6
1 Nabɔ́ŋ wɩ́ɩ́ rɛ́ dúníé né mɩ́ aá wálmɛ́ nɩbííne.2 Ʋ nɛ́ ká: Wɩɩsɛ há sɩ́ pá nɛrɔ kuóɓɩɛ, rɩ́ onni, rɩ́ yɩr (pɩ́ŋ); arɩ́ oŋ ná wuu ʋ haá jɛɛ. Ká Wɩɩsɛ a tɩ́na tɩɩ wɩ wólle dí ɛ ɓɩɛ, ká nɩhʋɔrɔ nɛ́ kó tɩ́llɛ ɛ ɓɩɛ. Ŋ há kɩɛlʋ́ ʋ ká wɩ́yɔ́ɔ́ rɛ́ a a nábɔ́ŋ wɩ́ɩ́ má.3 Nɛrɔ há lʋ́l bɛlɛ zɔlɔ, a dí tapʋ́l káná dúníé nyúú. Ká, ʋ hɩẽso ná wuu mɩ́, ʋ wɩ wer mʋɔ wuu né; ʋ sʋʋ má har mɛ́, ʋ wɩ yúó kene. Ŋ kɩɛlɔ, rɩ́ bio ná há sʋwʋ́ maá luóru mɩ́ ko lɛ́ cɩ́cóú mɩ́.4 Bee wɩ́ɛ́, ʋ ko yɔ́ɔ́, a bɩrɛ cól yɔ́ɔ́. Bɩno tɔ́ʋ́ yɩrɛ mɛ́, ɓa báá wʋʋ́ wɩ́ɛ́ liisi.5 Ʋ wɩ dúníé kué, a wʋʋ́ ɛ̃́; ʋ fɩɛ́la nɛ́ kɛ naŋá.6 Ʋ dúníé nyuu hiẽso có rʋ́ peri bɩŋsɛ bʋɩ́wɛllɛ má, ka ʋ wɩ wer neé ɛ tɛŋ wuu mɩ́; ʋ rɩ́ naŋá ná wuu wɩ dɩ́balá nɩ́ɩ́ mʋ́ rɛ́?
Nɩbííno wa vɔ́kɛ́
7 Nɩbííno tɩɩ wálmɛ́ ná wuu ka ʋ nʋɔ ɓɩdííli wɩ́ɛ́ nɛ́; ká ɛ má ʋ há wa vɔkɛ. 8 Bee mɩ́ rɩ́ wɩ́zɩnnɔ é cɩ́có nɩcʋ́ʋ́lɛ mɛ́? Ka nɩyaarɔ há mɩŋ nɩɛ sɩ́ɛ́, ʋ nyʋ́ɔ́rɛ nɛ́ ká bee rɩ́? 9 Ɩ há keŋ omo ɩ nɛ́sɛ mɛ́, cɩ́có ɩ há yɩɛ́lɛ omo. Ʋ má ká wɩ́yɔ́ɔ́, poo dʋŋɔ́. 10 Onni ná zaa há nyɩɩsɛ fa mɩ́nɔ́ rɛ́ fól wuu; á sɩɛ́ ɩ̃ nɩbííno há ká nɛrɔ ná. Ʋ wɩ doé kene rʋ́ cɛ́ nɛrɔ ná doé há kʋʋ́ mɛ́. 11 Wɩ́bʋ́lkáná sɩɛrʋ wɩ́yɔ́ɔ́wa kanɔ́: Ɓa nyʋɔ́rɛ nɛ́ ká beewa pá nɩbííno? 12 Nɩbííne tíé nyúú hiẽso tapʋlɛ ná nɩhɛ̃ fɩ́ɛ́l nɛ́, aŋ sɩɛ́ wʋʋ́ ná há cɛrɛ a pɔʋ́? Nɩbííno dúníé nyuu lɩɩ har mɛ́, aŋ rɛ́ sɩ́ wólli bʋlʋ́ har wɩ́ɛ́ pɔ́ʋ́?