Ŋ sɩ́ ká aá bʋl Nyuutɩna Wɩɩsɛ wɩ́állɛ wɩ́ɛ́
118
1 Ɩ́ bɛ́ Nyuutɩna Wɩɩsɛ mɛ́, beé wɩ́ɛ́, ʋ wéró,ʋ nɩcɩtɩkɔ́ mɩnɔ́ a káá mʋ́ wuu.
2 Rɩ́ Ɩzɩrayɛl bʋlɛ́:
«Ʋ nɩcɩtɩkɔ́ mɩnɔ́ a káá mʋ́ wuu.»
3 Rɩ́ Aarɔŋ duó nɩɛ bʋlɛ́:
«Ʋ nɩcɩtɩkɔ́ mɩnɔ́ a káá mʋ́ wuu.»
4 Rɩ́ nɩɛ ná háá fá Nyuutɩna Wɩɩsɛ héwíŋ bʋlɛ́:
«Ʋ nɩcɩtɩkɔ́ mɩnɔ́ a káá mʋ́ wuu.»
5 Ŋ sɩɛrʋ fá há zɔkɛ, ŋ yɩrɛ Nyuutɩna Wɩɩsɛ:
Nyuutɩna Wɩɩsɛ saŋɩ́ŋ sʋlɛ́, a láŋ tá.
6 Nyuutɩna Wɩɩsɛ káŋ tɩllɛ́ nɛ́, héwíŋ wɩ́ŋ kéné,
nɩbííne wóŋ béé áá a>>
7 Nyuutɩna Wɩɩsɛ káŋ tɩllɛ́ nɛ́, ʋ nɩ́ɩ́ pɛ́ŋ mɛ́,
ŋ fɩfɩllɩ́ŋ dɩŋdɔma.
8 Ɩ há yuoli Nyuutɩna Wɩɩsɛ
ʋ nɛ́ cicóí háá yɩɛlɛ nɩbííne.
9 Ɩ há yuoli Nyuutɩna Wɩɩsɛ
ʋ nɛ́ cicóí háá yɩɛlɛ kuóre.
10 Duó wuu nɩɛ fá isó kílíŋ:
Nyuutɩna Wɩɩsɛ yɩr mɛ́, ŋ kírwó
ɓa fá pɩsɛ náŋá mɛ́.
11 Ɓa fá kílíŋ, ɓa fá cáásɔ́ kílíŋ:
Nyuutɩna Wɩɩsɛ yɩr mɛ́, ŋ kírwó
ɓa fa pɩsɛ náŋá mɛ́.
12 Ɓa kílíŋ anɛ tuwie;
ɓa sɩɛ́ mʋɔlɔ́ anɛ sɔrɛ níŋ,
Nyuutɩna Wɩɩsɛ yɩr mɛ́, ŋ kírwó
ɓa fa pɩsɛ náŋá mɛ́.
13 Ɩ fá yikíŋ aá já rɩ́ŋ ɓál nɛ́,
amá Nyuutɩna Wɩɩsɛ pɛ́ŋ mɛ́.
14 Ʋ nɛ́ káŋ dóé, ʋ nɛ́ tɛ́ ŋ́ cicáási ballɩ́.»
«Ʋ nɛ́ tɛ́ ballɩ́.»
15 Nɩtaŋáwa taŋtɛwa sɩɛnnɛ
satɔrɔ́ arɩ́ ballɩ́ cááse ní:
«Nyuutɩna Wɩɩsɛ néduu nɛ́sɛ tʋ́ŋ tʋtʋŋzeno.
16 Nyuutɩna Wɩɩsɛ néduu nɛ́sɛ ɓɔ́.
Nyuutɩna Wɩɩsɛ nɛ́sɛ tʋŋ tʋtʋŋzeno.»
17 Aɩ́, ŋ́ wáá sʋwɛ, ŋ sɩ́ ká mɩɩsɛ
aá bʋl Nyuutɩna Wɩɩsɛ wɩ́állɛ ná wɩ́ɛ́:
18 Nyuutɩna Wɩɩsɛ mɩlmɩ́ŋ dɩllɛ, ʋ ká taŋá,
amá ʋ wɩ lóé rɩ́ sʋʋ kánɩ́ŋ.
19 Ɩ́ wuri taŋá danʋʋsɛ páŋ,
rɩ́ŋ zʋ́ʋ́ bɛ́ Nyuutɩna Wɩɩsɛ mɛ́.
20 - Nyuutɩna Wɩɩsɛ danʋ́ɔ́ nɛ́;
ráŋ nɛ́ nɩtaŋáwa tɩtɩ́ŋ.
21 Ŋ bɩ́ɩ́ mɛ́ nɛ́, beé wɩ́ɛ́, ɩ saŋɩ́ŋ sʋlɛ́,
ɩ nɛ́ tɛ́ ballɩ́.
22 Dɔ́wɩ́ ná jɩsɔɔra há vɛ́ɛ́ tá,
ɛ́ dɔ́wɩ́ nɛ́ bɩ́rmɛ́ nagbáŋjɛ́ dɔ́wɩ́.
23 Ɛ́ lɩ Nyuutɩna Wɩɩsɛ nɛ́ makɛ ɛ́:
ʋ ká wɩ́gɩrɩ́ rɛ́ á sɩ́ɛ́ mɛ́.
24 Ná tápʋ́l ná Wɩɩsɛ há pʋlɛ:
rʋ́ʋ́ a satɔrɔ́ arɩ́ jʋ́ɔ́sɛ a párá.
25 Nyuutɩna Wɩɩsɛ pá ballɩ́, pá ballɩ́.
Nyuutɩna Wɩɩsɛ pá laatɛ́, pá laatɛ́.
26 Rɩ́ Wɩɩsɛ hé bárka pá nɛrɔ ná háá ko Nyuutɩna yɩr mɛ́.
- A púl Nyuutɩna Wɩɩsɛ jaa mɛ́ nɛ́,
a hé bárka aá pɛ́ɩ́wa.
27 Nyuutɩna Wɩɩsɛ dʋŋɔ nɛ́ ká Wɩɩsɛ,
ʋ nɛ́ párá pʋmmɔ:
Ɩ hé kolli, ɩ́ ká paarʋ ɩ́ nɛ́ŋsa mɛ́,
a vaa mʋ́ peri koro nyɩsɛ.
28 - Ɩ nɛ́ káŋ Wɩɩsɛ, ŋ́ bɩ́ɩ́ mɛ́ nɛ́,
ŋ́ dɛnnɩ́ nɛ́ ŋ Wɩɩsɛ.
29 Ɩ́ bɛ́ Nyuutɩna Wɩɩsɛ mɛ́, beé ʋ wéró,
ʋ nɩcɩtɩkɔ́ mɩnɔ́ a káá mʋ́ wuu.