Wɩ́ɩ́ wuu kenú cɛrɛ (tɛ́ŋ)
3
1 Wɩ́ɛ́ wuu kéŋwó cɛrɛ (tɛ́ŋ), wɩ́ɩ́ má wuu rɩ́rʋ́ tɛ́ŋ nɛ́ dúníé né mí. 2 Lʋ́lɛ kenú cɛrɛ (tɛ́ŋ), ká sʋʋ má kenú cɛrɛ (tɛ́ŋ).Cɛrɛ (tɛ́ŋ) mɩnɔ́ rɩ́wɔ́ cɔ́ŋsɛ, ká cɛrɛ má mɩŋ rɩ́wɔ́ cúrí omo ná há cɔ́ŋsɛ. 3 Cɛrɛ (tɛ́ŋ) mɩ́nɔ rɩ́wɔ́ ɓʋ́, ká cɛrɛ (tɛ́ŋ) má mɩŋ rɩ́wɔ́ váárɛ́ (duori);
ŋmɔ́wɛ búksi cɛrɛ mɩ́nɔ (tɛ́ŋ), ká sɔ́ɛ́ má cɛrɛ (tɛ́ŋ) mɩŋ. 4 Wííle cɛrɛ (tɛ́ŋ) mɩ́nɔ, ka mɔŋ má kenú cɛrɛ (tɛ́ŋ);
a wi hɩ́ɩ́ni cɛrɛ (tɛ́ŋ) mɩnɔ́, ká satɔrɔ má kenú cɛrɛ (tɛ́ŋ). 5 Cɛrɛ mɩnɔ rɩ́wɔ́ yó dɔ́wʋ́ɔ́, ká cɛrɛ (tɛ́ŋ) má mɩŋ rɩ́wɔ́ báá pá dɔ́wʋɔ hé naŋá mɛ́;
cɛrɛ (tɛ́ŋ) mɩnɔ́ rɩ́ nɩɛ kórmi naŋá, ká cɛrɛ (tɛ́ŋ) má mɩŋ rɩ́ nɩɛ sɩ́ naŋá kórmú. 6 Ɓɩɛ jɛɛ kenú cɛrɛ (tɛ́ŋ), ká cɛrɛ (tɛ́ŋ) má báá mɩŋ rɩ́wɔ́ tenni;
cɛrɛ mɩnɔ́ rɩ́wɔ́ ká, ká cɛrɛ báá mɩŋ rɩ́wɔ́ pii yó tá. 7 Ká cɔ́nnɛ cɛrɛ mɩnɔ́, ká bɩrɛ yɛrɛ́ má cɛrɛ mɩŋ;
lal cɛrɛ mɩnɔ́, ká tɛ́ŋfɩɛl má cɛrɛ mɩŋ. 9 Nɩbííno tʋmɛ́ wɩɩla nyʋɔ́rɛ mɩŋ nɛɛ́? 10 Dúníé né mɩ́, ŋŋ́ ná wɩ́ɛ́ ná wuu Wɩɩsɛ há sɩ́ nɩbííno tʋ́ŋ. 11 Ʋʋ́ a wɩ́ɩ́ wuu weri ʋ cɛrɛ mɩ́ nɛ́;
a pi tɛ́ŋ há wa tenni sabɩɩna hé nɩbííno mɩ́, ká nɩbííno wɩ Wɩɩsɛ wɩ́ɛ́ pule rɩ́wɔ́ tenne wuó zɩ́ŋ a kaa tɛ́ŋ tenne. 12 Ŋ ɩɔ̃ dúníé né mɩ́, nɩbííno hɩẽŋso mɩ́, ʋ wɩ́cólli nɛ́ ká ʋ satɔ́ɔ́wɩ́ɛ́, arɩ́ wɩ́ɛ́ há cɛrɛ a pɔ́ʋ́. 13 nɩbíŋ é wuu wɩ́cólli nɛ́ ká, rʋ́ dí kaa nyɔ́, ká rʋ́ tʋtʋmɛ́ wuu cɛrɛ a pɔ́ʋ́. Ʋ ɛ ká Wɩɩsɛ zilé ní. 14 Ŋ ɩ́ɔ̃ Wɩɩsɛ é wɩ́'állɛ wuu wɩ toke ká ná. Ʋ wɩ́'állɛ sɩɛrʋ, wɩ́ɩ́ wɩ mɔhɛ̃ rɩ́wɔ́ suurí, ɛrá má rɩ́wɔ́ lɩsɛ tá. Ʋ tʋ́ŋwɔ́ wuu a makɛ rɩ́ nɩbííno tɩ́ŋ ɛ mɛ́ a fɔ́ʋ́ héwɩ́ŋ. 15 Wɩ́fɛl toó, wɩ́ɩ́ ná zaa há mɩnɛ́, fa lá sɩ́ɛ́ mɩŋ rɛ́ fól wuu, ká wɩ́ɩ́ ná cié há a rʋ́ mɩŋ, nɛ́ zaa mɩnɛ́ nyɛ́. Bee wɩ́ɛ́, Wɩɩsɛ a omo ná fa há tó mɩŋ.
Sʋʋ nɛ́ sɩ́ tenni wɩ́ɛ́ ná wuu
16 Ná, wɩ́ɩ́ ná ŋ báá há kɩɛlɛ ná dúníé né mɩ́: Yɛrɛ há mɔhɛ̃ rʋ́ mɩŋ ráŋ ná, bɔmɩ́ nɛ́ tʋ́ŋ róŋ; ká ráŋ ná nɩtaŋnnɛ há mɔhɛ̃ rʋ́ mɩŋ, bɔmɩ́ nɩ́ tʋ́ŋ róŋ. 17 Ɛ nɛ́ ŋ bɩɩnɩ́ŋ tɩɩ mɛ́ a bʋlɛ́: Wɩɩsɛ nɛ́ sɩ́ dí nɩtaŋá rɩ́ nɩbɔmɔ wuu sariya. Bee wɩ́ɛ́, wɩ́ɩ́ wuu arɩ́ wɩ́állɩ wuu kenú tɛ́ŋ. 18 Nɩbííne rɩ́, ŋ bɩɩnɩ́ŋ tɩɩ bʋ́lɛ́: Wɩɩsɛ sɩ́ mɩlwɔ́ rɩ́wɔ́ zɩ́ŋ rɩ́ ɓa rɩ́ pʋsɛ wuu nɛ́ ká oŋ balá. 19 Bee wɩ́ɛ́, wɩɩla ná há sɩ́ perí nɩbííne, nɛ́ sɩ́ peri pʋsɛ má; wɩɩla balá nɛ́. Oro wuu wʋɔ́ wólli lú lɛ́ sʋʋ nɛ́ŋ mɛ́; ŋ né sʋwɛ, ŋ né má sʋwɛ, ɓa wuu rɩ́ hiẽso nɩ́. Ɛ nɛ́ tɛ́, nɩbiino tɩ́ŋ ná ʋ há kene pʋsɛ nyuu wɩ mʋ́l wuu kene; ɓa wuu ká wɩ́yɔ́ɔ́wa. 20 Onni ná wuu a rɩ́wɔ́ bɩrzʋ dɩ́balá nɛ́,
ɓa wuu há lɛ́ tíé kúŋkulo mɩ́,