Wɩɩsɛ nɩɛ nɩ́ɩ́ dɛ́nnʋ́
100
1 Cʋɔla yɩl.
Tíé wuu, ɩ́ ŋmɔ́wɛ nɛ́ŋsa a bɛ́ Nyuutɩna Wɩɩsɛ mɛ́.
2 Ɩ́ cʋɔlɛ Nyuutɩna Wɩɩsɛ arɩ́ satɔrɔ́;
ɩ́ jʋ́ɔ́sɛ a zʋ́ʋ́ sɩ́ɛ́.
3 Ɩ́ zɩ́ŋ rɩ́ Nyuutɩna Wɩɩsɛ nɛ́ ká Wɩɩsɛ.
Ʋ nɛ́ márá, a tɩ́llɩ́rá,
á kɔ́ʋ́ nɩɛ nɛ́, ʋ nɩ́nʋɔlɛ.
4 Ɩ́ tɩ́ŋʋ́ dánʋʋsɛ a zʋ arɩ́ cʋɔla,
ʋ wuolli sɩɛnnɛ, a bʋ́ʋ́ mɛ́;
ɩ́ píŋsú, ɩ́ bárkʋ́.
5 Beé wɩ́ɛ́, Nyuutɩna Wɩɩsɛ wéró:
ʋ nɩcɩtɩ́kɔ́ mɩ́nɔ́ a káá mʋ́ wuu,
ʋ kéŋ colle a káá mʋ́ bɩŋsɛ rɩ́ bɩŋsɛ.