Nɛrɔ ná há fori sʋʋ mɛ́ sʋ́lɛ́
116
1 Ŋ có Nyuutɩna Wɩɩsɛ,beé wɩ́ɛ́, ʋʋ́ nɩ́ŋ jɛnnɛ,
2 ʋ ɓílú dɩllɛ cáásɩ́ŋ,
ŋ hiẽso mí ŋ sɩ́ yɩyɩrʋ́ yɩr.
3 Sʋʋ vɔɔsɛ fá háásɩ́ŋ,
lɛlɛ tɔ́ɔ́ héwíŋ fá kéníŋ
wɩɩla arɩ́ sazɔkɔ́ fá mɩnɩ́ŋ mɛ́,
4 ɛ́ nɛ́ ŋmɔwɛ búŋse Nyuutɩna Wɩɩsɛ yɩr mɛ́:
«Ŋ sʋlɩ́ Nyuutɩna Wɩɩsɛ, láŋ tá.»
5 Taŋá arɩ́ sawér mɩ́ŋ Nyuutɩna Wɩɩsɛ rɩ́;
á Wɩɩsɛ kéŋ susúfɔ́ɔ́.
6 Nyuutɩna Wɩɩsɛ nɩ́ɩ́ pɔ́ nɩɛ ná há wɩ bɔ́ŋbɔ́ŋ a mɛ́:
ŋ fá há wɩ dóé kéné, ʋ nɛ́ láŋ tá.
7 Ŋ dʋma, bɩrzʋ́ fɩ́ɛ́la sɩɛrʋ,
beé wɩ́ɛ́, Nyuutɩna Wɩɩsɛ a wérí pɛ́ɩ́.
8 Ɩ láŋ tá sʋʋ mɛ́,
ɩ kɛ́rɩ́ŋ mɛ́ rɩ́ sɩ́mɩɩrʋ,
a pɔ́ rɩ́ŋ sɩ́ŋ naasɛ ŋmɔ́sɛ,
9 a rɩ́ŋ vɩva nɩwomme tɔ́ɔ́ mɛ́,
ká Nyuutɩna Wɩɩsɛ bíbélíŋ mí.
10 Tɛ́ŋ ná má tɩɩ mɛ́ ŋ fá sɛ́:
«Ŋ cáásɔ́ aá ná wɩɩla rɛ́»,
ŋ fá kéŋ yɩɛla.
11 Ŋ vukme ná sɩɛrʋ, ŋ fá sɛ́:
«Nɩɛ wuu ká nyɛ́tɩɩna nɛ́.»
12 Ɛ́ rɛ́ɛ́ rɛ́ ŋ sɩ́ a ká túŋ Nyuutɩna Wɩɩsɛ,
wɩwéré ná wuu ʋ há ɛ́ɛ́ páŋ yɩr mɛ́>>
13 Ŋ sɩ́ ká ballɩ́ nyíŋgbaŋa ɓɔ́,
ká yɩr Nyuutɩna Wɩɩsɛ yɩr;
14 ŋ sɩ́ lɩ́sɩ́ŋ nʋtallɛ ná, ŋ há tɛ́ɛ́ pá Nyuutɩna Wɩɩsɛ,
ʋ nɩɛ wuu sɩ́ɩ́ mɛ́.
15 Nɩɛ ná há cɩ́nɛ́ tɩkɛ Nyuutɩna Wɩɩsɛ
sʋʋ wʋ́ʋ́ mɛ́.
16 Nyuutɩna Wɩɩsɛ, ŋ sʋlɩ́ rɛ́,
beé wɩ́ɛ́, ŋ kɛ́ɩ́ tʋtʋnnɔ nɛ́.
Ŋ kɛ́ɩ́ tʋtʋnnɔ nɛ́, ɩ hátʋtʋnnɔ bio.
Ɩ nɛ́ conníŋ vɔɔsɛ.
17 Ŋ sɩ́ ɔsɛ vʋk a bɩ́ɩ́ mɛ́ (a cʋɔlɩ́),
ŋ sɩ́ yɩr Nyuutɩna Wɩɩsɛ yɩr;
18 ŋ sɩ́ lɩ́sɩ́ŋ nʋtallɛ ná, ŋ há tɛ́ɛ́ pá Nyuutɩna Wɩɩsɛ,
ʋ nɩɛ wuu sɩ́ɩ́ mɛ́;
19 Nyuutɩna Wɩɩsɛ jaa wuolli sɩɛnnɛ,
Zerizalɛmɛ nɩɛ sɩsɩɛnnʋwa.
Á bɛ́ Wɩɩsɛ mɛ́.