Nɩvɛ́taalɛ́ wɩ́ɛ́
(Bel Yɩɩla 74; 79; 80)
44
1 Koore bɛlɛ cáánɛ, a mɩ́ŋ yɩɩla nyúútɩ́na yɩɩla kɛnɔ sɩɛrʋ.
2 Á dɩlla nɩ́ɩ́ wɩ́ɛ́, Wɩɩsɛ,
á ánáwa césó a párá,
oŋ ná ɩ die há ɛ́ɛ́ pɔ́wɔ́
ɓa mɩnɛ́ mɛ́.
3 Ɩ tɩɩ nɛ́sɛ nɛ́ kiri duówa náŋá ká láwɔ́ tíé a pɔ́wɔ́ ɓa ké,
ɩ nɛ́ bɛ́ŋsɛ nɩɛ náŋá ká káŋrá ánáwa tíé jɛllɛ.
4 Ɓa tokówíé ráá wɩ tɔ́ɔ́ ná lɛ́ɛ́ a pɔ́wɔ́,
ɓa vádóé rá wɩ ballɩ́ lɛ́ɛ́ a pɔ́wɔ́,
amá ɩ néduu nɛ́sɛ, ɩ vádóé arɩ́rɩɩ sapʋmmɩ́ nɛ́ tɛ́,
beé wɩ́ɛ́, ɩ fá cówó.
5 Wɩɩsɛ, ɩ nɛ́ káŋ kuóro,
a wɩ́ɩ́, rɩ Zakɔbɛ dí ballɩ́.
6 Ɩ dányʋɔsɛ mɛ́ nɛ́, á wolli kiráá dɩŋdɔma,
ɩ yɩr mɛ́ nɛ́ á nʋ́ɔ́sɛ nɩɛ ná cɩ́ŋrá mɛ́
7 Ŋ yɩɛla fá tóŋ tuo mí ní,
ŋ tokówí rá fá wɩ ballɩ́ lɛ́ɛ́ páŋ.
8 Ɩ nɛ́ ɛ́ɛ́ á dí dóé á dɩŋdɔma nyúú,
ɩ nɛ́ ɛ́ɛ́ nɩɛ ná cɩ́ŋrá mɛ́ dí hɩ̃́ɩ̃́sɛ.
9 Tápʋ́l é wuu, á yɩ yɩɩla aá píŋsi Wɩɩsɛ,
aá dɛ́nnɩ́ yɩr dɩŋɛ. \qs Dɩhiẽsi.\qs
10 (Ká arɩ́ ɛ́ wuu, ɩ) kɛ́ɩ́ vɛ́ ráá tá, a ló á dí hɩ́ɩ́sɛ,
ɩ baá wɩ lalyóóre kaa mʋ́ lalwa.
11 Nɩɛ ná há cɩ́ŋrá mɛ́, ɩ ɔ́ɔ́ á pírá har nɛ́ cáásɩ́wɔ́,
ká á dɩŋdɔma párá ɓɩ́ɛ́.
12 Ɩ pirá a pɔ́wɔ́ anɛ pewiisi ɓa há kɛ́sɛ́ aá mʋ́ dɩɓʋ́ɩ́,
ɩ ɔ́ɔ́ á pɩsɛ a zʋ́ duówa náŋá sɩɛnnɛ.
13 Ɩ yɛ́llɩ́ nɩɛ mɔlɛ kɩ́ŋkáŋ,
ɓa yɛ́llɛ́ wɩ nyʋ́ɔ́rɛ kéné a pɛ́ɩ́.
14 Ɩ lóú á kénninaŋá tʋtʋ́ksɩ́rá,
á kile nɩɛ wuu lɩlɔ́rá, aá mɔ́ŋrá.
15 Ɩ ɔ́ɔ́ á bɩ́rmɛ yɩl duhʋ́ɔ́ra nʋʋsɛ mɛ́,
nɩɛ cɩ́rá sɩ́ɛ́ mɛ́ a yiksíwó tɩɩ.
16 Ŋ ɓɩdííli ní ká yɩtʋ́ɔ́mɔ tápʋ́l wuu,
híɩ́sɛ nɛ́ káŋ nyinyɔ́ɔ́lɛ (tɔ́ŋ sɩ́ɛ́ mɛ́),
17 dɩŋdɔmɔ ná háá dúú tɛŋbuóro,
ʋ nʋtʋ́ksɛ arɩ́rʋ́ wɩ́bʋ́ltɩ́ɛ́nnɛ ná ŋ háá nɩ́ɛ́ wɩ́ɛ́.
18 Nyáŋ wuu péríra, ká á há wɩ́ɩ́ mɛ́ sʋ́llɛ́,
á wɩ́ɩ́ nʋtʋmɛ ná báásɛ;
19 á sɩɛnnɛ wɩ́ɩ́ mɛ́ cɔ́rmɛ (kɛ́kɛ́)
á naasɛ wɩ́ɩ́ ŋmɛ́nɔ́ mɛ́ cʋrɛ,
20 kɛ́ɩ́ bɛ́ŋsɩ́rá baka vasɛ tíé mí
a a sʋʋ cúúno ko tɔ́rá mɛ́.
21 Rɩ ráá nɛ́ sʋ́llɩ́rá Wɩɩsɛ yɩr mɛ́,
ká tɛ́rá nɛ́ŋsa venni rí,
22 Wɩɩsɛ ná há ɛ̃́ nɩbííne sɩɛnnɛ wɩ́féŋse wuu
ʋ fá waá zɩ́ŋ rɛ́>>
23 Ɩ wɩ́ɛ́ nɛ́ tɛ́ ɓaá ɓʋ́ʋ́sɩ́ra tápʋ́l wuu,
a pirá makɛ pieŋse ɓa há kéné aá mʋ́ dɩɓʋ́ɩ́!
24 Nyuutɩna, isi, beé rí tɛ́ ɩ sikli>>
A wɩ́ɩ́, ká sɩ́ ráá vɛ́ tá ɓóŋɓóŋ.
25 Beé rí tɛ́ ɩ nyʋmmɩ́ sɩ́ɛ́,
a sʋllɩ́rá wɩ́halawa arɩ́rá wɩɩlawa mɛ́>>
26 Beé wɩ́ɛ́ á pi tíé ní,
arɩ́ tíé mɔ́ náŋá, kúŋkulo sɩɛrʋ, aá billi.
27 Cɛ́ daha! Pɛ́ ráá mɛ́!
Yɔwɛ lá ráá tá, ɩ nɩcɩ́tɩ́kɔ́ ná yɩr mɛ́!