩna nɛ́ bʋ́l ɛ́.
Óŋ ná há sɩ́ káánɛ Ɩzɩrayɛl mɛ́
4 Ɛ́ kal, Ɩzɩrayɛl píŋ sɩ́ tʋ́ɔ́mɛ (múúri),
ʋ sɩ́ kóŋŋi (ʋ tɛŋ nʋʋ sɩ́ mɩ́ɛ́rɛ).
5 Ʋ sɩ́ nɛ́ ɓɩɛ́ kʋsɛ́ tɛ́ŋ mɛ́,
ɓa háá kʋsɛ bile ciki,
kaá kʋsɛ mɩnyúnni nɛ́sɛ sɩ́ɩ́wa.
Ʋ sɩ́ nɛ tɛ́ŋ ná mɛ́, ɓa háá kúúni mɩnyúnni (óŋnyúnni)
Refayitiwa polo sɩɛrʋ.
6 Óŋkúúne dʋŋɔ nɛ́ sɩ́ káánɛ Ɩzɩrayɛl mɛ́,
anɛ oliíviwa gɛlɛ (ɓɔrɛ) tɛ́ŋ mɛ́:
nɔnɔ bɛllɛ ɛ́ ráá má botoro
nɩ́ɩ́ kaanɛ tuu nyúú rí,
ká baná ɛ́ ráá bɔmmʋ́ɔ́
má káánʋ́ hílli ná háá nɔ́nɛ sɩɛnnɛ,
Nyuutɩna Wɩɩsɛ, Ɩzɩrayɛl Wɩɩsɛ
nɛ́ bʋ́l ɛ́.
Veŋɓaarɔ́ ténné wɩ́ɛ́
7 Ɛ́ kal, nɩbííno sɩ́ bɩrʋ́ sɩ́ɛ́ cassʋ́ mɩmáárɔ, ʋ sɩ́ bel Ɩzɩrayɛl Wɩɩsɛ ná balá há ká taŋá Wɩɩsɛ. 8 Ʋ baá wʋ́ʋ́ sɩ́ɛ́ pii caasɛ kórsi ná, ʋ nɛ́ŋsa há mɛ́ɛ́, ʋ baá wɩ veŋgúlli ná ʋ tɩɩ néníwiisi há mɛ́ɛ́, dácɔ́ŋsɛ ná ɓa haá ɓaarɛ́ arɩ́ tulaale nyɩkrɛ onni bel.
9 Ɛ́ kal Ɩzɩrayɛl tɔ́nɛ ná ɓa há sɔ́ zeŋe kíl, sɩ́ a wúóli, anɛ ɛ́ Hivitiwa arɩ́ Amoritiwa tɔ́nɛ fa há ká wúólé tɛ́ŋ ná mɛ́ Ɩzɩrayɛl nɩɛ há mʋ́ɛ́ peri ráŋ. Ɓa wuu sɩ́ zɔ́kɛ.
ɩ wɩ́ɩ́ Bʋɩ ná há kɛ́ɩ́ dóé wɩ́ɛ́ bɩ́ɩ́nɛ.
Ɛ́ nɛ́ tɛ́, ɩ cɔ́ŋsɛ tuwéré (a pá venni),
ká dú óŋbíé ná há ka óŋhʋ́ɔ́ra (pá veŋhʋɔra).
11 Kal ná ɩ há cɔ́ŋsɩ́wɔ́, ɩ nówó wɛ́ɛ́,
cɩ́cʋɔ ná tɩɩ nɛ́, ɩ óŋdúúle ná puri fɩɩla.
Amá wɩ́ɩ́la tápʋ́l há kóé,
óŋkʋsɛ́ ná yʋ́ksɔ́,
ká ɛ́ wɩhála wɩ luri má kené.
Dɩŋdɔma fɛ́ɛ́ wɩ́ɛ́
12 Wɩ́hala! Duówa ná
nɩɛ nʋɔ há wɩ wúó dɩɩsɛ nɩɛ nɩ́ɩ́ dɔmɛ,
anɛ mʋʋnnɛ háá dɔ́mɛ.
ɓa nɩkaŋdɔɔ ná kʋ́ɔ́lɛ
nɩhɩ̃́ nyikana kʋ́ɔ́llɛ nɛ́,
13 ɓa nɩkaŋdɔɔ nɩ́ɩ́ kɔ́ kʋ́ɔ́llɛ
anɛ nyikana (mʋʋ nyii) háá a kʋ́ɔ́llɛ,
Amá Nyuutɩna ísó cɩ́wɔ́ mɛ́,
ɓa fá mʋ́ dɩboli,
ɓa fɔ́ʋ́ anɛ nyɔ́míŋ
pallɛ nyúú poo há pɛ́ɛ́,
nyɔ́ɔ́puri povílmi há pɛ́ɛ́.
14 Gbaanɛ, héwíŋ ní,
ká rɩ́ tɔ́ɔ́ zɩŋ pʋ́l, cɩcʋɔ,
ɓa oro wuu baá too.
Ná wɩ́ɩ́ ná há sɩ́ peri nɩɛ ná háá ɓɩlɩrá,
ná wɩ́ɩ́ ná há sɩ́ peri nɩɛ ná há kúé aá ɓosirá (ɓoksirá).