Wɩɩsɛ dʋŋɔ nɛ́ tɛ́ píŋ
115
1 Á wɩ deke, Nyuutɩna Wɩɩsɛ á wɩ deke,amá ɩ yɩr mɛ́, ló ráá dí píŋ,
ɩ nɩcɩtɩkɔ́ arɩ́rɩ́ɩ́ sawér yɩr mɛ́.
2 Beé rí tɛ́ rɩ́ duówa nɩɛ bʋlɛ́:
«Ɓa Wɩɩsɛ ná mɩ́ŋ nɛ́ɛ́>>»
3 Á Wɩɩsɛ mɩ́ŋ bána nyúú;
ʋ có ná wuu, ʋʋ́ tʋ́mʋ́ nɛ́.
4 Ɓa venni ní ká wárɛ arɩ́ salmɛ,
nɩbííno nɛ́sɛ oŋ'aalɛ́:
5 Ɓa kéŋ nʋʋsɛ ká wɩ wɩ́ɛ́ bʋl;
ɓa kéŋ sɩ́ɛ́ ká wɩ ráŋ ná;
6 ɓa kéŋ dɩlla ká wɩ wɩ́ɛ́ nɛ́;
ɓa kéŋ mɩŋsa ká wɩ sɔŋ nɛ́;
7 ɓa kéŋ nɛ́ŋsa ká wɩ oŋ mí wúó tɩkɛ;
ɓa kéŋ naase ká wáá va;
dɔmɛ oro wuu wʋ́ʋ́ líŋɓorewa sɩɛnnɛ dɔŋ.
8 Ɓa rɩ́wɔ́ mɩ́máára nɩhɩ̃́ náŋá,
nɩɛ ná wuu háá yɩɛlɩ́wɔ́, ɓa rɩ́wɔ́ nɛ́ ká balá.
9 Ɩzɩrayɛl nɩɛ, ɩ́ yɩɛlɛ Nyuutɩna Wɩɩsɛ nɛ́.
- Ʋ nɛ́ kɛ́ɩ́wa sɩsaŋnɔ, ɩ́ hɔkɛrɛ nɛ́ ɛ́.
10 Aarɔŋ dunɩɛ, ɩ́ yɩɛlɛ Nyuutɩna Wɩɩsɛ nɛ́.
- Ʋ nɛ́ kɛ́ɩ́wa sɩsaŋnɔ, ɩ́ hɔkɛrɛ nɛ́ ɛ́.
11 Ɩ́ nɩɛ ná háá fá Nyuutɩna Wɩɩsɛ héwíŋ,
ɩ́ yɩɛlɛ Nyuutɩna Wɩɩsɛ.
- Ʋ nɛ́ kɛ́ɩ́wa sɩsaŋnɔ, ɩ́ hɔkɛrɛ nɛ́ ɛ́.
12 Nyuutɩna Wɩɩsɛ bɩ́ɩ́nɩ́rá wɩ́ɛ́,
ʋ hé bárka:
ʋ sɩ́ hé bárka pá Ɩzɩrayɛl duó nɩɛ,
ʋ sɩ́ hé bárka a pá Aarɔŋ duó nɩɛ,
13 ʋ sɩ́ hé bárka a pá nɩɛ ná
háá fá Nyuutɩna Wɩɩsɛ héwíŋ,
a pá nɩwíísi arɩ́ nɩhɩ́ɛ̃́sɛ.
14 Rɩ́ Nyuutɩna Wɩɩsɛ a,
rɩ́ɩ́wa rɩ́rɩ́ɩ́wa bɛlɛ nɛrɛ.
15 Rɩ́ Nyuutɩna Wɩɩsɛ, bána arɩ́ tíé mɩ́máárɔ́,
hé bárka pɛ́ɩ́wa.
16 Bána ká Nyuutɩna Wɩɩsɛ tɩ́llɛ́ nɛ́,
amá, ʋ pi tíé pá nɩbííne.
17 Sʋsɛ /lɛlɛ wɩ Nyuutɩna Wɩɩsɛ píŋsi
ɓa wuu mɩ́ŋ siklé tɔ́ɔ́ mɛ́ nɛ́.
18 Amá á é, a pɔ́ mʋ́l né mí a káá mʋ́ wuu,
áá bɛ́ Nyuutɩna Wɩɩsɛ mɛ́.
Á bɛ́ Wɩɩsɛ mɛ́