Ɩ́ sʋ́l tɛŋfɩ́ɛ́l pá Zerizalɛmɛ
122
1 David yɩl. Yɩl ná ɓa háá yɩ́ɛ́, rɩ ɓa nɛ́ kuó zʋ́ ŋmɛ́nɔ,
aá mʋ́ Wɩɩsɛ dɩmɩnɩ́.
Ŋ satɔrɔ́ nɛ́ ká ɓa sɛ́:
«Á mʋ́ Nyuutɩtɩna Wɩɩsɛ jaa.»
2 Zerizalɛmɛ, á naasɛ
mɩnɩ́ danʋʋsɛ mɛ́.
3 Zerizalɛmɛ, ɩ nɛ́ ká tɔ́ɔ́ ná sɔ́ɛ́ há wero,
ɩ nɛ́ ká tɔ́ɔ́ ná há hé náŋá mɛ́,
a caasɛ a oŋbalá.
4 Ráŋ nɛ́ jɩmʋ́ʋ́la ná
há ká Nyuutɩna Wɩɩsɛ jɩmʋ́ʋ́la mʋ́mʋ́,
anɛ ɛ́ há bile Ɩzɩrayɛl mɛ́,
aá bɛ́ Nyuutɩna Wɩɩsɛ yɩr mɛ́.
5 Beé wɩ́ɛ́, ráŋ nɛ́ Davidi jaa ɓaŋsa cɔ́ŋsɛ
ɓaŋsa ná há ká sarɩ́ya díí ɓaŋsa.
6 Ɩ́ sʋ́l tɛŋfɩ́ɛ́l a pá Zerizalɛmɛ:
Rɩ́ɩ́ naŋnɔ́ŋsɛ mɩ́ŋ tɛŋfɩ́ɛ́l mɛ́;
7 rɩ tɛŋfɩ́ɛ́l mɩnɩ́ zeŋe sɩɛrʋ,
rɩ walmɛ́ sɩ́ kuójɩɩsɛ sɩɛnnɛ mɩ́nʋ́.
8 Ŋ maábináŋá arɩ́rɩ́ŋ naŋnɔŋsɛ yɩr mɛ́,
ŋ sɩ́ bʋlɛ́: «Rɩ tɛŋfɩ́ɛ́l mɩ́nɩ́ mɛ́.»
9 Nyuutɩna Wɩɩsɛ, á Wɩɩsɛ jaa ná yɩr mɛ́,
ŋ co rɩ́ɩ́ dí weri.