8
1 Náŋ há có rɩ káŋ nánʋɔ́l ɛ́ yá, rɩ́ŋ maá ɩ́la dɩ́ɛ́sɩ́! Rɩŋ cémí pʋmmɔ rɩ́, ŋ sɩ́ kánɩ́ kormi ká rɩ́ nɩɛ sɩ́ŋ bɛ́rʋ́ (sɩ́ŋ har gá)2 Ŋ sɩ́ kánɩ́ mʋ́ŋ jaa, a kánɩ́ zʋ́ŋ maá rɩ́, rɩ́ maŋsɩ́ŋ ɓa há pɛ́ báála ɛ́. Ŋ sɩ́ a rɩ́ nyɔ́ŋ divɛŋ ŋmɔmɔ, rɩ́ nyɔ́ŋ girenadɛ nɔnɔ nyii. 3 Ʋ keníŋ nyúú sákʋ́ nágʋɔ nɛ́sɛ mɛ́, ká kánʋ́ nédu vɔ́wɩ́ŋ ɓárʋ́ tɩɩ. (Boŋzoŋ)4 «Héí! Zerizalɛmɛ tolé, ɩ́ sɩ́ŋ boŋzoŋ wálmʋ́, ɩ́ sʋ́ íllú, rʋʋ ha waá ja rʋ́ʋ́ isi.» Cólle dúókó anɛ sʋʋ nɛ́ (Háálá)5 Áŋ rɛ́ ká háálɔ́ né há lɛ́ gɩr aá lɛ, a cɔ́ʋ́ nɩcólli nɛ́sɛ mɛ́ nyɛ? (Házoŋ) Ŋ nɩ́ɩ́ íllí pɔmmɛ tuu mʋ́l: ráŋ nɛ́ ɩ maá kánɩ́ puo, ráŋ nɛ́ ʋ lʋ́lɩ́. 6 Kánɩ́ŋ cíkí baŋcɩla mɛ́, anɛ ɩ tɩɩ nɛ́cikó ɩ há kené aá mallɛ ɓɩɛ; kánɩ́ŋ héí tɩɩ mɛ́, anɛ nɛsɛ hɔɔ ná há mɩ́nɩ́ nɛsɛ mɛ́. Bee wɩ́ɛ́ cólle dúókó anɛ sʋʋ nɛ́. Hánɔŋnɩ́ dí nɩɛ (wʋ́ʋ́ tɩɩ́ cɩkɛ) anɛ lɛlɛ tɔ́ɔ́ nɛ́. Ʋ níŋ ká níŋvá ɓɩduo ní, a wuri nɩɛ aá ɓʋ́, anɛ duóŋ há ɓɛ́ɛ́ ɓʋ́ nɛrɔ. 7 Mʋzeno nyii má tɩɩ wɩ cólle niŋ wuó dʋsɛ. Voke nyii wʋ́ʋ́ wuó liŋ. Rɩɩ nɛ́ŋ sʋ́ʋ́ keŋ ɓɩɛ, a píwó wuu aá pá ká rʋ́ la cólle, ʋ sɩ́ gúl ká rɩ́wɔ́ lɔ́rʋ́ (káá dí hɩ̃ɩ̃sɛ) ( Nanʋɔla) 8 A kéŋ nátoló oro, ʋ sɩɛ́ ha múúró, ʋ ha wɩ ɩ́la kené. Kál ná ɓa há kóó bʋ́lʋ́ jɛɛ wɩ́ɛ́, á rá a beé rí? 9 Rʋʋ fa ka zéŋ rí, á sɩ́ pi wárɛ (meéwí) sɔ zenaa nɔ́ŋɔ ʋ daha a ɓɩ́ɛ́rʋ́. Rʋʋ ká dánnʋ́ɔ́ rɛ́, sɛɛdɩrɛ daa nɛ́ ráá pii ɓásɛ boro a tɔ́. (Házoŋ)10 Ŋ ká zéŋ rí sɩɛ́, ŋ ɩ́la nɩ́ kɔ́ʋ́ nafarsɛ. Ŋ há mɩ́nʋ́ wɩ́ɛ́, ɛ́ nɩ́ɩ́ pɔ́ʋ́ tɛŋfɩ́ɛ́l. (Boŋzoŋ) 11 Salomɔŋ cɔ́ŋsɛ viinyi tuuni Balhamɔŋ mɛ́, a ja nɩɛ hé ɓa pɩ́pɔ́. Meéwícááka bʋ́ɩ́ nɛ́, rɩ́ oro wuu ɓɔ́rɩ́wɔ nɔnɔ a yɛ́llɛ kaa ko. 12 Salomɔŋ, ɩ nɛ́ tɛ́ meéwíé bʋ́ɩ́wa ná, rɩ́ lɩ́sɛ zɔwɛllɛ pá pɩ́pɔ́ra ná; ŋ víínyi baka ná é, ŋ má nɛ́ tʋ́ʋ́, ŋ má nɩ́ɩ́ bélú mí. 13 Ŋ nɩwero há kéní zardɛ sɩɛrʋ, nɩɛ náŋa má sɩɛ́ mɩŋ rɛ́, aá ja rɩ́wɔ́ zésí háá bʋl wɩ́ɛ́ ná. Amá ŋ nɛ́ mɔhɛ̃́ rɩ́ bʋl nyɛ pá: (Házoŋ) 14 «Ŋ nɩcólli isi rɛ́ a col kɩ́kɛ́lɛ́, ɓéri anɛ wɩɛma aá col, aá col anɛ ɓɛwɩe; mʋ́ zɩ́ké pallɛ ná há kéŋ tufɩɩla sɔ́ŋ há wéró daha»