Ɩ́ ɓáárɛ Nyuutɩna Wɩɩsɛ, beé wɩ́ɛ́, ʋ kɔ́ʋ́ dʋŋɔ rɛ́
99
1 Nyuutɩna Wɩɩsɛ nɛ́ ká kuóro:Nɩɛ vɩvaklɛ!
Ʋ nɩ́ɩ́ dí kuorí malɩkawa nyúú:
héwíŋ kéŋ tíé.
2 Nyuutɩna Wɩɩsɛ zeno, a mɩ́ŋ Sɩɔŋ mɛ́,
ʋ ʋ nɛ́ ká bɩbár duó wuu nɩɛ sɩɛrʋ.
3 Rɩ́ duo wuu nɩɛ dɛ́nnɩ́ yɩr ná há zeno, a ká héwíŋ.
Ɩ kɛ́ɩ́ dɔŋɔ rɛ́.
4 Kuóro dóé ní ká rʋ́ʋ́n colli taŋá.
Ɩ nɛ́ a wɩ́ɛ́ ɓa sɩ́ɛ́ mɛ́.
Yɛ́rɛ arɩ́ taŋá ná há mɩ́ŋ Zakɔbɛ mɛ́,
ɩ nɛ́ ɔ́wɔ́:
5 Ɩ́ píŋsi Nyuutɩna Wɩɩsɛ, á Wɩɩsɛ
ɩ́ ɓírmi, a kánɩ́wa sɩ́ɛ́ cú tíé ʋ naasɛ dɩsakɩ́ sɩ́ɛ́.
Ʋ kɔ́ʋ́ dɔŋɔ rɛ́.
6 Vʋk'ɔɔsa sɩɛrʋ, Moyizi arɩ́ Aarɔŋ
arɩ́ Samɩɛl há ká nɩɛ ná fa háá yɩ́rʋ́ yɩr,
ɓa sɩɛrʋ oro,
ɓa fáá yɩrɛ Nyuutɩna Wɩɩsɛ,
ʋ saŋwɔ́ yɩrɛ́.
7 Ʋ fa mɩ́ŋ dobasɛ kaá bʋl wɩ́ɛ́ ɓa rɩ́.
Ɓa tɩ́ŋʋ́ wɩ́makɛ́ ná,
arɩ́ wɩ́bile ná ʋ fá há makɛ a pɔ́wɔ́.
8 Nyuutɩna Wɩɩsɛ, á Wɩɩsɛ,
ɩ tɩɩ nɛ́ fa lɩ́sɛ nʋɔ a pɔ́wɔ́,
ɩ fa kéŋ nyamma a cáásɩ́wɔ́,
amá ɩ fáá bɛ́ŋsɩ́wɔ́ ɓa wɩ́bɔma wɩ́ɛ́:
9 Ɩ́ bɛ́ Nyuutɩna Wɩɩsɛ, á Wɩɩsɛ mɛ́.
Ɩ́ ɓírmi a cúíwa sɩ́ɛ́ tíé, ʋ paalɔ́ ná kɔ́ʋ́ tɩ́llɛ sɩ́ɛ́,
beé wɩ́ɛ́, Nyuutɩna Wɩɩsɛ, á Wɩɩsɛ kɔ́ʋ́ dʋŋɔ rɛ́.