5
(Boŋzoŋ) \i 1 Ŋŋ́ kórí ŋ nátolo, ŋ házoŋ; ŋŋ́ kóŋ zárdɛ rɛ́; rɩ́ŋ zʋ pʋ́ʋ́rɩ́ŋ mííriwa rɩ́rɩ́ŋ tupaarʋ ná náŋa há kéŋ sɔ́ŋ. Ŋ sɩ́ zʋ cɔ́rɩ́ŋ tʋʋ kɩkɔ dí, a nyɔ́ŋ dɩvɛ́ŋ rɩ́rɩ́ŋ nɛ'ɩ́l. Ŋ naŋnɔŋsɛ, ɩ́ dí, ɩ́ nyɔ, ɩ́ kormi vɔkɛ, anɛ ɩ́ bʋ́rɔ́(Házoŋ)
2 Ŋ fa pɛ́ dóŋ ní, ká gírki isi a nɛ dɔ́mɛ, ŋ nɩcólli nɩ́ɩ́ ŋmɔwɛ dánnʋɔ mɛ́. Ʋ sɛ́:
(Boŋzoŋ)
« Ŋ nátoló, ŋ házoŋ, ŋ kuókʋma, ŋ nɩcólli, wúri dánnʋɔ páŋ. Tɩ́taŋ nɛ́, nyɛlɔ tɔ́ŋ nyúú wuu mí, ŋ núpʋsɛ wuu viili.
(Házoŋ)
3 Ŋ wúrkíŋ gɛrɔ, ŋ baa a ɛrɛ́ ká baa pii su >> Ŋ sɛ́sɩ́ŋ naasɛ, ŋ baa kaa lɩɩva rɩ́wɔ́ bírsi >> » 4 Ŋ nɩcólli pí nɛ́sɛ hé dannʋɔ bʋɔ mɛ́, ŋ baŋcɩla lúkli (yo). 5 Naasɩ́ balá, rɩŋ ísí dahá rɩ́ŋ wúri dannʋɔ páŋ nɩcólli. Ŋ há mʋ́ɛ́ tɩkɛ dánnʋɔ dɩkaawúri mí, míiri nʋʋ ná ʋ há tɩɩ́sɛ́ a kaa ko tɩkɛ ráŋ, dé mʋ́ɔ́lɩ́ŋ nɛ́ŋsa rɩ́rɩ́ŋ néníwiisi wuu ní. 6 Ŋ wúri dánnʋɔ páŋ nɩcólli; amá ŋ nɩcólli báá to roŋ, ʋ bɩ́rɔ́ col. Ɛ́ nɛ́ ŋ lɩɩtɩ́ŋʋ́ naasɛ, aá jɔ́ʋ́ ká wʋ́ʋ́ né. Ŋ yɩ́rʋ́, ʋ wɩ séŋé. 7 Síŋtírípɔ́ɔ́ra ná há pɔ́ tɔ́ɔ́ mɛ́ a gʋɔrɛ aá kíl, kúo cémíŋ; ɛ́ síŋtírípɔ́ɔ́ra mɔ́wɩ́ŋ, a bʋ́rmɩ́ŋ, ká kánɩ́ŋ ɓáyáfɛ wúri. 8 Ŋŋ́ sʋ́lɩ́wa rɛ́ Zerizalɛmɛ haála, rɩɩ́wa cémíŋ nɩcólli, ɩ́ɩ́ bʋl béé rɩ́ pɔ́ʋ́>> Ɩ bʋl pɔ́ʋ́, rɩ́ cólle ɔ́ɔ́ ŋ wɩ́wɩɩlɛ.
(Háala)
9 Háwérí, ɩ boŋzoŋ ná wér kɛ báála náŋa ɛrɛ́ rɛ́>> >> ɩ nɩcólli náá wér kɛ báála náŋa ɛrɛ́ rɛ́, ɩ sɩ́sʋ́lrá nyɛ>>
(Házoŋ)
10 Ŋ nɩcólli ná fɩɛ́mɔ́ a póri, ʋ wɩ zɩŋkɔ́ɔ́ kené nɩɛ bʋ́ɩ́ sɩɛrʋ. 11 Salmɛ nɛ́ tɔ́ʋ́ nyúú mí. Ʋ nyúpʋ́sɛ hé náŋá mɛ́ cúksúkú, a bírí anɛ bʋ́ŋgá pʋ́sɛ. 12 Ʋ sɩ́ɛ́ nɩhɩ̃́ kuókʋ́ma sɩ́ɛ́ nɛ́; a nɛ kuókʋ́ma há fóú tɩɩ nɛ'ɩ́l sɩɛrʋ táása mɛ́, ʋ sɩ́ɛ́ nɛ ɛ́ ʋ kaa lɩɩpɔ́ŋ táása nʋɔ. 13 Ʋ tɛ́ŋgbɛ́llɛ nɩhɩ̃́ kɔrɔ tíé ɓa há dú nyɔ́ɔ́ ná há kéŋ sɔ́ŋ nɛ́. Ʋ nʋkɛnnɛ wuu tɩ́tʋl anɛ guócɛpaarʋ, mííri nʋʋ háá pálwɔ́ daha. 14 Ʋ vansɛ nɩhɩ̃́ salmɛ gúóréwa ɓa há pá dɔ́wɩ́were ɓɩɛrɛ nɛ́. Ʋ file mʋ́lá mʋ́la a nɛ betúnyɩl, ɓa há pá dɔ́were ŋméŋsi. 15 Ʋ naasɛ anɛ albatɩrɛ nafarsɛ ɓa há píé cɔ́ŋsɛ salmɛcʋɔrɩ́ daha. Ʋ cɩ́nɛ anɛ Libaŋ paalɔ, ɩɩ́ bélú anɛ sɛɛdɩrɛ tuuni. 16 Rʋʋ kenú nʋɔ ko cúŋ nʋɔ mɛ́, ʋ mʋsɛ́ ŋmɔ́ŋ; ʋ wuu ní weré, a mɔ rɩ́ŋ cóllú. Zerizalɛmɛ háála, ŋ nɩcólli ná nɛ́ ɛ́, ŋ boŋzoŋ ná nɩhɩ̃́ ɛ́ nɛ́.