Nyuutɩna Wɩɩsɛ bʋ́l wɩ́ɛ́ cɛ́ Mʋwabɛ mɛ́
15
1 Liŋó ná há cɛ́ Mʋwabɛ mɛ́.Tɩtáŋ balá nɛ́ kɔ́ʋ́ zɔ́kɛ,
Óŋ wuu báá wáá dɔ́ŋ Aarɛmʋwabɛ mɛ́.
Tɩtáŋ balá nɛ́ kɔ́ʋ́ zɔ́kɛ,
Óŋ wuu báá wáá dɔ́ŋ Kiirmʋwabɛ mɛ́.
2 Dɩɩbɔŋ nɩɛ
mʋ́ dɩɓarɛ́ rɩ́wɔ́ wi jaa sɩɛrʋ.
Mʋwabɛ nɩ́ɩ́ wí Nebo arɩ́ Medba pallɛ wɩ́ɛ́:
Nɩɛ wuu píéríwó nyúúnni,
nɩɛ wuu píéríwó tɔma.
3 Mʋwabɛ ŋmɛ́ŋsɛ sɩɛrʋ, ɓa vɔsɛ jɔ́rɛ anɛ hávɔ́ɔ́sɛ;
nɛrɔ wuu cícáási, aá bɩsɛ sɩ́mɩɩrʋ
lúŋse daha arɩ́ tɔ́ɔ́ dɩjɛ́lɛ mɛ́.
4 Hɛsɩbɔŋ arɩ́ Eleyaale nɩɛ cícáási,
ɓaá nɩ́wɔ́ liŋó Yahasɛ mɛ́.
Ɛ́ nɛ́ tɛ́ Mʋwabɛ sóójiwa
cícáási,
ɓa naasɛ há yʋ́ɔ́rɛ wɩ́ɛ́ (kaá váklɛ).
5 Mʋwabɛ wɩ́ɛ́ nɛ́ ŋ cícáási:
Ʋ nɩɛ fɔ́ʋ́ a mʋ́ aá lɛ́ Sʋɔrɛ,
a mʋ́ aá peri Eglatɛselisiya.
Bee wɩ́ɛ́, ɓa mʋ́ aá zɩ́ Luhiti paalɔ́ ná kaá wi ní.
a vá Horonayimi ŋmɛ́nɔ́ mɛ́,
kaá cáási zɔ́kɔ́ wɩ́ɛ́.
6 Bee wɩ́ɛ́ Nimirimi nyii hʋ́ʋ̃́sɔ,
bee wɩ́ɛ́, nyɔ́ɔ́ hɩ́lɔ,
tuuni sʋsɛ (nyɔlɔ́ nyɩ́ɩ́kɛ),
óŋlɔɔ wuu báá too.
7 Ɛ́ nɛ́ tɛ́ ɓa pɔ́wɔ́ kuóɓɩɛ ná há káánɛ́,
a pɔ́wɔ́ ɓɩɛ́ ná ɓa fa há bíle,
a kaa daarɛ kaŋcɛlɛ polwíé daarɛ́.
8 Bee wɩ́ɛ́, cááse tɔ́ Mʋwabɛ dɩtɩ́llɛ mɛ́;
ɓa búŋse mʋ́ aá peri Eglayimi,
ɓa búŋse mʋ́ aá peri Beereliimi vɩlɛ má tɩɩ.
9 Diimɔŋ nyii wuu de ka cɛ́l nɛ́;
Nyuutɩna sɛ́:
«Ŋ sɩ́ súúri wɩhálawa náŋa Dɩmɔŋ mɛ́,
kɩ́ŋkáná sɩ́ cɛ́ nɩɛ ná há lúé lɛ́ a mɩ́ŋ Mʋwabɛ mɛ́,
a cɩ́nʋ́ nɩkaanɛ ná há mɩ́ŋ tɔ́ɔ́ ná mɛ́.