Mʋwabɛ nɩfaalɛ́ wɩ́ɛ́
16
1 Ɩ́ a rɩ́wɔ́ ká peɓalɓʋ́ɔ́l mʋ́ pá tɔ́ɔ́ ná nɔhɔ̃́,rɩ́wɔ́ lɛ́ Selaa mɛ́ a tɩŋ gɩrbétéke rɩ́
a mʋ́ Sɩɔŋ há wéró paalɔ́ ná daha.
2 Mʋwabɛ tolé
nɛ́ cɛ́ Arɩnɔŋ polcʋ́ɔ́rɛ nʋɔ rɩ́,
anɛ diíwiisi ɓa há kíre
ɓa fil kɛ́kɩ́wɔ́ dallɛ mɛ́.
3 Mʋwabɛ nɩɛ sʋ́l Zerizalɛmɛ nɩɛ a bʋlɛ́:
«Ɩ́ cáánɩ́rá,
ɩ́ lɩ́sɛ sabɩ́ŋ.
Ɩ́ ló rɩ́ɩ́wa fɩ́ɛ́l cú tɔ́rá mɛ́
wɔhɔ tóŋtóŋ
anɛ ɛ́ tɩtáŋ bino haa tɔ́ dɩhɩ̃́ wuu mí ɛ́,
ɩ́ ka nɩfáálɛ féŋsi,
ɩ́ sɩ́ nɩɛ ná há yúólíwa (nɩlʋ́ɔ́rɛ) mɛ́ kɛ́sɩ́ pá.
4 Ɩ́ ló rɩ Mʋwabɛ nɩfáálɛ a zʋ́zʋ́llɛ ɩ́ dɩhɩ̃́.
Ɩ́ ló rɩ́wɔ́ féŋsíwa dɩ́hɩ̃́ zɔ́krɔ sɩ́ɛ́ mɛ́.
Bee wɩ́ɛ́ fɩ́kɛ́ sɩ́ tenni,
rɩ́ zɔ́krʋ tenni,
rɩ́ bɩbar nyɩ́ɩ́kɛ tɔ́ɔ́ ná mɛ́.
5 Kuorí sɩ́ ká dóé nɩcɩtɩ́kɔ́ sɩɛrʋ. Davidi duo sɩɛrʋ, nɩtaŋá sɩ́ dí kuorí (kenú daha),
ʋ sɩ́ sarɩ́yadííro ná háá tɩ́ŋ yɛ́rɛ́,
kaá hɛ́sɛ taŋá wɩ́ɛ́.
Zerizalɛmɛ nɩ́ɩ́ wí Mʋwabɛ wɩ́ɛ́
6 Á nɛ́ Mʋwabɛ nyʋkɔ ná wɩ́ɛ́
nyɔkɔ ná há zénó daarɛ wɩ́ɛ́,
ʋ há cóú tɩɩ mɔ́ ɛ́ rɩ́rʋ́ nyʋkɔ wɩ́ɛ́,
ʋ safʋʋnɩ́ há mɔ́ ɛ́ ná,
arɩ́rʋ́ tɩɩ mákɛ́ yɔ́ɔ́ ná wɩ́ɛ́.
7 Ɛ́ nɛ́ tɛ́ Mʋwabɛ nɩɛ cícáásíwó tɩɩ wɩ́ɛ́,
oro wuu cícáási.
Ɩ́ɩ́ hiĩ́nu arɩ́ sazɔkɔ́ ɓɩzeno ní Kiirharɛsɛtɛ ɛ́llɛ gatówa ná wɩ́ɛ́.
8 Bee wɩ́ɛ́, Ɛsɩbɔŋ tíé mí baksɛ hɩlɔ́.
Duówa nyúútɩ́nawa zɔ́kɛ
Sɩbma viínyi tuuni ná,
Ɛ́ viínyiwa nɛ́ fa pɩ́nɛ́ a mʋ́ aá lɛ́ Yazɛɛrɛ,
a zʋ́ʋ́ yʋ́ksɛ gɩrbétéke sɩɛrʋ:
ɓa hílli fa tɩ́ɛ́nɔ́
a mʋ́ aá lɛ́ mʋʋ daarɛ́.
9 Ɛ́ nɛ́ tɛ́ ŋ sɩ́ wí Sɩbma viínyi baka ná wɩ́ɛ́
anɛ ɛ́ Yazɛɛrɛ háá wúú wɩ́ɛ́.
Ɛsɩbɔŋ arɩ́ Elaale,
ŋ sɩ́mɩɩrʋ sɩ́ gáárɩ́wa,
beé wɩ́ɛ́, kulí báá hé
ɩ́ óŋkʋsɛ́ arɩ́rɩ́ɩ́wa óŋcélé wɩ́ɛ́.
10 Tɛŋpɔ́rɔ́ rɩ́ jʋ́ɔ́sɛ́ báá to tuuni baksɛ mɛ́;
ɩ́ viínyi tuuni sɩɛnnɛ
satɔrɩ́caasé too, nɛ́poro má too.
Nɛ́ŋ báá wɩ ɛ́llɛwa nʋ́ɔ́sɛ ɛ́llɛwa dɩháásɩ́;
ŋ́ ɔ́ɔ́ óŋkʋsɛ́ kulí síkli.
11 Ɛ́ nɛ́ tɛ́ ŋ ɓɔ́ŋ liŋó
anɛ cemo (gɩtaarɛ)
a wi aá dɛnnɛ Mʋwabɛ wɩ́ɛ́.
Ŋ sɩɛrʋ zɔkɔ́ Kiirihɛrɛsɛ wɩ́ɛ́.
12 Ɓa sɩ́ ná Mʋwabɛ rʋ́ʋ́ bɔlʋ́ tɩɩ
aá mʋ́ dɩɓaarɩ́.
Ʋ́ʋ́ mʋ́ dɩcʋɔlɩ́ nɛ́
rʋ́ʋ́ sʋ́lʋ́ wɩɩsɛ,
amá ʋ wɩ wɩ́ɩ́ wúó a.