ECC 4

Wɩlnáárá wɩ́ɛ́

1 Ná, bɛŋsɛ́ ná duo há tʋ́ŋ dúníé né mɩ́:

Pʋɔ́lɛ hɩ́ɩ́nʋ́ ká nɛ́ŋ toó aá bʋɔlɩ́wɔ́! Nɩɛ ná há bɛŋsɩ́wɔ́ nɩ́ɩ́ dí doé ɓa nyúú ká nɛ́ŋ tó aá fawɔ́ búŋse! 2 Ɛ nɛ́ tɛ́, ŋ é sɛ́, nɩɛ ná há sʋsɛ ná wer a kɩ́llɛ nɩwómme. 3 Nɛrɔ ná báá há ná wer a kɩllɛ nɩɛ nyáŋ bɛllɛ, nɛ́ ká nɩɛ ná há há wɩ tɔ́ɔ́ kué. Bee wɩ́ɛ́ ɓa sɩ́ɩ́ wɩ bɛ́ŋsɛ ná há tʋŋ dúníé nyúú né ná.

Tʋtʋmɛ́ wɩɩla wɩ́ɛ́

4 Ŋ noú, rɩ́ nɩbiino há lowe aá ja rʋ́ʋ́ wɩ́ɛ́ cɛrɛ ʋ tʋtʋmɛ́ wuu mɩ́, \ ká rʋ́ kɩ́llɛ naŋá a dí doé ɓa nyúú.

Ɓa wuu sɩɛ́ ka wɩ́yɔ́ɔ́wa, poo dʋŋɔ́ nɛ́. 5 Losu nɛ́ ɓʋ́ nɩcʋ́ʋ́lɛ ná há wa tʋ́ŋ. 6 Fɩɛ́la mʋɔ cɩ́có, ɩ há pí tɛ́ŋ kɩ́ŋkáŋ tʋ́ŋ ja ɓɩɛ ka ɓa wuu de poo dʋŋɔ́.

Wɩ nɛ́ŋ ja wɩɩla wɩ́ɛ́\ Nɩɛ bɛllɛ cɩ́có nɛ́ŋ balá mɛ́

7 Dúníé né mɩ́ ŋ báá ná wɩ́yɔ́ɔ́ nɔ́ŋɔ. 8 Ʋ nɛ́ ká nɛrɔ há wɩ naŋnɔ́ŋɔ kene, a wɩ bii kene, ɛrá má maábɩnɔ́ŋɔ wuu kene. Ka ʋ tʋtʋmɛ́ wa tenni abáda,

a wɩ ɓɩɛ má vɔkɛ. Ɛ wɩ́ɛ́, aŋ yɩrɛ mɛ́ ŋ tʋtʋ́ŋ nyɛ́, aŋ wɩ́ɛ́ rɛ́ ŋ́ wálmɛ́ tɩɩ nyɛ́?

Ʋ má há ká wɩ́yɔ́ɔ́, a a nɩcʋ́l wɩ́ɩ́. 9 Nɩɛ bɛllɛ há hé naŋá mɛ́ aá tʋ́ŋ cɩ́có nɛ́ŋ balá mɛ́;

bee wɩ́ɛ́, oŋ ná ɓa há ná ɓa tʋtʋmɛ́ zeno. 10 Rɩ́ ɓa ɓallɔ má, nɔ́ŋɔ sɩ́ kanʋ́ nɔ́ŋɔ cúóli,

amá, wɩɩla pú nɛrɔ ná há kɔʋ́ dʋŋɔ́, bee wɩ́ɛ́ rʋ́ʋ́ ɓalɔ má nɛ́ŋ tó a kanʋ́ cúóli. 11 Rɩ́wɔ́ bɛllɛ nɛ́ zʋ́ basa má ɓa hé lʋmɔ aá pá naŋá;

amá, nɩ́balá (nɩbalawɛ) má sɩ́ wólli bɩr hé lʋmɔ pɔ́ʋ́ tɩɩ? 12 Nɩbalá yó kanɛ́ ká mɔlɛ́,

amá nɩɛ bɛllɛ keŋ doé rɩ́wɔ́ cɛ́ géŋgéŋ. Ŋmɛ́bíé botoro ɓa há pié hé naŋá mɛ́, ka cónne duoko. 13 Heŋbie há yaarɛ́ ká ka wɩ́zɩmɛ́;

wer kuóro há cʋ́ʋ́lɛ a wɩ nɛ́ŋ caanɛ zesi. 14 Rɩ́ ɛ heŋbie nɛ́ lɛ́ bɩnajaa mɛ́ má rɩ́ dí kuóri,

ʋ rɩ́ nɩyaarɔ há ko dí kuóri wuu nɛ́ balá. 15 Ɛ nɛ́ tɛ́, ŋ kɩɛllɛ sɩɛrʋ dúníé né mɩ́,

nɩɛ wuu sɩ́ fá tɩ́ŋ heŋbie ná há sɩ́ isi lá nɔ́ŋɔ mɛ́ a dí kuóri har nɛ́. 16 Nɩkana nɛ́ fá tɩ́ŋʋ́ mɛ́,

amá, ʋ har nɩɛ sɩ́ ná sazɔkɔ werí. Ɓa nyáŋ wuu ka wɩ́yɔ́ɔ́wa, poo dʋŋɔ́ nɛ́.

Sɩ́ pɛ́rmɛ tá nʋɔ Wɩɩsɛ rɩ́

17 Rɩ́ mʋ́ Wɩɩsɛ jaa ɩ kanɩ́ nʋɔ werí,

a pɔ́rɩ́ tɩɩ mɛ́ a zesi, ka sɩ́ pɛ́rmɛ wurí nʋɔ rɩ́ tá nɩcʋ́ʋ́lɛ nʋtálɔ.

Bee wɩ́ɛ́, nɩɛ ná há tʋ́ŋ ɛ ɓa wɩ ɛ̃ rɩ́ wɩ́bɔ́ŋ rɛ́ ɓaá tʋ́ŋ ɛ.