Ɩ́ bɛ́ Wɩɩsɛ ná há lá rá tá mɛ́
66
1 Gɔkɩ́. Yɩl ná há gɔkɛ áná gɔkɩ́ sɩɛrʋ.
Tíé nyúú nɩɛ wuu, ɩ́ bɛ́ Wɩɩsɛ mɛ́;
2 ɩ́ yɛ́ yɩɩla píŋsú yɩr,
ɩ píŋsú a tɩ́ŋ yɩɩla mɛ́.
3 Ɩ́ bʋl Wɩɩsɛ rɩ́ a bʋ́lɛ́: «Ɩ wɩ́állɛ kéŋ héwíŋ!
A tɩ́ŋɩ́ dozeno ná yɩr mɛ́, ɩ dɩŋdɔma bʋɔlɩ́ (wɩ sɛ́ kéné).
4 Tíé nyúú nɩɛ wuu ɓírmí sɩ́ɛ́, a káŋwɔ́ sɩ́ɛ́ cú tíé,
a yɩ yɩɩla a pɛ́ɩ́, aá dɛnnɩ́ yɩr.» \qs Dɩfɩɛlɩ́.\qs
5 Ɩ́ ká sɩ́ɩ́ ko ná Wɩɩsɛ wɩ́állɛ,
wɩ́zeŋse ná ʋ há ɛ́ɛ́ ɓa ká héwíŋ a pá nɩbííne:
6 Ʋ ɔ́ɔ́ mʋʋ hɩl anɛ tɩ́yɔ́ɔ́
ɓa zʋ́ fuo daarɛ, ká nyii wɩ nɛ́ŋ naa mɛ́ tɩkɛ;
ɛ́ mɛ́ nɛ́ á dí cana aá pɔ́ʋ́.
7 Ʋ nɛ́ kéŋ sɛ́ tɛ́ŋ wuu mí, ʋ dóé ná yɩr mɛ́,
ʋ sɩ́ɛ́ cɔ́ dúó wuu nɩɛ mɛ́;
rɩ nyúdotɩɩna sɩ́wɔ́ nyúnni kaa ɓɔ́. \qs Dɩfɩɛlɩ́.\qs
8 Ɩ́ bɩrá Wɩɩsɛ mɛ́, dúó wuu nɩɛ;
ɩ́ dɛ́nnʋ́ rɩ nɩɛ wuu nɛ́.
9 Ʋ nɛ́ŋ ná há tɛ́ á ká mɩɩsɛ,
ʋ wɩ lóé rɩ wɩɩla púrá.(ráá ŋmɔsɩ́rá naasɛ)
10 Ɩ kɩ́ɛ́lɩ́rá rɛ́ Wɩɩsɛ,
ɩ lɩ́sɩ́ra busunnú sɩɛrʋ anɛ ɛ́ ɓa háá lɩ́sɛ warɛ busunnú.
11 Ɩ kéŋ kéŋrá mʋ́ hé bara sɩɛrʋ,
ɩ vɔwɩrá tɩŋsɛ ɓarɛ cɩkzime;
12 ɩ lóú ɓa bɛ́ŋsɩ́rá anɛ pʋsɛ.
Á zʋ́ níŋ arɩ́ nyii sɩɛrʋ,
ɩ nɛ́ taŋá lɩ́sɩ́rá ráŋ a dí cana párá.
13 Vʋ́kfisé ní ŋ́ kaá kóí jaa sɩɛrʋ;
ŋ lɩ́sɩ́ŋ nʋtallɛ a pɛ́ɩ́,
14 nʋtallɛ ná ŋ há wúríŋ nʋɔ
ŋ saɔkɔ́ tɛ́ŋ mɛ́ a tá.
15 Pʋsɛ ná há kéŋ nʋʋ, ɓa nɛ́ ŋ kɛsɛ a ɔsɛ vʋ́kfisé aá pɛ́ɩ́,
arɩ́ peɓallɛ arɩ́ áŋsáŋsɛ;
ŋ kéné tɩɩ rɩ́ŋ kɛsɛ nɔɓallɛ arɩ́ bʋŋgboksi a pɛ́ɩ́. \qs Dɩfɩɛlɩ́.\qs
16 Ɩ́ nɩɛ ná wuu há fá Wɩɩsɛ, ɩ́ ko
a zesi, ká rɩ́ŋ cesi
wɩ́ɛ́ ná ʋ há ɛ́ɛ́ a páŋ.
17 Tɛ́ŋ ná mɛ́, ŋ há búŋse a yɩ́rʋ́,
rʋ́ʋ́ dɛ́nnɛ́ má mɩnɩ́ŋ nʋɔ mɛ́.
18 Rɩ bɔ́ŋbɔ́ŋ fá mɩnɩ́ŋ sɩɛrʋ,
Nyuutɩna fa wɩ́ŋ sʋ́lɛ́ zesi.
19 Amá Wɩɩsɛ ɓilú dɩllɛ caasɩ́ŋ,
ʋ zésíŋ sʋ́lɛ́.
20 Wɩɩsɛ nɛ́ tɛ́ cʋɔla,
ʋ há wɩ́ŋ sʋ́lɛ́ vɛ́,
ká cɛ́ tɩ́kɩ́ŋ wɩ́ɛ́.