YƖƖLA BƲLLƐ NYÚÚ MÍ KƐNƆ
(Yɩɩla sápiítiri 42-72)
...Anɛ áŋ háá hííne
42
1 Koore bɛlɛ cáánɛ. A mɩ́ŋ yɩɩla nyúútɩ́na yɩɩla kɛnɔ sɩɛrʋ.
2 Ŋ Wɩɩsɛ, ŋ hɩ́ɛ́nɩ́ arɩ́rɩ́ŋ dʋma wuu
anɛ ɛ́ áŋ háá hɩ́ɛ́nɛ nyii.
3 Wɩɩsɛ ná há wommo nyinyʋ́ɔ́sɛ kéníŋ:
Tɛ́ŋ beé rí rɩ́ŋ pérú, a kénú sɩ́ɛ́>>
4 Wɔhɔ arɩ́ tɩ́táŋ wuu, sɩ́mɩɩrʋ nɛ́ káŋ ɓɩdííli,
tápʋ́l wuu ɓa háá bʋ́lɛ́:
«Ɩ Wɩɩsɛ ná mɩ́ŋ nɛ́ɛ́ rɛ́>>»
5 Ŋ wɩ sʋ́llɛ́,
tɛ́ŋ ná mɛ́, ŋ há dí nɩkana ná
háá dí cana sɩ́ɛ́
ŋ rɩ́wɔ́ va aá mʋ́ Wɩcʋɔlɩjaa rɩ́,
a cáási satɔrɔ́ kaá jʋ́ɔ́sɛ.
a hihííníŋ wɩ́ɛ́>>
Yɩɛlɛ Wɩɩsɛ.
Ʋ ká ɛ́ nɛ́, ŋ há sɩ́ dɛ́nnʋ́,
ʋ nɛ́ ká Laataarɔ.
7 Oo, ŋ Wɩɩsɛ, ŋ sɩɛrʋ lɩ́ŋ tɩɩ
ɛ́ nɛ́ tɛ́ ŋ mɩŋ Zʋrdɛŋ tɔ́ɔ́ mɛ́, Hɛrmɔŋ pallɛ nyúɓóŋɓóŋ,
arɩ́ Miseyaar paalɔ (paalɩ́wíé) nyúú
kaá bɩ́ɩ́nɩ́ wɩ́ɛ́.
8 Ɩ ɔ́ɔ́ ɩ dɩluŋe nyii dɔ́ŋ a yɩrɛ náŋá.
Ɩ nyigire arɩ́wɔ́ nyigʋ́gʋ́llɛ
wʋllɔ (valɔ) a ko tɔ́ŋ mɛ́.
9 Nyuutɩna Wɩɩsɛ fá cɩ́nɔ́ a tɩkɩ́ŋ wɔhɔwa;
ŋ dɩdɛ́nnʋ́ tɩ́táŋwa,
ká sɩsʋ́l Wɩɩsɛ ná há káŋ mɩɩsɛ.
10 Ŋ có rɩ́ŋ bʋ́l Wɩɩsɛ há káŋ nabʋ́ɩ́ rɩ́ a bʋ́lɛ́:
«Beé rí tɛ́ ɩ sʋ́llɩ́ŋ wɩ́ɛ́>>
Beé rí tɛ́ ŋ mɩ́ŋ sazɔkɔ́ mɛ́,
dɩŋdɔmɔ nʋnʋ́ɔ́sɩ́ŋ>>»
11 Ŋ tɛŋ naŋdaasɛ wuu ní sʋ́sɛ́,
ŋ dɩŋdɔma háá tʋ́ksíŋ wɩ́ɛ́,
aá bʋ́lɩ́ŋ rɩ́ tápʋ́l wuu a bʋ́lɛ́:
«Ɩ Wɩɩsɛ ná mɩ́ŋ nɛ́ɛ́ rɛ́>>»
12 Ŋ dʋma, beé rí tɛ́ ɩ sɩɛrʋ zɔkɛ,
ɩ hihííníŋ wɩ́ɛ́>>
Yɩɛlɛ Wɩɩsɛ!
Ʋ ká ɛ́ nɛ́, ŋ há sɩ́ dɛ́nnʋ́,
ʋ nɛ́ káŋ Wɩɩsɛ, ŋ Laataarɔ.