4
1 Ɛ́ kal, háála balpɛsɩ́ cɔ́ bál balá mɛ́ ká bʋlɛ́:
«Á sɩ́ dɩ́ɛ́sɩ́ra tɩɩ,
á tɩɩ sɩ́ járá tɛŋgɛnnɛ.
Ɩ é há lo ráá mɩ́nɩ́ yɩr mɛ́:
tɔ́rá hɩɩ̃sɛ!»
a ló ráá má há mɩ́nɩ́ yɩr mɛ́!»
Zerizalɛmɛ nɩkáánɛ wɩ́ɛ́
2 Ɛ́ kal, oŋ ná Nyuutɩna Wɩɩsɛ há sɩ́ a rʋ́ʋ́ nyʋ́ nɛ́ ká yɩr arɩ́ píŋ, tɔ́ɔ́ ná tunɔnɔ sɩ́ pá Ɩzɩrayɛl nɩkáánɛ ná satɔrɔ́ arɩ́ nyúnyáásɔ́. 3 Ɛ́ mɛ́ nɛ́ sɩɛ́ rɩ́wɔ́ yɩ́rɛ Sɩɔŋ nɩkáánɛ ná, nɩɛ ná há mɩŋ Zerizalɛmɛ mɛ́, “Nyuutɩna Wɩɩsɛ tɩ́llɛ́”: ɓa sɩ́ pʋ́ŋsɩ́wɔ́ wuu yɩra Zerizalɛmɛ mɛ́, a hé kɛnɔ sɩɛrʋ, a mákɛ rɩ́wɔ́ ká mɩɩsɛ. 4 Rɩ́ Nyuutɩna Wɩɩsɛ nɛ́ kóé mʋ́ʋ́rɛ Sɩɔŋ tolé busunnu, káá sɛ́sɛ cɛ́l ná ɓa há bɩ́sɛ Zerizalɛmɛ mɛ́, a tɩ́ŋ sarɩ́ya poo mí, rɩ níŋ ná há ká poo mí, 5 ɛ́ mɛ́ nɛ́ sɩɛ́ rʋ́ʋ́ a rɩ dobasɛ (nyʋɔsɛ) tɔ́ nɩɛ mɛ́, Sɩɔŋ paalɔ dɩhɩ̃́ wuu wɔhɔ, ká tɩtáŋ rɩ́ níŋpoo pʋmmɔ tɔ́wɔ́ mɛ́. Ká rɩ́ Nyuutɩna Wɩɩsɛ píŋ ná sɩɛ́ isi a mɩŋwɔ́ wuu nyúú a tɔ́wɔ́ mɛ́, 6 Lʋmɔ tɛ́ŋ mɛ́, ʋ sɩ́ a lɔ́k, a ká fɩ́ɛ́l. Ká a dɩzʋ́ɩ́ má, a a dɩyúóli a kɛ́rɛ dopoo rɩ́ dóŋ mí.