52
1 David yɩl, a mɩ́ŋ gɔkɛ nɔhɔ̃́ gɔkɩ́ sɩɛrʋ.2 Tɛ́ŋ ná mɛ́ Dʋwɛgɛ ná há lɛ́ Edoŋ há kúé bʋl Sayul rɩ́ a bʋlɛ́: «Davidi mɩ́ŋ Ahɩmɛlɛkɛ jaa mɛ́.»
3 Beé rí tɛ́, ɩ nyʋ́nyʋ́kɩ́ tɩɩ bɔ́ŋbɔ́ŋ ɛ́ɛ́ mɛ́>>
Wɩɩsɛ nɩcɩtɩkɔ́ mɩnɔ́ tápʋ́l wuu.
4 Ɩ nɔŋdʋlɩ́ wɩ́bɩ́ɩ́nɛ́ nɛ́ ká wɩ́bɔma;
ʋ kéŋ nʋɔ anɛ nyufʋnɛ́ ná háá díé ní;
ʋ wo nɩɛ gɩrmɛ́ wérí.
5 Ɩ có bɔ́ŋbɔ́ŋ a kɩllɛ weri
a colli nyɩɛrʋ má a kɩllɛ taŋá. \qs Dɩfɩɛlɩ́\qs
6 Nɔŋdɩlɩ́ bɔmɔ,
ɩ có wɩ́bʋlɛ ná háá zʋ́ nɩɛ mɛ́.
7 Wɩɩsɛ tɩɩ nɛ́ sɩɛ́ sɩ́ zɔkɩ́ ɓóŋɓóŋ,
ʋ sɩ́ pɔ́sɩ́ lɩsɛ ɩ taŋtɛ sɩɛrʋ,
ʋ sɩ́ huri a lɩ́sɩ́ nalúrsi nɩwomme tɔ́ɔ́ mɛ́. \qs Dɩfɩɛlɩ́.\qs
8 Nɩtaŋáwa sɩ́ɩ́ há sɩ́ nóú ɛ́ ná, héwíŋ sɩ́ káŋwɔ́,
ɓa sɩ́ mɔ́mʋ́ ká bʋ́lɛ́:
9 Ná bɩbár ná há nɛ́ ɛ́ ná,
ʋ fá wɩ Wɩɩsɛ pie mákʋ́ pʋpɔ́ɔ́rɔ,
ʋ fá púú yɩɛla a hóú kuóɓɩɛ́ mɛ́ nɛ́,
a bɩ́rmɛ bɩbár a tɩ́ŋʋ́ wɩ́bɔma ɛ́ɛ́ mɛ́.
10 Amá ŋ é nɩhɩ̃́ oliívi tuu ná paarʋ há laawɔ́ nɛ́,
ŋ mɩ́ŋ Wɩɩsɛ jaa mɛ́,
ŋ yɩɛla wuu mɩ́ŋ Wɩɩsɛ nɩcɩtɩkɔ́ ná mɛ́ nɛ́
a kaá mʋ́ wuu.
11 Ŋ sɩ́ bɔllɩ́ tɛ́ŋ wuu mí, beé wɩ́ɛ́, ɩɩ́ tʋ́mʋ́;
ŋ kéní (yɩr) ná yɩɛla, beé wɩ́ɛ́,
ɩ wéró a pɛ́ɩ́ laadííre.