Nɩɛ ná há dí múúre kéŋ yɩɛla
123
1 Yɩl ná ɓa háá yɩ́ɛ́, rɩ ɓa nɛ́ kuó zʋ́ ŋmɛ́nɔ,
aá mʋ́ Wɩɩsɛ dɩmɩnɩ́.
Ŋ baŋɔ aá bélí ní,
ɩ nɛ́ŋ ná háá dí kuorí bána nyúú:
2 Anɛ ɛ́ bátʋtʋnna sɩ́ɛ́ há cɔ́wɔ́ nyúútɩ́nawa ná há ká báála nɛ́ŋsa mɛ́,
anɛ ɛ́ tóltʋtʋnnɔ sɩ́ɛ́ há cɔ́ʋ́ nyúútɩ́na ná há ká hál nɛ́ŋsa mɛ́,
á má baŋɔ aá bel Nyuutɩna Wɩɩsɛ, á Wɩɩsɛ ɛ́ nɛ́,
aá dɛllɛ rʋ́ʋ́ fá ráá búŋse.
3 Fá ráá búŋse, Nyuutɩna Wɩɩsɛ, fá ráá búŋse,
beé wɩ́ɛ́, nʋɔsɛ́ (wɩɩla) nɩ́ɩ́sɩ́rá,
4 nɩ́ɩ́sɛ́ nɩ́ɩ́sɩrá, á bʋrɔ.
Mɔmɔ bɩrmɛ gber a pɔ́wɔ́,
Nyʋktɩ́ɩ́na háá lɔrá ɛ́.