Ŋ sazɔkɔ́ sɩɛrʋ, ŋ yɩrɔ́ aa hé Wɩɩsɛ mɛ́ nɛ́
77
1 Azafɛ yɩl, a mɩ́ŋ gɔkɩ'áná Yedutuŋ gɔkɩ́ sɩɛrʋ
2 Ŋ cááso, a yɩrɛ aá hé Wɩɩsɛ mɛ́ nɛ́;
ŋ yɩrɔ́ aá hé Wɩɩsɛ mɛ́ nɛ́, ʋ sɩ́ zésíŋ sʋ́lɛ́.
3 Ŋ́ já Nyuutɩna, ŋ sazɔkɔ́ tɛ́ŋ mɛ́.
Tɩtáŋ, ŋ ɓɔ́ŋ nɛ́ŋsa cáásʋ́, ká waá bɔ́l,
ŋ waá já rɩ́wɔ́ bʋ́ɔ́lɩ́ŋ.
4 Rɩ́ŋ nɛ́ líísi Wɩɩsɛ wɩ́ɛ́, ŋ́ hííni ní;
rɩ́ŋ bɩ́ɩ́nʋ́ wɩ́ɛ́, ŋ sɩɛrʋ de zɔkɛ nɛ́; \qs Dɩfɩɛlɩ́;\qs
5 ɩ pɔ́ rɩ́ŋ sɩ́ɛ́ sɩ́ tɔ́,
ŋ sɩɛrʋ zɔkɔ́, ŋ́ wɩ́ŋ há sɩ́ bʋ́lʋ́ ɛ̃́:
6 ŋ́ bɩ́ɩ́nɛ díé wɩ́ɛ́,
bɩŋsɛ ná há dáárɛ́ wɩ́ɛ́.
7 Tɩtáŋ, ŋ́ wɩ́ŋ yɩl ná wɩ́ɛ́ sʋllɛ,
ʋ mɩ́nɩ́ŋ sɩɛrʋ,
ŋ bʋbɔ́sɩ́ŋ tɩɩ, ŋ́ sabɩɩna mɛ́ a bʋ́lɛ́:
8 Nyuutɩna sɩ́ vɛ́ nɛ́ŋ tá déŋdéré>>
Ʋ baá waá ló rʋ́ʋ́ cɔ́ɛ́ pɔrɛ>>
9 Ʋ nɩcɩtɩkɔ́ tenno ɓóŋɓóŋ ní>>
Ʋ baá wɩ wɩ́bʋlɛ kéné bɩ́na rɩ́ bɩ́na>>
10 Wɩɩsɛ sʋllɛ wér ɛ́ɛ́ mɛ́ rɩ nɛ́>>
Cɔ́wɩɩlɔ́ ɔ́ɔ́ ʋ tɔ́ʋ́ sɩɛrʋ rɩ nɛ́>> \qs Dɩfɩɛlɩ́.\qs
11 Ŋ bʋ́lɩ́ŋ tɩɩ mɛ́, a bʋ́lɩ́ŋ pʋ́ɔ́lɩ́ lɩ wɩ́ɩ́ né ní:
Wɩɩsɛ ná há kɛ́ oŋ wuu, néduu nɛ́sɛ ná ráá baá too.
12 Ŋ sɩ́ líísi Nyuutɩna wɩ́állɛ ná wɩ́ɛ́;
ʋ ká ɛ́ ná, ŋ sɩ́ bɩ́ɩ́nɩ́ díé wɩ́nyáŋsɛ ná wɩ́ɛ́.
13 Ŋ sɩ́ bɩr cesi wɩ́ɛ́ ná wuu ɩ há ɛ́ɛ́,
ŋ sɩ́ líísí wɩ́állɛ ná wɩ́ɛ́:
14 Wɩɩsɛ, ɩ ŋmɛ́nɔ kɔ́ʋ́ dʋŋɔ́!
véŋ orí rí zéné a mɔ́ Wɩɩsɛ>>
15 Ɩ nɛ́ ká Wɩɩsɛ ná há a wɩ́nyáŋsɛ,
ká makɩ́ dóé nɩɛ sɩɛrʋ.
16 Ɩ vadóé nɛ́ lɛ́ɩ́ nɩɛ tá,
Zakɔbɛ bɛlɛ arɩ́ Zɔzɛfɛ bɛlɛ a tá.\qsDɩfɩɛlɩ́. \qs
17 Wɩɩsɛ, nyii néé,
nyii sɩ́ɛ́ fá há néé, ɓa vaklɔ́,
mʋʋ má tɩɩ ziklo rí.
18 Duobasɛ bɩ́sɩ́wɔ́ nyii ɓa tuwi,
bána yɛ́l ká líŋo dɔ́ŋ (duóŋ ɓɛ́ bána mɛ́ ʋ líŋo lɩ́lɛ́)
kɛ́ɩ́ hɛ́mɛ́ fíl lá dɩhɩ̃́ wuu.
19 Ɩ duóɓɛllɛ ná tɛ́ŋ mɛ́,
duófɩllɛ hé pʋmmɔ dúníé mí,
héwíŋ ká tíé, ʋ vaklɛ.
20 Ɩ cakɩ́ ŋmɛ́nɔ mʋʋ sɩ́sɩ́ɛ́nnʋwa
a lɩ́sɩ́ dɩtɩŋɩ́ nyiluŋe sɩɛrʋ,
ká nɛ́ŋ wɩ́ɩ́ nabulle néé.
21 Ɩ nʋ́ɔ́lɩ́ nɩɛ anɛ pʋsɛ nɛ́,
a tɩ́ŋ Moyizi arɩ́ Aarɔŋ mɛ́.